Adnan Oktar A9 TV; 1 noyabr 2012

Allahın icazəsi ilə, Mehdiyyət dövründə mübarək (Hz. Mehdi (ə.s)) xristianlara İncilin, yəhudiyə Tövratın əsli ilə hökm edəcək. Buddistə, ateistə, kommunistə də, hər kəsə sevgi, mərhəmət göstəriləcək. Hər kəsə fəxri vətəndaş münasibəti göstəriləcək. Mehdiyyətin ruhunda həmişə sevgi və şəfqət vardır.

Dünyada sevgi çox azdır. Sevgi ilə yaxınlaşmaq lazımdır. Qətiyyətlə sevginin üstündə durmaq lazımdır.

Şəfqət, sevgi müsəlmanın əsas xüsusiyyətləridir. Bu xüsusiyyətləri heç vaxt tərk etməməlidir. Çünki şeytan insanı sevgidən uzaqlaşdırmaq, şəfqəti ondan almaq istəyər. Ona nifrəti, hirsi, kini vermək istəyər. Halbuki, sevgi ən gözəl duyğudur. Allahın verdiyi ən böyük nemətdir.

Sevginin olması üçün də Allah qorxusu, Allah sevgisi lazımdır. Çünki Allah sevgisinə əsaslanan sevgi bitməz, tükənməz. Bir insan ölümlü olan əti, sümüyü nə qədər sevə bilər? Amma Allah sevgisinə əsaslansa mükəmməl bir sevgi olar.

Sevgini davam etdirmək çox əhəmiyyətlidir. İnsan həm keçici sevə bilər, həmdə ömrünün sonuna, sonsuza qədər sevə bilər. Keçici sevgi sevgi deyil. Bu, həvəsdir. Qəti, qərarlı olaraq, hətta daha da inkişaf etdirərək, gücləndirərək, artıraraq, gözəl istiqamətlərini görərək sevmək lazımdır, o, cənnətin vəsfidir.

İdeologiyanı elə ideologiya ilə, inancı inancla məhv etmək olar. Sən onun qarşısına elə bir güclü inanc çıxaracaqsan ki, məğlub edə biləsən.

Allah çox sevilmək, təqdir edilmək istəyir. Allahı çox sevib təqdir edəcəyik. Cənabı Allaha güvənəcəyik.

Cənabı Allah bizə cənnət dərinliyi versin, cənnət əxlaqı nəsib etsin, üfüqümüzü açsın. Bizi şeytanın şərindən, pisliklərindən qorusun. Şeytan aman verməz. Cənabı Allah şeytana, nəfsimizə qarşı savaşda qalib etsin.

Allah passivliyi bəyənməz. Bəzi insanlar passiv olanda, etinasız, biganə qalmağı bacarıq zənn edirlər. Halbuki, çox böyük savab, gözəllik itirirlər. Onlardan soruşsanız, məqsədəuyğun olduğunu zənn etdiklərini görərsiz. Halbuki, çox böyük zərərdir.

Cənabı Allah kədərin, üzülməyin xəstəlik yaratdığına Quranda işarə edir.

Allah Quranda sevginin şəfaverici xüsusiyyətinə diqqət çəkir, inşaAllah.

Dində təzyiq yoxdur, dində məcbur etmək yox. İstəyən istədiyi kimi düşünər. Allah sınayır, imtahan nə demək? Azad iradənlə qərar verirsən.

Allah özünə aşiq olmağımızı istəyir.

Allah İslam Birliyini və bizim Özünə aşiq olmağımızı istəyir.

Dinə irad tuta bilər, Allah varlığına şübhə edə bilər , haşa, öz inancına görə Allah yoxdur da deyə bilər. Yəni, müxtəlif səbəblərə görə inanmıram deyə bilər. Amma təhqirə gərək yoxdur , təhqir çox çirkindir.

Dürüst, etibarlı insan olmaq çox yaxşı xüsusiyyətdir. Bir insana dəyər vermək, insanın özünü dəyərli hiss etməsi çox gözəldir. Bu da Quran əxlaqı ilə olar, inşaAllah.

Hz. Mehdi (ə.s) dövründə dünya tarixində görülməyən ictimai ədalət olacaq. İlk dəfə olaraq mal bütün dünyada bölünəcək, dünyada bir nəfər də olsun kasıb qalmayacaq. Bu, ilk dəfə olacaq.

İslam dünyaya hakim olacaq. Bir-birinə irad tutanlar da əbəs yerə vaxt itirirlər. Çünki Mehdiyyət dövründə bir əxlaq―Quran əxlaqı hakim olacaq.

Karl Marks Mehdi dövründəki sosial ədaləti oxuyaraq dinsiz Mehdilik yaratmağa çalışdı. Mehdi də dindar Mehdiliyi tətbiq edəcək. Başa düşdüyüm qədər Mehdi ola bilməyəcəyini başa düşəndə, yəqin― “heç olmasa dinsiz Mehdi olum”― dedi. Xeyr, Allah onu Mehdi hakimiyyətində verəcək, inşaAllah.

Tarixi günlər keçiririk. Allah Mehdiyyət, İsa Məsihin zühuru üçün ən uyğun siyasi zəmin hazırladı. Hər yeri gözəlləşdirir.

Terrorla mübarizədə metod formalaşdırmaq lazımdır, amma əsas olan elmi mübarizədir. Elmi mübarizə aparılmasa, bataqlıq qurudulmasa sonra ağcaqanadlar dayanmadan törəyər.

Dua etməkdə, Allah əsirgəsin, tənbəllik olmamalıdır. Yəni "dünən dua etdim, kifayətdir" , belə olmamalıdır. Dayanmadan dua etmək lazımdır.

Bir çox insanlar keçmişdə Darvinist, materialistlərə qarşı yalnız söyərək mübarizə aparırdı. Biz elmlə, ağılla, sevgi ilə və şəfqətlə mübarizə edirik.

Türkiyə İslam aləminin lideri olaraq Avropa Birliyinə girərsə, Sultan Süleyman Avropa Birliyinə girmiş sayılır.

Xurafatçı məntiqlə sənəti təcrid edirdilər, biz sənətə sahib çıxdıq. Sevincli, xaricə meyilli, mehriban xalqdan olan insanlarla iç- içə olan müsəlman anlayışını meydana çıxardıq, maşaAllah.