Adnan Oktar A9 TV; 23 avqust 2017

Allahın mövcudluğunun açıq-aydın dəlillərini gördükləri halda, insanları kortəbii təsadüflərin məhsulu olduqlarına inandırmağa çalışmaq çox böyük günahdır.

Dünyada bu qədər əzab olduğu, Dəccal insanları məhv etdiyi halda, mənim öz rahatlığımı düşünməyim düzgün olmaz. Hər dəqiqəmi Allah üçün keçirirəm.

Hökumətimiz yaşlılara göstərilən qulluğu daha da yaxşılaşdıra bilər, lakin gənclər könüllü surətdə vəqf və dərnəklər vasitəsilə yaşlılara dəstək verə bilərlər. Gücü çatdığı halda yaşlı bir insanı qocalar evinə qoymaq düzgün olmaz. Yaşlıların tanıdıqları ilə, sevdikləri ilə birlikdə yaşaması gözəl olar.

Münafiq küfr əhlinin yanına getdiyi zaman nemətə qovuşacağını zənn edər, halbuki Allahın verdiyi bütün imkanlar onun bəlasının artması üçündür. (Tövbə surəsi, 55: Bu halda onların malları və övladlarına qibtə etmə; Allah bunlarla təkcə onlara dünya həyatında əzab vermək və canlarının inkar içində olarkən çətinliklə çıxmasını istəyər).

Quran əxlaqı yaşandığı halda necə bir şəfqət, keyfiyyət, gözəllik olacağını həyatımızla göstərib İslamı daxilən çökdürmə oyununu pozduq.

Şeytanın əsas xüsusiyyəti təkəbbür və inadkarlıqdır. Öz eqoistliyini hər şeydən əhəmiyyətli hesab edər. Küfr əhlində də eyni təkəbbür var. Küfr əhli cəhənnəmə getdiyi halda peşmançılıq çəkməz, eqoistliyini qorumağı əsas məsələ kimi görər. Bu əxlaqsızlığın ən irəliləmiş halı münafiqdə görünər.

Küçə sənətçiləri küçələrin bəzəyidir. Onları təşviq etmək lazım olduğu halda, sənətləriylə məşğul olmalarına mane olmaq çox böyük ayıb olar.

Sevgi ilə həll etmək olduğu halda, məsələləri zorakılıqla həll etməyə cəhd edən olsa, bu daha çox zorakılıq yaşanmasından başqa şeyə yaramaz.

Eqoistlik cəmiyyəti cəmiyyət olmaqdan çıxardar. Cəmiyyət vücud olduğu halda, tək-tək hüceyrələrə bölünər və ölər. Eqoistlik cəmiyyəti öldürər.

İslam kütləvi halda yaşanan dindir, müsəlmanlar müsəlmanlarla birlikdə yaşamaqdan zövq alar. Münafiq isə hiyləgərlik və dinsizlik axtarışındadır.

Türkiyədəki imkanları qiymətləndirərkən ölümdən qaçmış məzlum Suriyalılara edilən köməyi gündəmə gətirmək vicdanlı üslub olmaz. Suriyalılara edilən köməyi vicdan sahibi bütün insanların sevinc vəsiləsi olaraq görməsi lazımdır. Əks halda mərhəmət duyğusuna yaraşmaz.

Axırzaman Tövratda, İncildə və hədislərdə bildirilən hal-hazırda yaşadığımız dövrdür.

Bir yerdə uşaq olduğu halda, sanki adi halmış kimi davranılmaz. Hər kəsin o uşağa kompliment deməsi, sevgi göstərməsi lazımdır.

Təkamülçülər hal-hazırda "proqramlı təsadüfilik" ifadəsini işlətməyə başladılar. Proqram vardırsa ağıl və şüur vardır, təkamül yoxdur.

Ehtiyacın olduğu halda başqasını qorumaq alicənablıqdır. Türkiyənin məhdud imkanları ilə Suriyalıları qonaq qəbul etməsi alicənablıqdır. Müsəlman özü ac belə olsa əsirə prioritet verən xarakterdə olmaqla məsuldur. Yüksək xarakter, üstün əxlaq bunu tələb edir. (İnsan surəsi, 8: Özləri, ona duyduqları sevgiyə baxmayaraq, yeməyi yoxsula, yetimə və əsirə yedirərlər.)

Bəziləri kişilərə hər şeyi layiq gördükləri halda, qadınların zərrə qədər azadlıq yaşamasını istəmirlər. Bu, həm ikiüzlülük, həm də əxlaqsızlıqdır.

Allah taledə məni və dostlarımı birlikdə yaradıb. İnsanlar binalarla, paltarlarıyla, dostlarıyla, sevdikləriylə bütöv halda yaradılar. Bir-birimizdən müstəqil deyilik, taledə bütün olaraq birlikdə yaradılırıq.

