Adnan Oktar A9 TV; 11 avqust 2017

Bir insanın xarici görünüşünə və ya maddi imkanlarına baxmadan, əgər imanı sevir və Quranı öyrənmək istəyirsə o insana təbliğ edilər.

Təhsildə əsas məqsədin sevgi və səmimiyyət olması lazımdır. Şagirdləri havasız siniflərə doldurub soyuq üslubla əzbərçiliyə əsaslanan təhsil vermək olmaz. Məktəblər ev dizaynında olmalıdır, yoldaşlıq ruhu yaşanmalıdır. Bir insanın ən gözəl illəri beton yığınları içində keçməməlidir. Məktəblər yaraşıqlı olmalıdır.

İman edən insan İslama xidməti nemət olaraq görər, münafiq isə İslama xidmət etmək istəməz, öz şeytani şəriətini tətbiq edər. Münafiqlərin şəriətində yalnız yaşamaq, xəsis olmaq, məsuliyyətsiz olmaq, boş və məqsədsiz yaşamaq, hər cür əxlaqsızlıq, yalan danışmaq sərbəstdir.

Allah adından yalan söyləyənlər, Quranda olmayan büt inanclar üçün İslamın geriləməsinə, müsəlmanların əzab çəkməsinə səbəb olurlar.

Allah ilə qəlbini həmişə əlaqədə saxlayan insan həmişə xoşbəxtdir. Mənzərə, ev, maşın, gözəllik, həmişə Allahla birlikdə xoşbəxtlik verər.

Cəmiyyətin bəzi təbəqələri nə olduğunu bilməsə və ya müdafiə etməsə belə şüar şəklində bəzi üslublara dəb kimi ayaq uydurur və cahilcəsinə qoşulur. Öz üslubu, fikri, cümləsi olmadan yaradılmış şüarlardan, qəliblərdən dəb kimi istifadə etməyi heç kim özünə yaraşdırmamalıdır. İnsanın müstəqil ağlı olması gözəl olandır. "Hansı ağılla hərəkət edirsən", "nə içirsə, biz də içək", "problem yoxdur" kimi 5-10 qəlibdən başqa cümlə qura bilməmək bir insan üçün çox alçaldıcıdır. Bu hala gəlməyi heç bir ağıllı insan özünə yaraşdırmamalıdır.

Namus dinin bütünüdür. Namusa zərər təkcə zina ilə gəlməz, yalan danışanın, haram işləyənin də namusu zədələnmiş olar.

Yalan söyləmək çox alçaldıcı haldır. Ağıllı insan yalan deyənin vəziyyətini mimikalarından çox açıq görər.

Quran ilə təkamülü uyğunlaşdırmağa çalışanlar çox məntiqsiz açıqlamalar verirlər. Quranda təkamülə dair heç bir ayə yoxdur. Zər aləmində bütün insanlar bütün bədən üzvləri ilə tam olaraq yaradılıblar. Sonra dünyaya göndəriliblər. Təkamüllə mərhələ-mərhələ yaradılma yoxdur.

Quranda təkamüllə yaradılış yoxdur. Quranda təkamül vardır deyənlər zər aləmindən, Musanın əsasının bir anda ilana çevrilməsindən heç bəhs etmirlər. Zər aləmində insanlar bütün bədən üzvləri ilə mövcuddur, zər aləmində təkamüllə yaradılış yoxdur. Cənnət bağları, qılmanlar, hurilər təkamüllə yaradılmır.

Allah Quranda zər aləmində bütün insanları yaratdığını, sonra kainatı var etdiyini bildirir. Quranda təkamüllə mərhələ-mərhələ yaradılış yoxdur.

Quranda təkamül olduğunu iddia edənlər zər aləmində hələ kainat yaradılmadan bütün insanların bütün əzaları var olduğunu görməzlikdən gəlirlər.

Münafiq küfrə, dinsizliyə, dinsiz ideologiyalara qarşı heç bir iş görməz. Səhərdən axşama qədər təsirli olduğunu gördüyü müsəlmanlar əleyhinə kaftarlar kimi mırıldanar. Mənfəət əldə etmək istəyib edə bilmədiyi, yal tapıb yeyə bilmədiyi müsəlman cəmiyyətləri hədəf alar.

Münafiqlər ruhi xəstəlik şəklində yalan deyərlər. Münafiqlərin yalançılığı minlərlə əxlaqsızlıqlarından yalnız bir nümunədir.

Son qrup münafiqlərdə oğurluq, yalançılıq, axmaqlıq və namərdlik çox yüksəkdir. İnsanın bu qədər yüksək şəxsiyyətsizlik göstərməsi möcüzədir. Yalançı dedikdə insanlar tam başa düşmür, arada bir yalan danışırmış kimi zənn edirlər. Münafiqdə salam dediyi andan etibarən fasiləsiz dəlicəsinə yalan söyləmək var. Yalan danışmaları ifrat dərəcədədir.

Yalan danışdığı zaman insanı həmən pərt etməmək lazımdır. Əgər özünü qorumaq məcburiyyətində qaldığı üçün yalan danışırsa, daha xoş qarşılamaq lazımdır. Lakin mənfəət üçün, əxlaqsızlıq üçün, böhtan üçün, oyun oynamaq üçün yalan danışırsa, bu çox təhlükəlidir. Bu insan yalan maşını olmuşdur.

Yalan danışmaq çox bərbad şeydir. İnsanın ruhunu sıxar, çox ciddi mənəvi sıxıntı yaradar. Xüsusilə də mənfəət üçün yalan danışmaq cəhənnəmin qapısını açmaq deməkdir.

Yardımı sevmək sevgin yaradar. Məsələn, bir kasıba kömək edərsən, o səni sevər. Yalan danışmamaq, o da sevgi üçündür. Yalan danışanı sevmək çox çətindir. Yəni insana bənzəyən varlıq olur. Həmişə yalan danışır, əslinin necə olduğunu bilmirsən. GÖZƏL ƏXLAQIN MƏNŞƏYİ, HƏMİŞƏ SEVGİYƏ ƏSASLANIR.

Sevgini, sülhü, müharibələrin bitməsini, ictimai ədalətin hakim olmasını istəyən hər kəs mehdiyyət tələbəsidir, Mehdiyyət üçün dua edir.

Eyni fikirdə olmadığın insana hörmət etməmək mədəniyyətsizlik və əxlaqsızlıqdır. İnsanların hamısı eyni düşüncədə olmaq məcburiyyətində deyil.

Bir qadın Allahı sevir, Allahdan qorxursa, dürüstdürsə, özü kimi davranırsa, vicdanlıdırsa insan mütləq bu qadının təsiri altında qalar.

Münafiq zəhər saçan əqrəb, ilan kimidir. Bunları zərərsizləşdirmək, zəhərini axıtmasının qarşısını almaq lazımdır. Bu da ağıllı izahatla olar. Münafiqi zərərsizləşdirmək, əxlaqsızlığını, namərdliyini və oyunlarını ifşa edərək özünü tərpənəməyəcək hala gətirməklə olar.

Eşq, Allah sevgisinin ən yüksək halıdır. Allahın yaratdıqlarını sevmək, Allahın təcəllisini onlarda görmək və onları ehtirasla sevmək eşqdir.

Sevginin müəllimi hz. Mehdi zahir olduğu zaman nifrət yox olacaq.

İncəsənət sevgidir. Gözəllik, incəsənət və sevgi iç-içədir. Bütündür. Sevgini təşviq edən hər şey, incəsənəti də təşviq edər.