İnsanın ağzından çıxan hər söz Quranın “Xeyr! Biz onun dediklərini yazacaq və əzabını qat-qat artıracağıq. Onun dediyi şeylər Bizə qalacaq və o, hüzurumuza tək-tənha gələcəkdir.” (Məryəm surəsi, 79-80) ayəsiylə bildirildiyi kimi, Allah Qatında yazılır. Bu səbəbdən insanlar inandıqları hər fikirdən, ağıllarından keçirdikləri hər fikirdən, göstərdikləri hər davranışdan məsul olduqları kimi, söylədikləri hər sözdən də məsul tutulacaq və axirətdə buna görə qarşılıq alacaqlar.
Bu əhəmiyyətli həqiqəti açıq şəkildə dərk edən və bu əxlaqı ən gözəl şəkildə yaşayan kəslər isə şübhəsiz ki, möminlərdir. Möminlər dünya həyatında Rəbbimizə könüldən iman edərək müsəlman kimi yaşayan və bunun bir vacibiyyəti olaraq da “müsəlman kimi danışan” kəslərdir. Müsəlman kimi danışa bilmək, ancaq Allaha və Qurana təslim olmaqla mümkün ola bilər. Ürəyində imanı, səmimiyyəti və təslimiyyəti yaşadıqdan sonra, insana “nitqi verib danışdıracaq” olan Allahdır.
Allah ona müsəlman kimi danışmağı ilham edəcək, onu ənsəmimi, ən hikmətli, ən təsirli və ən doğru şəkildə danışdıracaq. Ürəyində səmimi iman olmadığı müddətcə, bir insan yalnız sözlərinə diqqət yetirərək bu səmimi üslubu qazana bilməz. Həyatın hər anında müsəlman kimi danışa bilmək üçün, səmimi imanı və Allah qorxusunu ürəkdə hər an yaşamaq lazımdır.