Din ən aydın, ən açıq həqiqət olduğu, həyatın ən gözəl neməti olduğu halda, onu insanlara fəlakət həyatı kimi nəql edirlər. Buna görə də, İslamın adını eşidən dəhşətə gəlir. Gənclər İslamı yaşasa, ömrünün bitəcəyini düşündüyü üçün 60-70 yaşına çatanda yaşayaram deyir. Əbəs yerə İslamı qorxunc göstərdilər. Həm darvinist, materialist sistem, həm də ənənəçi ortodoks İslam anlayışı ilə gənclər iki tərəfdən sıxışdırıldılar. Bizim Quran müsəlmanlığından bəhs etməyimiz gənclərin üzərinə Günəş kimi doğdu, maşaAllah.

Fikirlə gələn kommunizm fikirlə gedər. Fikirlə gələn Allahsızlıq fikirlə gedər və fikirlə iman hakim olar. Əks halda PKK ilə mübarizədə qəti nəticə əldə etmək elə də mümkün olmaz.

Fosillər bütün dünyada dövlətlər tərəfindən gizlədilib xalqa göstərilmir. ABŞ-da, Rusiyada, hər yerdə fosillər üzərində oyun oynanır. Dövlətlərin əlində 700 milyondan çox fosil olduğu halda, hamısı anbarlarda gizli saxlanılır. Ən az 7 trilyon fosil də sərbəst halda təbiətdə var. Lakin bəzi fosil bölgələrinə giriş qadağan edildi. Hər yerdə yeni fosil çıxardılmaması üçün tədbir alırlar. Əgər fosillər darvinizmi dəstəkləyən mahiyyətdə olsaydı, bütün dövlətlər bu fosilləri nümayiş etdirərdi və nümayiş etdirməsini də zəruri edərdi. Lakin fosillər darvinizmin əsassızlığını sübut edən ən mühüm dəlillərdən olduğu üçün, hər yerdə dövlət yolu ilə insanlardan gizlənir.

Hz. Mehdinin zühurundan əvvəl hadisələr daha da böyüyəcək. Biz səbəbə sarılıb əlimizdən gələn səyi göstərəcəyik, lakin hər halda çox böyük hadisələr olacağı aydındır. Sonunda mehdiyyət gün kimi ortaya çıxacaq, Quran əxlaqı hər yerə hakim olacaq. Ədalət, sevgi, dostluq, bacı-qardaşlıq yaşanacaq.

İnsanlar səmimiyyəti çox tez unudar. Səmimiyyəti heç vaxt əldən buraxmamaq lazımdır. Müsəlman səmimiyyətə sarılmış halda gəzməlidir. Səmimiyyət unudulduğu zaman şirk, qorxular, bəlalar fəaliyyətə keçər.

Ləyaqətsiz, namussuz, şərəfsiz olduğu halda, özünü dürüst, faydalı insan kimi göstərməyə çalışmaq münafiqin ən bariz əlamətidir. İkinci olaraq da münafiqlər mütləq müsəlmanların dağılmasını istəyər, İslama faydalı olacaq hər şeyə qarşı olarlar.

Lövhi-Məhfuz Allahın sonsuz yaddaşıdır. Yaddaş deyildikdə bəzi insanlar insan yaddaşı kimi bir şey qavrayırlar. Lövhi-Məhfuz kainatın sonsuza qədər bütün hallarının Allahın dərgahında hal-hazırda hazır olmasıdır. Hal-hazırda Fateh Sultan Mehmet İstanbulu fəth etmək üçün hazırlanır. Hal-hazırda Hitler indicə dünyaya gəldi. Alman orduları Parisə hələ yeni daxil oldu. Adəm hal-hazırda yaradıldı. Hz. Musanın önündə dəniz hal-hazırda iki hissəyə ayrılır. Allah dərgahında, bütün yaşananlar və yaşanacaqlar eynisiylə hazır olaraq hal-hazırda mövcuddur. Lövhi-Məhfuz, gəlmiş və gələcək bütün bilginin Allah dərgahında hal-hazırda hazır olmasıdır.

Münafiq cahil məntiqindən və çoxbilmiş saxtakar məntiqindən istifadə edər. Peyğəmbərimiz (s.ə.v) dövründə xalqa təsir edəcək, bədəvilərə təsir edəcək bir dil işlətdikləri üçün zəmin tapa bildilər. Xəlifələr dövründə ən böyük səhv, şeytan münafiq görünüşündə ayağına qədər gəldiyi halda, onu elmi yolla əzmədən buraxmaq olmuşdur.