Cahil qadınlar yaşadıqları həyatın və öz xarakterlərinin yaratdığı narahatlığı danışıqlarında da tez-tez dilə gətirirlər. Cahil kişilərin də göstərdikləri bu rəftar başda qadınların özləri olmaqla yanaşı, ətraflarındakı hər kəsə də əzab verir. Onların düşüncələrinə görə gün ərzində yemək bişirib, ev təmizləyib və bütün gəncliyini, enerjisini bunun üçün sərf edən qadının "deyinməsi" çox normaldır. Hətta bu, onların ən təbii haqqıdır və ətraf mühit də bunu anlayışla qarşılamalıdır. Ən çox özləri yaşadıqları monoton evliliyin, çətin və yorğun həyatın içindədirlər. Yenə öz düşüncələrinə görə, daha çox həyat yoldaşları bu həyatın maddi öhdəliklərini boynuna götürməlidirlər. Buna görə də ən çox özləri deyinməli və şikayət etməlidirlər. Bunun nəticəsi olaraq da, kişilər narahat olsalar belə, həyat yoldaşlarının ancaq bu tərzdə rahatlaya biləcəklərini və əzablardan uzaqlaşa biləcəklərini düşündükləri üçün bu xarakteri demək olar ki, qəbul edirlər. Ancaq bunu da bildirmək lazımdır ki, bu insanlar belə həyatı bilərək və istəyərək seçirlər. Seçdikləri həyatın hər anında şikayətçi olmaqdan da imtina etmirlər.