Adnan Oktar A9 TV; 13 aprel 2017

İncəsənətə, gözəlliyə qarşı olanların necə bir cəmiyyət istədiklərini izah etmələri lazımdır. Aydındır ki, baxımsız, diqqətsiz, qəmgin həyat istəyirlər.

Musiqinin, rəqsin, gözəlliyin müsəlmanların əlində olması bəzilərini çox qəzəbləndirir. Müsəlman deyildikdə baxımsız olması lazımdır deyə inanıblar. İncəsənət, gözəllik keyfiyyət, cazibədarlıq müsəlmanların əlində olduğu zaman İslamın çox rahat dünyaya hakim olacağını bildiklərindən əngəlləməyə çalışırlar.

Ağıl anbaan yaradılır. Danışıq anbaan yaradılır. Ağlı verən də, danışdıran da Allahdır.

İslam əxlaqının hakim olması demək, bütün vuruşmaların, müharibələrin bitməsi, sevginin, qardaşlığın, sülhün, gözəlliyin dünyaya yerləşməsi deməkdir.

Hər şeyi yaradan Allahdır. Bizim özümüz edirmiş kimi zənn etməyimiz də, Allahın sənətidir.

Ən böyük məqsədim sevgidir; Allahı sevmək, Allahın təcəllilərini sevməkdir.

Sevgisizlik çox geniş yayılıb. Fərqli düşüncədən, fərqli partiyadan olduqda bir-birlərindən nifrət edir və bunu normal qarşılayırlar. Bu sevgisizlik düzələcək. Sevgisizlərə sevginin əhəmiyyətini öyrədəcəyik. Belə tiplər özlərini də sevmirlər. Bacı-qardaşlarımız sevgisizlərə etimad etməsinlər.

Sevəni olmayan insanlar təkcə nifrət və qısqanclıq içində qovrulur, iztirab içində həyat sürürlər. İslam tərbiyəsi almayanlar Allahın möminlərə verdiyi nemətləri qısqanarlar. Onlar qısqanclıqla əzab çəkdikcə möminlərin bərəkəti artar.

Dünyanın bir çox yerində nifrət hakim oldu. Bunun müqabilində biz sevgini yerləşdirəcəyik inşaAllah.

Musiqiyə, heykələ, rəsmə, dekolteyə, gözəlliyə qarşı o qədər qarşıdırlar ki, heç cür nemətləri qəbul edə bilmirlər. Məkkəli müşriklər də belə idi. Əyləncəni, baxımlı olmağı, azadlığı özləri üçün haqq hesab edir, lakin qadınların da haqqı olduğunu heç cür qəbul edə bilmirdilər.

Mövhumatçılıq ucbatından insanlar İslamı yaşadıqda həyatın bütün sevincini və gözəlliklərini itirəcəklərini zənn edirlər. Halbuki Quran İslamı yaşandığı zaman dünyanın bütün gözəllikləri insanın həyatında olar. İnsanlar həqiqi sevinc və xoşbəxtliyi tapar.

Uşaqlarla heyvanların bir-birinə olan sevgisi, bir-birini tamamlayan, ruha çox gözəl təsir edən sevgidir.

Hz. Mehdi sevgini, şəfqəti, mərhəməti izah etməyə gələr. Hz. Mehdi özünü Allaha həsr edən və Allah üçün xidmət edən biridir.

Sevgisizliyin, qəddarlığın çox olduğu dünyada sevgini, mərhəməti, bağışlayıcı olmağı söyləyən bizik. Ənənəpərəst ortodoks İslamın müsəlmanlara verdiyi zərəri görüb ağıllı və şəfqətli əks izahat verən tək topluluq bizik.

Hər şeyi edən Allahdır. Allah möminə Öz yolunda xidmət etdiyini göstərərək onu şərəfləndirmiş olur.

Tayyib hocamın müasir Türkiyəni hədəfləməsi, keyfiyyəti, incəsənəti, gözəlliyi ön plana alması çox gözəl olar. Bəzi reaksiyalar onu heç usandırmasın.

Mövhumatçı, sevgisiz, keyfiyyətsiz, hər şeyə düşmən, insanların sevincini əlindən alacaq bir zehniyyətin Türkiyəni qaraltmasına əsla icazə vermərik. Türkiyəni tərtəmiz parlaq gələcək gözləyir. İncəsənət, gözəllik, elm, keyfiyyət düşmənləri boşuna həvəslənməsinlər.

Hər şeyin gözəl tərəfini görmək, gözəl danışmaq lazımdır. Həmişə qüsur tapan, səhv axtaran məntiq ən çox insanın özünü narahat edər.

Hər yerdə Allahın ruhu var. Bir çobanyastığının, yoldakı tək bir otun içində Allahın ruhu var. O tək çobanyastığıdan Allah istəsə yeni kainat yaranar. Allah istədikdə hz. Musanın əsasını bir anda canlı ilana döndərir, istəsə saraya da döndərər.

Allahın açıqca inkar edildiyi, insanlara “Allah yaratmadı” deyə təhsil verildiyi müddətcə bəlalar, əzablar əskik olmaz. “Atalarımız mikrobdur” deyən zehniyyətlə gənclər yetişdirilsə bu gənclərin zorakılığa, kommunizmə, terrora sürüklənməsi çox asanlaşar.

Mühafizəkar mətbuatın böyük hissəsi də açıqca Adəm və Həvvadan yaradıldığımızı izah etmir, bilərəkdən və ya bilməyərəkdən təkamül təbliğatı aparır. Mühafizəkar təbəqənin bir qismi darvinizmi elm zənn etdiyi üçün hələ ən başından məğlubiyyəti qəbul edir, elm ilə qarşı izah verə bilmir.

Allah insanların düşünməsi üçün baxdıqları hər yerdə çoxlu iman həqiqəti yaradıb. Buna baxmayaraq, insanların heç düşünməməsi böyük zalımlıqdır.

Bütün dünyanın elm adamları bir yerə toplanıb bir bitkinin etdiyini reallaşdıra bilmirlər. Canlılar Allahın möhtəşəm yaratmasının dəlilidir. Portağalın, albalının, almanın təsadüfən əmələ gəldiyini iddia edənlər, bunun hesabını axirətdə verə bilməyəcəklər.

PKK-nın silahı yerə qoyacağını düşünmək həqiqətə uyğun deyil. Edilməli olan ağıllı, elmi, fikri mübarizə aparmaqdır. PKK-nı elmlə məğlubiyyətə düçar etməkdir.

Şeyx Nazim sultanımız bundan 6 il əvvəl Rəcəb ayında prezident idarəetmə sistemi ilə əlaqədar seçki olacağını izah edir. Sultanımız çox mübarək insan idi.