Adnan Oktar A9 TV; 13 sentyabr 2013

Yaxşılıq, mərhəmət etmək, şəfqət, sevgi göstərmək çətindir. Qırıb-tökmək çox asandır. Bəziləri əlinə tüfəngi alıb ətrafdakıları biçib qırır. Amma sevgi göstərmək əmək, iradə, mərdlik istəyir. Səbrin, əzmin ən son mərhələsini istəyir.

Gənclər dinin özünü yaşayırlar. Çünki din sevgi, mərhəmət, yaxşılıq, gözəllik, gözəl əxlaqdır.

Sevgi ilə hər kəs mehribandır. Hər kəs yaxşılıq etmək istəyir, hər kəs fədakardır. Sevgidə hər kəs öz mənfəətindən imtina etmişdir. Eqoistlikdə isə döyüşdə hər kəs öz mənfəətini güdür. Qarşı tərəfin yaxşılığını, gözəlliyini istəmir.

Əsəblə baxıldığında dağ boyda yaxşılıqlar görünməz.

Allah: "Sənə biri pislik etdikdə sən ona gözəl cavab versən aranızın yaxşı olacağını, dost olacağınızı görərsən" deyir. Yəni Allah: "Mən aranızı düzəldəcəyəm" deyir. "Sizin aranızdakı ədavəti yox edərəm" deyir.

Türkiyə dünyanın sevgi mərkəzi olmalıdır, sevgi müəllimlərinin məktəbi olmalıdır. Mərhəməti, şəfqəti, sevgini, dostluğu, qardaşlığı, yaxşılığı, gözəlliyi, təmizliyi dünyaya biz anlatmalıyıq.

Mən səhv yolda olan insanların daha pis yola getmələrini deyil, qazanılıb doğru yola gəlmələrini istəyirəm. Bunun üçün üslubum hər zaman şəfqətlidir, pisliyə belə yaxşılıqla cavab verməkdir. Tənqid etdiyim insanları alçaltmaq deyil, qazanmaq istəyirəm.

Mənim üslubum hər zaman Qurana uyğun olandır. Pisliyə yaxşılıqla cavab vermək Allahın əmridir.

Heç mərhəmət görməmiş, yaxşılıq görməmiş insanlara israrla mərhəmətli olmaq lazımdır, o zaman islah olub düzəlmələri təmin edilə bilər.

Səmimi mömin, yaxşı insan əsla çirkin olmaz. Allah onu mütləq gözəlləşdirər.

Normalda hər insanın çox normal və stabil olması lazımdır, lakin insanlarda yaxşılıq zənginliyi olduğu qədər pislik zənginliyi də olur. Qısqanclıq, qəzəb, eqoistlik, dava-dalaş, dedi-qoduçuluq kimi mənfi xüsusiyyətlər bəzi insanlara heyrətamiz şəkildə hakim olur.

Yaxşı insanlar da var, lakin pislər həddən artıq çoxdur. Etibarsız, dəyişkən insan həddən artıq çoxdur. Belə bir mühitdə əksər insan sevgini yaşamaq imkanı tapa bilmir.

Allah yaxşıları qoruyar. Yaxşıların əlindən nemətləri almağa çalışdıqları zaman, o nemətlər daha da artar.

Zorakılığı zorakılıqla aradan qaldırmaq dəccaliyyət üsuludur. İslama görə pis yaxşı ilə, sevgisizlik sevgi ilə, ağılsızlıq ağılla yox edilər.

Qəzəblənməyən insan ibadət zövqünü alar, biz pisliyə qarşı hər zaman bağışlayıcılıqla, şəfqətlə cavab verərik. (Fussilət surəsi, 34: Yaxşılıqla pislik eyni ola bilməz. Sən, ən gözəl tərzdə (pisliyi) uzaqlaşdır; bu zaman, (görərsən ki,) səninlə onun arasında düşmənçilik olan kimsə, sanki mehriban dost(un) olmuşdur.)

Qadınlar üçün, özlərini təhlükəsizlikdə hiss edə biləcəkləri mühit təmin edilmir. Çox yerdə qadın potensial cinayət maşını kimi görünür. Bir qadının saçını boyamasını, gülməsini, gözəl olmasını, özünə baxmasını, gözəl iy verməsini, gözəl baxmasını, hər şeyi cinayət kimi göstərirlər. Qadını hər yerdə təzyiq altına alırlar. Qadın da özünü qorumaq üçün müxtəlif mexanizmlər formalaşdırır. Bunun düzəlməsi üçün əvvəlcə azadlıq təmin edilməlidir.

Qadınların imtahanı daha çətindir. Onlar daha incə, daha həssas varlıqdırlar. Hər mövzuda daha həssasdırlar. Rəngi, iyi, təsviri təfərrüatları ilə görərlər. Onları əzməyə çalışanların da sayı çox olduğu üçün imtahanları daha güclü olur.

Yaxşı olmayan insanlar Allahın möminlərə verdiyi nemətlərdən istifadə edirlər. Yəni əslində nemətlər onlar üçün deyil, səmimi möminlər üçün yaradılır. Onlar da bir kənardan, bir yandan istifadə edirlər. Axirətdə bu imkanlar əllərindən alınar.

Quran üslubundakı dərinliyi yaxşı görmək lazımdır.

Müsəlmanların böyük bir hissəsinin bəsirət və fərasətləri bağlanıb. Evlərində oturub zikr edirlər. On min zikr edərkən orada 70 uşağı qətl edirlər. Onları qoruyacaq, qurtaracaq zikr et.

Allah yaratdığı hadisələrlə hamiyəti İslamiyyəni hərəkətə keçirərək, zülm içində olan müsəlmanların vəziyyətini görməməzliyə vuran, veclərinə almayan müsəlmanlara lənət oxuyur.

Peyğəmbərlərin və vəlilərin imanı çox güclü olur. Çünki çox yaxşı mühakimə etmə qabiliyyətləri olur. Allahın varlığının dəlillərini yaxşı düşünürlər, qavrayırlar. Bəzi insanların zehni dağınıq olur, beynində imanını ələ ala bilmir, imanı zəif olur.

Allah xoşbəxtliyin açarını qısa şəkildə söyləmişdir: Mehdi və İsa Məsih. Bu qədər. Allah: "Onları başa keçirin, xoşbəxt və rahat olun. Yox əgər onlara qarşı müqavimət göstərsəniz sizləri yandırıb yaxaram, əzaba düçar edərəm, cəzalandıraram" deyir. Bəziləri: "Biz müqavimət göstərəcəyik" deyirlər. Müqavimət göstərən əzaba düçar olar. Müqavimət göstərməkdən imtina edən isə xoşbəxt olar.

Fitnənin mənbəyi İrandır. Bölgədə kommunizmin himayəçiliyini o edir.

Hal-hazırda dünyada sevgini müdafiə edənlər işıq saçırlar. Onsuz da Allah dünyanı onlara görə qoruyur. Yəni qiyamətin qopmamasının səbəbi budur.