Adnan Oktar A9 TV; 6 fevral 2014

Bütün heyvanların, bütün məxluqatın hamısının bir lideri olar. Bütün dinlərin, məzhəblərin bir lideri olar. Buddistlərin: məsələn, Lamaları vardır ki, başçılarıdır. Xristianların yenə liderləri var, papaları var. Yəhudilərin baş ravvinləri var. Sən ''müsəlmanların başçısı yoxdur'' deyirsən. Müsəlmanların hal-hazırda ortaya çıxacaq liderinin adı hz. Mehdi (ə.s)-dır.

Vicdanını istifadə edən, Qurana tabe olan bir insan şəffaf İslam, səhabə, mehdilik yolunu görür.

Din, dünyanın ruhudur. Allah dini dünyaya bir nemət olaraq verir. Dünyanı yaradarkən Allah dünyadan necə istifadə ediləcəyini də yanında kitabça kimi yazmış, Kitabla bizə bildirmişdir. Allahın dediyi kimi istifadə etsək dünya cənnət kimi olar.

Həm darvinizm, həm Quran ikisi birlikdə olmaz. İkisindən birini seçmək lazımdır ki, seçilən Quran olmalıdır. Darvinizmlə Quran arasında qalanlar xəstə düşüncəni müdafiə edir.

Quranda İslam Birliyinin kapitalizmə qarşı olduğunun vurğulandığını görürük. Allah Quranda malı-mülkü xərcləməyib yığmağın yanlış davranış olmasından bəhs edir. Malı-mülkü bol-bol paylamaq, kasıblara dəstək olmaq Quranda tez-tez vurğulanan həqiqətdir.

Allah müsəlmanların mütləq bir lideri olmasının lazımlığını söyləyir. Hər qövmün lideri olduğunu söyləyir. Allah “birlik içində, bərabərlik olanda sizə bərəkət, bolluq, dinclik və güvənc verərəm, əks halda qorxu, ağrı, iztirabı daddıraram'' deyir. Eynilə baş verir. Allahın açıq hökmünü görməməzliyə vurmağın bir mənası yoxdur.

İslam aləminin bir lideri olmalıdır. Yüz min ağıldan yüz min qarşıdurma, savaş, yüz min ayrı fikir, ziddiyyət çıxır. Tək bir ağılda nə ziddiyyət olar, nə qarşıdurma olar, nə fitnə olar, nə də döyüş olar. Heç bir şey olmaz.

Peyğəmbərimiz (s.ə.v) yalnız Quranın hökmünü bildirirdi, din mövzusunda çox təfərrüatlara girmirdi.

Mehdi (ə.s) liderlik arxasınca qaçan bir insan deyil.

Peyğəmbərimiz (s.ə.v)-in möcüzələrini saxlamaq böyük günahdır, ən böyük pisliklərdən biridir.

Allah, Quranda olmayan, əlavə, uydurma hökm çıxarmamağı əmr edir.

Allaha təslimiyyət, Quran müsəlmanlığı, qatı dinçiliyə qarşı olmaq, yəni mehdiyyət bütün bölgəni hüzura qovuşduracaq, inşaAllah.

Quranda nöqsan, əksiklik, ziddiyyət yoxdur. Quran elmlə, ayələr bir-birilə, tarixi hadisələrlə ziddiyyət təşkil etmir. Quranda verilən bütün məlumatlar daha sonra təsdiq olunur. Bu, Quranın möcüzəsidir, əlhəmdülillah.

Qatı dinçilər Qurana əlavələr edərək Quranın hökmünü dəyişdirə bilməyəcəklər. İslam Allahın istədiyi kimi, yenə Peyğəmbərimiz (s.ə.v) dövründəki kimi hakim olacaq.

Quran oxuyan insanlar hər oxuduqları ayədən ağıllarının, əxlaqlarının daha da dərinləşdiyini biləcəklər. Bu Tövratda da vardır. Ona görə yəhudilər Tövratı gecə-gündüz oxuyarlar. Bilavasitə həm əxlaqı, həm şəxsiyyəti inkişaf edir.

Quran çox sadədir. Quranın demək olar ki, yarıdan çoxu təkrardır. Bu, ayələrin daha da yaxşı qavranılması üçündür. Başqa sözlə, Allah bizə ağılın yığcam və sadə qaydalarını izah edir. Onu tətbiq edəndə xeyli ağıllı, qərarlı olarıq.

Əsas məsələ odur ki, İslam aləminin birləşib, onlar üçün lider seçib dünyanı cənnətə çevirmələri, hər fikirə mənsub insanlara hörmət edib, dünyanı birlikdə xoşbəxt yaşanacaq şəkildə idarə etmələri, dünyanı xoşbəxtlik dənizi halına gətirmələridir.

Həddindən çox liderlər var, amma Allah heç birinə dünyanı nizamlama, düzəltmə gücünü vermir. Çünki Allah qədərdə İslamın dünya hakimiyyətini Mehdi (ə.s)-a nəsib edəcəyini yazmışdır.

Müsəlmanların bir liderinin olmasının nə qədər vacib olduğu göz qabağındadır. Amma bəzilərinin bəsirəti bağlandığı üçün anlamırlar. Rəbbimiz qarşıdakı günlərdə insanların bəsirətini açacaq. Müsəlmanların üzərində bir pərdə var, Allah bu pərdəni açacaq və birlik olmağın, mehdiyyətin əhəmiyyətini görəcəklər, inşaAllah.

İslam aləmi bir liderləri olmadığı üçün bədbəxtdir. İslam Birliyi olmasa bu qarışıqlıq davam edər.

Bu millət qiyamətə qədər sabit qalacaq və inşaAllah İslam aləminə lider olacaq. Türkiyənin taleyində parçalanmaq yoxdur. Kommunizmin gəlməsi də mümkün deyil.

Liderə sahib çıxarlar. Lider qorunub, mühafizə edilməlidir. Ona söz gəlməsinə imkan verməyəcək, lazım gəlsə yolunda canını sipər edəcəksən. Lider olmaq asan deyil.

Müsəlmanların özlərinə bir lider gözləmələri onsuz da fərzdir. Allahdan bir lider istəmələri fərzdir. Müsəlmanlar onsuz da başsız olmaz, lidersiz olmaz.

Hər zaman hər şeydə xeyir olduğunu unutmaq olmaz. Allah dünyanı sabit saxlamaz; dayanmadan hərəkətləndirər, canlandırar. Həmişə hərəkət, həyəcan vardır.