Allahın "Əziz" sifəti nə deməkdir?

Allahın "Əziz" sifəti Onun məğlubedilməz olduğunu, hər zaman qalib gələn, mütləq qüvvət sahibi olduğunu və Ondan üstün heç bir gücün olmadığını ifadə edir. Bu sifət Allahın kainatdakı sonsuz qüdrətini və yenilməzliyini vurğulayır.

Allahın ayələrini inkar edənləri nə gözləyir?

Allahın ayələrini inkar edənlər şiddətli əzaba düçar olacaqlar. Quranda bu şəxslərin şəhərlərdə gəzib-dolaşmalarının onları aldatmaması, çünki sonda Rəbbin cəzasının onları yaxalayacağı və od sakinləri olacağı bildirilir.

ƏZİZ - Üstün, qüvvətli, güclü, şərəfli, məğlub edilməsi mümkün olmayan, qalib olan

Q: İnsan Allah qarşısında necə təsvir edilir?

İnsan, nə qədər güclü, zəngin və etibarlı olsa da, Allah qarşısında aciz və gücsüzdür. Nə malı, nə pulu, nə də ona etibar edən insanların sayı onu Allahın əzabından qoruya bilməz. Yalnız Allaha təslim olanlar və Onun əmrlərinə tabe olanlar bu acizlikdən istisna edilir.

Q: Quranda Allahın Öz tərəfdarlarına dair hansı vədlər verilir?

Quranda Allah həmişə Öz tərəfdarlarına üstünlük verəcəyini vəd etmişdir. "And olsun ki, Mən və peyğəmbərlərim qalib gələcəyik!" ayəsində də qeyd edildiyi kimi, Allah yenilməz qüvvət və qüdrət sahibidir.

Allah`ın peyğəmbərlərə verdiyi vədə xilaf çıxacağını sanma! Həqiqətən, Allah yenilməz qüvvət sahibi, intiqam sahibidir! (İbrahim Surəsi, 47)

Allah`ın Əziz sifəti Onun məğlub edilməsinin qeyri-mümkün olduğunu, hər zaman qalib olanın Özü olduğunu ifadə edir. Allah kainatda mütləq qüvvət sahibidir və Ondan üstün heç bir güc yoxdur.

Kainatdakı bütün nizamı, insanların sirrini qavramadıqları və ya yeni-yeni kəşf etdikləri bütün qanunları yaradan Allah`dır. Bununla yanaşı, yer üzündə olan hər canlını yaradan da Odur. Allah`ın sonsuz gücü və qüdrəti qarşısında yaratdıqlarının acizliyi açıq-aşkardır. Yaratdığı bütün varlıqlar, ancaq Onun əmri ilə hərəkət edir, həyatlarını davam etdirir, müəyyən nizam içində yaşayırlar.

Şübhəsiz, bu acizlik yer üzünə hakim olduğunu zənn edən insan üçün də əsaslıdır. İnsan nə qədər güclü, zəngin və etibarlı olsa da, Allah qarşısında aciz və gücsüzdür. Nə malı, nə pulu, nə də ona etibar edən insanların sayı onu Allah`ın əzabından qoruya bilməz. Ancaq Allah`a təslim olan, Onun əmrlərinə tabe olan, razılığını qazanmağa çalışanlar xaric... Allah Quranda həmişə Öz tərəfdarlarına üstünlük verəcəyini vəd etmişdir. Ayələrdə belə buyurulur:

Allah: “And olsun ki, Mən və peyğəmbərlərim qalib gələcəyik!” – deyə yazmışdır. Həqiqətən, Allah yenilməz qüvvət sahibi, qüdrət sahibidir! (Mübarizə surəsi, 21)

Daha öncə insanları hidayət etmək üçün Furqanı da O nazil etdi. Allah`ın ayələrini inkar edənlər şiddətli əzaba düçar olacaqlar. Allah yenilməz qüvvət, intiqam sahibidir! (Ali-İmran surəsi, 4)

Allah Özündən başqa heç bir ilah olmadığına şahiddir. Mələklər və elm sahibləri də haqqa-ədalətlə boyun qoyaraq o qüvvət, hikmət sahibindən başqa ibadətə layiq heç bir varlıq olmadığına şəhadət verdilər. (Ali-İmran surəsi, 18)

Onların sözləri səni kədərləndirməsin. Yenilməz izzət bütövlükdə yalnız Allah`a məxsusdur. O, eşidəndir, biləndir! (Yunis surəsi, 65)

Bu kitab qüdrətli, müdrik Allah tərəfindən nazil edilmişdir. Günahları bağışlayan, tövbələri qəbul edən, cəzası şiddətli olan lütf sahibindəndir! Ondan başqa məbud yoxdur. Dönüş də Onadır. Allah`ın ayələri barəsində yalnız kafirlər mübahisə edərlər. Onların şəhərlərdə gəzib-dolaşmaları səni aldatmasın. Onlardan əvvəl Nuhun xalqı və sonrakı əlbir dəstələr də yalançı saydılar. Hər ümmət öz elçilərini yaxalamağa qəsd edirdi. Onlar həqiqətin yalan olduğunu sübuta yetirmək üçün batil sözlərlə mübahisə aparırdılar. Mən də onları yaxaladım. (Bir görəydin) Mənim cəzam necə oldu! Kafirlərin od sakinləri olacağı barədə Rəbbinin sözü beləcə həqiqətə çevrildi. (Mömin (Ğafir) surəsi, 2-6)