Çox insan bu suala belə cavab verər: “Quran, dinimizin müqəddəs kitabıdır.” Bu əlbəttə doğrudur; ancaq Quran əsas olaraq Allahın bütün insanlara göndərdiyi və onları məsul tutduğu kitabdır. Elə isə, insanların Quranın məzmunu, əmrləri, tövsiyələri, hökmləri ilə əlaqədar hər şeyi bilmələri lazımdır. Amma bu nöqtədə əhəmiyyətli nöqsan qarşımıza çıxar, bir çox insan Quranın məzmunu haqqında elədə fikir sahibi deyil. Quran haqqında xalq arasında məşhur bir çox batil inanc vardır. Quran, ümumiyyətlə evlərin divarlarında bəzəkli mühafizə içində asılı durar. Və yenə ümumiyyətlə yaşlılar tərəfindən oxunar. Lakin oxuyanlar da, Quranın yalnız Ərəbcəsini oxuyarlar və Ərəb dilini bilmədiklərinə görə də, təbii olaraq məzmunu haqqında heç bir şey öyrənə bilməzlər.
Bu batil inanca görə; Quranın çox maraqlı bəzi faydaları olduğu da düşünülər. Hərdənbir oxunanda, oxuyan adamı və oxuduqdan sonra oxuyub-üflədiyi yaxınlarını, “qəzadan-bəladan” qoruyacağı umulur. Bu yönü ilə Quran, bir cür bəlalara qarşı tilsim kimi görülər. Sanki tilsimli sözlər ehtiva etdiyi və bu şəkildə insanları qoruduğu zənn edilər. Bəzi insanlar da ətraflarından gördükləri bəzi Qurandan kənar ənənəvi qaydaları, Quran qaynaqlı zənn edərlər. Yaxşı bəs, Quranın həqiqi mahiyyəti nədir?
Bunu, Quranın özündən (ayələrindən) öyrənmək lazımdır:
Bu Quran insanlar üçün bir bildirişdir. Qoy onunla həm qorxsunlar, həm Allahın Tək İlah olduğunu bilsinlər, həm də ağıl sahibləri düşünüb ibrət alsınlar. (İbrahim surəsi, 52)
Biz Quranı yada salmaq üçün asanlaşdırdıq. Amma heç bir yada salan varmı? (Qamərsurəsi, 32)
Onların rəvayətlərində ağıl sahibləri üçün bir ibrət vardır. Bu Quran uydurulmuş bir kəlam deyildir. Ancaq özündən əvvəlkiləri təsdiqləyən və hər şeyi müfəssəl izah edəndir; iman gətirən bir camaat üçün hidayət və mərhəmətdir. (Yusif surəsi, 111)
Bu, qətiyyən şübhə doğurmayan, müttəqilərə doğru yol göstərən bir Kitabdır. (Bəqərə surəsi, 2)
