Hərəkətlərimizi istiqamətləndirən zona

492

24 Ekim, 2014

Xülasə

Bu məqalə, Ələq surəsində keçən "yalançı, günahkar kəkilindən" ifadəsinin elmi əsaslarını araşdırır. Beynin ön alın nahiyəsinin hərəkətlərin planlaşdırılması, motivasiyası, yaxşı və pis əməllərin idarə edilməsi, yalan və ya doğru söyləmə kimi fəaliyyətlərlə əlaqəsi müasir elmi kəşflərlə Qurani ayələr arasındakı uyğunluğu ortaya qoyur. Məqalə, Allahın elmi həqiqətləri əsrlər əvvəl bildirdiyini vurğulayır.

Əsas məqamlar

Ələq surəsindəki "yalançı, günahkar kəkilindən" ifadəsi beynin ön alın nahiyəsinə işarə edir.
Müasir elm beynin ön alın nahiyəsinin hərəkət planlaşdırması və aqressivliklə əlaqəli olduğunu təsdiqləyir.
Beynin bu hissəsi yalan və ya doğrunun söylənməsi kimi fəaliyyətləri idarə edir.
Quranda 1400 il əvvəl verilən bu məlumatlar, elmin son 60 ildə kəşf etdiyi həqiqətlərlə üst-üstə düşür.
Qurani ayələr Allahın yaratma sənətini və dərin hikmətini nümayiş etdirir.

Tez-tez verilən suallar

Quranda qeyd olunan "yalançı, günahkar kəkilindən" ifadəsi nəyi nəzərdə tutur?

Quranda qeyd olunan "yalançı, günahkar kəkilindən" ifadəsi, müasir elmi tədqiqatlara görə, beynin başın qabaq hissəsində yerləşən və bəzi fəaliyyətləri idarə edən ön alın nahiyəsini nəzərdə tutur.

Beynin ön alın nahiyəsinin əsas funksiyaları hansılardır?

Beynin ön alın nahiyəsinin əsas funksiyaları hərəkətlərin motivasiyası, öncədən planlaşdırılması və başlanmasıdır. Həmçinin bu nahiyə aqressivliyin əsas funksional mərkəzi kimi də qəbul edilir və yalan və ya doğrunun söylənməsi ilə əlaqəli fəaliyyətləri idarə edir.

Qurani ayələrdəki elmi məlumatlar müasir elmlə necə uzlaşır?

Qurani ayələrdə beynin ön alın nahiyəsi və onun funksiyaları haqqında verilən məlumatlar, müasir elm adamlarının son 60 il ərzində apardıqları tədqiqatlar nəticəsində əldə etdikləri elmi həqiqətlərlə böyük bir paralellik təşkil edir. Bu, Quranın elmi möcüzələrindən biri hesab olunur.

Quranda elmi həqiqətlərin əsrlər əvvəl bildirilməsi nəyin göstəricisidir?

Quranda elmi həqiqətlərin elmi kəşflərdən əsrlər əvvəl bildirilməsi, Quranın Allah kəlamı olduğunun və Allahın hər şeyi əhatə edən sonsuz elminin bir göstəricisidir. Bu, kainatdakı qüsursuz dizaynı və Allahın yaratma sənətini vurğulayır.

"Yox, yox! Əgər son qoymasa, and olsun ki, biz onu kəkilindən yapışıb sürükləyəcəyik - özü də yalançı, günahkar kəkilindən!" ("Ələq" surəsi, 96/15-16)

Yuxarıdakı ayələrdə qeyd edilən "yalançı, günahkar kəkilindən" ifadəsi çoxmənalıdır. Son dövrlərdə aparılan tədqiqatlar başın qabaq hissəsində beynin bəzi fəaliyyətini idarə edən hissənin olduğunu göstərir. 1400 il əvvəl Quranda bildirilən bu nahiyə və onun vəzifəsi haqqındakı məlumatlara dövrümüzün elm adamları ancaq son 60 il ərzində izah verə biliblər. Qafa tasının daxilinə, başın qabaq hissəsinə baxanda beynin qarşı tərəfi görünür.

Fiziologiya sahəsində bu nahiyənin funksiyaları haqqında aparılan araşdırmalar nəticəsində əldə edilmiş məlumatlar "Essentials of Anatomy and Physiology" ("Anatomiya və fiziologiyanın əsasları") adlı kitabda aşağıdakı şəkildə bildirilir:

"Hərəkətlərin motivasiyası, öncədən planlaşdırılması və başlanması alının ön hissəsi olan qabaq alın nahiyəsində (cerebrum) gerçəkləşir. Bu alın birləşməsinin (kortesinin) bir nahiyəsidir".

Kitabda bu hissə ilə bağlı aşağıdakı ifadələr də öz əksini tapır:

"Hərəkətlə olan əlaqəsi ilə yanaşı, ön alın nahiyəsi həm də aqressivliyin əsas funksional mərkəzi kimi də nəzərdə tutulur".

Bu açıqlamalardan da aydın olduğu kimi, beynin qabaq alın hissəsi planlaşdırmaq, hərəkətə gəlmək, yaxşı və pis hərəkətlərə başladılmaq, yalan və ya doğrunun söylənməsi ilə əlaqəli fəaliyyət növlərinin hamısını idarə edir. Göründüyü kimi, "Ələq" surəsində qeyd edilən "yalançı, günahkar kəkilindən" ifadəsi ilə yuxarıdakı tərif arasında böyük bir paralellik var. Alimlərin son 60 ildə kəşf etdiyi bu elmi həqiqətləri Allah insanlara Quran ayələrində hələ əsrlərlə əvvəl xəbər vermişdir.