Kiçik Dostlarımız Qarışqaların Dünyası

Uşaqlar!

Bu günə qədər qarışqaların nə qədər böyük bacarıqlara sahib olduğunu, nə qədər ağıllı davranışlar göstərdiklərini, bəlkə də, heç eşitməmisiniz. Hətta bəziləriniz onların heç bir şey etmədən bütün günü boş-boş gəzişən böcəklər olduğunu hesab etmisiniz. Amma belə düşünənlər bilsinlər ki, bu fikirləri yanlışdır. Çünki qarışqaların (bir çox digər canlı kimi) özlərinə xas həyatları, son dərəcə təəccüblü xüsusiyyətləri vardır.

Elə kitabımızın qəhrəmanı olan Fərid bu həyatın və xüsusiyyətlərin təfərrüatını bir dostundan çox gözəl şəkildə öyrənir. Fərid qarışqaların dünyası ilə bağlı dostundan öyrəndikləri qarşısında çox böyük bir təəccüb yaşayır.

Bəs, görəsən, Fəridi bu qədər həyəcanlandıran və təəccübləndirən nədir? Qarışqaların dünyasına niyə bu qədər böyük bir heyranlıq duyur? Hər halda sizə də maraqlı gəlir. Onda bu kitabı oxuyun...