Tarix boyunca bir çox elm adamı, istər dövrlərinin geri qalmış elm səviyyəsi, istərsə də sahib olduqları bəzi ön mühakimələrdən ötrü bir çox elmi yanılmaya aludə oldu. Tarixdə yaşanmış elmi yanılmalara veriləcək ən təəccüblü nümunə, həyatın mənşəyi haqqında ortaya atılmış iddialardan biriydi. Çünki bu iddianın göstərdiyi təsirlər və məntiqsizliyi digər yanılmalardan daha böyük oldu. Bu yanılma, təkamül inancıyla materialist dünyagörüşünün birləşdiyi "Darvinizm" idi.
Bir zamanlar qeyri-kafi elm səviyyəsindən ötrü qəbul edilmiş darvinizmin maskası, 21-ci əsrdə tamamilə salınmış, köhnə və çürük bir nəzəriyyə olduğu ortaya çıxmışdır. Bu kitabda bir dəfə daha dəlilləriylə birlikdə göstərilən bu açıq həqiqəti gördükdən sonra müqavimət göstərməmək və həqiqəti qəbul etmək doğru bir hərəkətdir. Bir insan məlumat əskikliyindən ya da özünə edilən təlqinlərdən ötrü təkamül yalanına inanmış ola bilər. Amma əgər səmimi bir insandırsa, bir aldatmacanın arxasınca gedərək dünyada və axirətdə alçalmağındansa, haqqı araşdırıb tapmalı və ona tabe olmalıdır. Darvinizmin aludəçilərinin etmələri lazım olan şey, bu nəzəriyyəyə kor-koranə inanmaqdan imtina etməkdir. Elmin nəticələrini nəzərdən keçirməli və bu nəticələri ön mühakiməsiz şəkildə qiymətləndirməlidirlər.
Səmimi olduqları təqdirdə, darvinizmin ən qatı müdafiəçiləri belə, bu nəzəriyyənin böyük bir aldanış olduğunu görəcəklər. Səmimiyyət və dürüstlüyün dünyada da, axirətdə də qarşılığının gözəl olacağı unudulmamalıdır.
