İslamın Qışı Və Gözlənilən Baharı

İman edən bir insan, hər eşitdiyindən və hər gördüyündən məsuldur. Allah Quranda müsəlmanlara belə səslənməkdədir:

Sizə nə olub ki, Allah yolunda və: “Ey Rəbbimiz! Bizi əhalisi zalım olan bu şəhərdən çıxart, bizə Öz tərəfindən bir himayəçi təyin et, bizə Öz tərəfindən bir yardımçı təyin et!” – deyən zəif kişilər, qadınlar və uşaqlar uğrunda vuruşmursunuz? (Nisa surəsi, 75)

Bir müsəlmanın dünya üzərində şiddətli bir zülm davam edərkən, rahat yatağında laqeydcəsinə yatması, boş işlərlə əylənməsi, yalnız öz əyləncəsini və mənfəətlərini düşünməsi qeyri-mümkündür. Çünki iman edən bir insan haqsız müharibələrin, qırğınların, zülmün, aclığın, əxlaqi degenerasiyanın, qısaca dünya üzərindəki bütün problemlərin təməl həll yolunun Quran əxlaqının insanlar arasında yayılması olduğunu bilməkdədir. Bu məlumat ona çox böyük bir məsuliyyət yükləmişdir; dünyaya İslam dinini və dinin gətirdiyi gözəllikləri izah etmək, Quran əxlaqını yaymaq və dinsizliyə qarşı fikri mübarizə icra etmək...

Bu şərəfli məsuliyyətə sahib çıxan insanlar, dünya üzərində zülm görən bütün insanları Quranın rəhbərliyində aydınlığa çıxaracaqlar. Gözlənilən bahar, Allahın icazəsiylə, çox yaxındır.