Hz. İsa (ə.s), -bütün peyğəmbərlər kimi- insanlara bir və tək olan Allaha ibadət etmələrini, inkardan, şirkdən və hər cür pis şeylərdən uzaq dayanmalarını nəsihət etmişdir. Hz. İsa (ə.s)ın çağırışına uyğun gəlməyənlər ona mane olmaq istəmişlər, bu məqsədlə o və ətrafındakı möminlərə təzyiq etmişlər. Ancaq bu səylərində müvəffəqiyyətli ola bilməmişlər və Hz. İsa (ə.s)ı öldürməyə qərar vermişlər. Ancaq -Quranda açıqca bildirildiyi üzrə- inkarçılar Hz. İsa (ə.s)ı öldürə bilməmişlər, onlara bu vəziyyətin bir bənzəri göstərilmişdir.

Allah Hz. İsa (ə.s)ı, bilinən bioloji mənada canını almadan Öz Qatına yüksəltmişdir. Hz. İsa, Quranın bir çox ayəsində bildirildiyi və sevimli Peyğəmbərimiz (səv)ın açıqca müjdələdiyi üzrə, ikinci dəfə yer üzünə gələcəkdir.

Hz. İsa (ə.s)ın öldürüldüyünü və ya öldüyünü qarşıya qoyanlar çox böyük bir yanılma içindədirlər. Bu kitabın məqsədlərindən biri, yanılmaya qapılmış olan kəslərə səhv bir dünyagörüşünə sahib olduqlarını göstərməkdir. Kitab boyunca Hz. İsa (ə.s)ın ölmədiyi və öldürülmədiyi Qurandan ayələr, Hz. Məhəmməd (səv)ın hədisləri və İslam alimlərinin şərhləri ilə açıqlanacaq.

Bu kitab bir tərəfdən Hz. İsa (ə.s)ın öldüyü yanılmasına qapılanlara gerçəyi göstərərkən, digər tərəfdən çox əhəmiyyətli bir müjdənin xatırladılmasına vasitə olacaq. Bu müjdə, Rəbbimizin vəd etdiyi kimi, Hz. İsa (ə.s)ın ikinci dəfə yer üzünə gələcək olmasıdır. Allahın icazəsi ilə bu mübarək insanın zühur vaxtı çox yaxınlaşmışdır və onun gəlişiylə dünya çox böyük hadisələrə şahid olacaqdır.