Erkək pinqvinlərin fədakarlığını bilirsinizmi? Erkək pinqvinlər yumurta üçün kürt yatdıqda 4 ay ərzində heç nə yemirlər.
Daha keyfiyyətli siyasət üçün daha çox qadın
İnsan ürəyi dəqiqədə 60-80 dəfə döyünür. Kolibri quşunun ürəyi isə dəqiqədə 615 dəfə döyünür.
Ürəyimiz dəqiqədə 70, ildə 35 milyon, orta hesabla 60-70 ildə isə 2 trilyon dəfə döyünür. Bütün həyatımız boyu 227 milyon litr qan vurur.
Ağacın budaq və yarpaqları daha nazik olduğu üçün şiddətli külək əsəndə əyilərək gövdəyə düşən sürtünmə qüvvəsini azaldır və ağacın yerə daha sağlam yerləşməsini təmin edir.
Plasenta ana ilə körpə arasındakı qida, oksigen və digər maddələrin mübadiləsini təmin edən orqandır. Bu orqanın heyranedici xüsusiyyətlərindən biri yeni hüceyrə qruplarının, yəni toxumaların yaranması üçün lazımi qidaları diqqətlə seçərək körpəyə ötürməsidir.
Amnion mayesi ananın sağlamlığı üçün çox böyük əhəmiyyət daşıyır. Körpə maye içində olduğu üçün ana bətnində ağırlıq yaratmır və bunun sayəsində normal inkişafını tamamlayır.
Çəyirtkənin koma vəziyyətinin (təhlükəli vəziyyət yarandıqda enerjiyə qənaət məqsədilə sistemi müvəqqəti dayandırması və bədənə dəyəcək zərərlərin qarşısını alması) insanda migrenin başlama mexanizmi ilə bir çox ortaq xüsusiyyəti var.
Yarpaqdan çıxan FT( Flowering Locus T) zülalı bitkinin kökünə doğru gedərək onun gündüz saatlarını hesablamasına və çiçəklənmə vaxtını müəyyən etməsinə kömək edir.
Çöl bitkiləri quraqlıqla iki yolla mübarizə aparırlar. Birincisi, sahib olduqları dözümlü quruluşlarından istifadə edərək, ikincisi də yuxuya gedərək.
Bir pətəkdə on minlərlə işçi arı olmasına baxmayaraq, təkcə bir ana arı olur. Arılar üçün ana arı çox əhəmiyyətlidir, çünki yumurtlayarak koloniyanın davam etməsini təmin edir.
Quş yumurtasının qabığındakı ləkələrin təkcə kamuflyaj deyil, daha bir vacib funksiyası olduğu aşkarlanıb. Bu ləkələr qabıqda kalsium çatışmazlığından yaranan zəif nöqtələrin bərkiməsinə kömək edir.
Hər il orta hesabla 50.000 meteor yerin atmosferinə daxil olur, ancaq oksigenin təsiri ilə sürtünərək alovlanır və yerə düşməmiş böyük kütləsini itirir.
Yanma hadisəsi üçün oksigen qazının olması vacibdir. Kosmosda yanma hadisəsinin olmamasına səbəb oksigenin yox dərəcədə olmasıdır.
Nəsillərini davam etdirmək üçün bitkilərin böcək və ağcaqanadları cəlb edən qoxular yayması, dişi və erkək çiçəklərin müxtəlif vaxtlarda yetişməsi onların “şüurlu” davranışlar nümayiş etdirdiklərini göstərir.
Cənubi Amerikanın ən uzun çayı olan Amazonda təkcə pirani balığının 30 növü yaşayır. Uzunluğu 6437 km olan çayda bir balığın 30 növünün yaşaması Uca Allah’ın növbənöv yaratma sənətinə nümunədir.
Skanedici elektron mikroskopu ilə aparılan tədqiqatlarda akulaların dərisində zolaqlar olduğu aşkar edilib. Bu zolaqlar şaquli su burulğanı yaradaraq suya qarşı müqaviməti azaldır.
Hazırda qanadlarının eni 15 sm-dən kiçik olan təyyarələr istehsal etmək mümkün deyil. Lakin ağcaqanadlar kiçik qanadları ilə mükəmməl uçuşlar həyata keçirə bilirlər.
İlbizlərin bədənləri “ayaq” adlanan güclü əzələdən ibarətdir. Ayağın özünün də çox sayda kiçik əzələdən ibarət olması ilbizin aşağı, yuxarı və dalğa formasında hərəkət etməyinə imkan yaradır.
İnsan 1-2 həftə ac qala bilər, lakin 3-4 gündən artıq susuz qala bilməz. 55-75%-i sudan ibarət olan insan bədənində tərləmə, nəfəsalma və digər fəaliyyətlərə gün ərzində 2-3 litr su sərf olunur.
Heyvanlar aləmində ana qədər ata da balaya baxmaqla məsuldur. Məsələn, yuva qurmaq və balaları yemləmək vəzifələrini emu və nandu dəvəquşlarının erkəkləri həyata keçirirlər.
Arizonanın Biodizayn İnstitutunun tədqiqatçıları çirkli suyu təmizləmək üçün bakteriyalardan istifadə edirlər. Təmizləmə prosesində oksidləşmiş yerlərdə yaşayan və hidrogeni ayıraraq zərərsizləşdirən bakteriya növlərindən istifadə olunur.
DNT fermentlərinin mühüm funksiyalarından biri DNT molekulunun təmirinə kömək etməkdir. Məsələn, fotoliaz adlanan ferment hüceyrəni günəş şüalarından qoruyur.
Kirpi balığı təhlükəli vəziyyətdə özünün bir neçə misli qədər şişərək düşmənindən müdafiə olunur. Balığı uda bilməyən düşmən ondan uzaqlaşmağa məcbur olur.
Embrionun ilk 5 ayında əmələ gələn beyin hüceyrələri doğuşdan əvvəl beynin lazımi yerlərinə paylanır. Sürətlə yaranan bu hüceyrələr bir müddət sonra mərkəzi sinir sistemini formalaşdırmaq üçün daha uzaq məsafələrə “köçməyə” başlayırlar.
İlan gözü insan gözündən daha həssas quruluşa malikdir. Hətta bəzi ilanlar insanların ancaq istilik kimi qəbul etdiyi infraqırmızı şüaları da görürlər.
