MÜHSİ - Sonsuz da olsa, hər şeyin sayını bilən

444

21 Sentyabr, 2013

Xülasə

Bu məqalədə "Mühsi" ismi, yəni Allahın hər şeyin sayını bilən sifəti izah edilir. Kainatdakı canlı və cansız varlıqların sayının, hər bir detalın Allah tərəfindən bilindiyi və hesablandığı vurğulanır. Bu, Allahın sonsuz elmini və hər şeyə hakimiyyətini ortaya qoyur, insanların isə bu elmdən məhrum olduğu bildirilir.

Əsas məqamlar

Allah kainatda yaratdığı hər şeyi, ən incə detallarına qədər bilir və bütün canlılara hakimdir.
Allah yaratdığı canlı və cansız varlıqların sayını dəqiq təyin edib, bu elm yalnız Allaha məxsusdur.
Kosmosdakı planetlərin, ulduzların, atomdakı elektronların sayı Allah tərəfindən bilinir.
Dünyadakı ağacların yarpaqlarının, qum dənəciklərinin, yağış damcılarının sayı da Allaha məlumdur.
Yer üzündə yaşayan və yaşayacaq bütün insanların sayı, onların əməlləri və düşüncələri Allah tərəfindən əskiksiz bilinir.
Din günündə bütün əməllər ortaya gətiriləcək, çünki Allah hər şeyə şahiddir.

Tez-tez verilən suallar

Allahın "Mühsi" ismi nə deməkdir?

Allahın "Mühsi" ismi, O'nun kainatda yaratdığı hər şeyi, canlı və cansız varlıqların sayını, hər bir detalını ən incə şəkildə bilməsi və hesablama gücünə sahib olması deməkdir. Bu isim, Allahın sonsuz elmini və hər şeyə hakimiyyətini ifadə edir.

Allah kainatda nələrin sayını bilir?

Allah kosmosun dərinliklərindəki planetlərin, meteoritlərin, ulduzların sayını, atomun nüvəsinin ətrafında dönən elektronların sayını bilir. Həmçinin dünyadakı ağacların yarpaqlarının, hər yarpaqdakı atomların, qum dənəciklərinin, yağış damcılarının və dəniz dibindəki balıqların sayını da dəqiq şəkildə bilir.

İnsanların əməllərinin Allah tərəfindən bilinməsi nə üçün vacibdir?

İnsanların bütün işləri və düşündüklərinin Allah tərəfindən əskiksiz bilinməsi, din günündə hər kəsin etdiyi əməllərə görə hesaba çəkiləcəyini göstərir. Bu, insanların hərəkətlərinə görə məsuliyyət daşıdığını və heç bir detalın gizli qalmayacağını vurğulayır, ədalətin təmin olunacağına işarə edir.

Məryəm surəsi, 94 və Mülk surəsi, 14-cü ayələr Allahın hansı xüsusiyyətini vurğulayır?

Bu ayələr Allahın yaratdığı hər şeyi hesablaması, bir-bir sayması və yaratdığını ən incə detalına qədər bilməsi xüsusiyyətini vurğulayır. Onlar Allahın sonsuz elmini, kainatdakı hər şeyə hakim olduğunu və yaratdığı varlıqları tamamilə əhatə etdiyini göstərir.

(Allah) onları hesablamış və bir-bir saymışdır. (Məryəm surəsi, 94)

"O, yaratdığını bilməzmi?" (Mülk surəsi, 14) ayəsində bildirildiyi kimi, Allah kainatda yaratdığı hər şeyi ən incə detalına qədər bilir, bütün canlılara hakimdir. Çünki onların hər birini rənglərinə, formalarına, görünüşlərinə, xüsusiyyətlərinə qədər Allah yaratmışdır. Yaratdığı canlı və cansız varlıqların sayını da dəqiq təyin edib. Şübhəsiz, bu, insanın əsla sahib ola bilməyəcəyi, gücü çatmayacağı bir elmdir və yalnız aləmlərin Rəbbi olan Allah`a məxsusdur.

Allah kosmosun dərinliklərində neçə ədəd planet və neçə ədəd meteorit olduğunu, ulduzların sayını, atomun nüvəsinin ətrafında dönən elektronların sayını bilir. Dünyada olan ağacların hamısında neçə yarpaq olduğunu və hər yarpaqda nə qədər atom olduğunu da bilir. Allah yerin daxilində və səthində nə qədər qum dənəciyinin olduğunu, yağan yağış damcılarının, dünyadakı bütün dənizlərin dibində yaşayan balıqların sayını bilir. Yer üzündə neçə milyard bitki və heyvan növünün olduğunu da dəqiqliklə yenə Özü bilir. Yer üzündə hz. Adəmdən bəri yaşayan, bu an yaşayan və qiyamətə qədər də yaşayacaq insanların sayını da yalnız Allah bilir...

Allah insanların bütün işlərini və düşündüklərini əskiksiz bilir və din günündə bunları onlara xəbər verəcək. Edilən hər əməl, ən kiçik detallar belə əskik qalmadan din günündə ortaya gətirilir. Allah bu həqiqəti bir ayədə belə xəbər verir:

O gün Allah onların hamısını dirildəcək və etdikləri əməlləri onlara xəbər verəcəkdir. Allah onları hesaba almış, onlar isə unutmuşlar. Allah hər şeyə şahiddir. (Mücadilə surəsi, 6)