Həyat, kainatdakı mükəmməl nizamın qurucusu Allah tərəfindən yaradılmış, hər bir canlı özünə xas özəlliklərlə var edilmişdir. İlk insanı (hz. Adəmi) yaradan Allah bütün insan nəslini onun soyundan çoxaltmışdır.
Müasir dövrün insanı açıq-aşkar olan yaradılış həqiqəti ilə yanaşı, ona alternativ (!) olaraq önə sürülən ikinci bir iddia ilə qarşılaşmışdır. Bu iddiaya görə, insan və digər canlılar şüurlu yaradılışın nəticəsində deyil, baş verməsi ehtimalı olmayan milyonlarla təsadüfün ard-arda gəlməsi ilə var olmuşlar. Təkamül nəzəriyyəsi alternativ mövcud olma tərzini ifadə edə bilməməklə yanaşı, ən kiçik bir tutarı olmayan inanc olmaqdan da o tərəfə gedə bilmir.
Kitabçada yüzlərlə ziddiyyət və elmdən kənar iddia ilə dolu olan təkamül nəzəriyyəsinin incəliklərini, həmçinin paleontoloji çətinliklərini ətraflı araşdırmayacağıq. Bu mövzularda bəzi diqqətçəkənməlumatlardan istifadə etsək də, tam olaraq təkamül məntiqinin tutarsızlığını göstərəcəyik.
Təkamül nəzəriyyəsini texniki xüsusiyyətləri ilə göstərən və əsassızlığını qəti şəkildə isbat edən qaynaq axtaranlar “Canlılar və təkamül” adlı kitaba baxa bilərlər.
