Adnan Oktar A9 TV; 13 noyabr 2017

2023-cü il Allahın icazəsi ilə münafiqlərin elmi yolla tam məğlubiyyətə uğradığı günlər olacaq. Qanunla, elmlə, irfanla, hüquqla İngiltərə dərin dövlətinin Türkiyədəki bütün xainlərinin fəaliyyətlərini zərərsizləşdirəcəyik.

700 milyon fosil var, biri belə təkamülə dəlil deyil. 700 milyon fosilin hamısı bütün canlıları Allahın yaratdığını göstərir.

Ağıllı düşündüyün zaman qısqanclığın məntiqi yoxdur. İnsanın filmdəki bir təsviri qısqanması nə qədər məntiqsiz olursa, beynimizdə izlədiyimiz təsvirləri qısqanmaq da elə məntiqsizdir. İzlədiyin dünyanın Allah tərəfindən göstərildiyini və bu təsvirdəki bütün varlıqların da Allaha aid olduğunu bilsən qısqanclıq duyğusu qalmaz. Allah bütün qardaşlarımızı qısqanclığın olmadığı cənnətlə mükafatlandırsın.

Ağıllı və dürüst insanlar dünya hakimi olacaqlar, onların hakimliyində bütün insanlar hüzur və əmin-amanlıq içində yaşayacaqlar. Hər kəsin eyni fikirdə olması şərt deyil. Əhəmiyyətli olan müxtəlif inanc və düşüncəyə hörmət göstərmək, anlayışla yanaşmaqdır.

Ağlı zəif, nəzakətsiz, bəsit olan bəzi insanlarda kürd deyildikdə ağlına PKK gəlir. Bu onların axmaqlığından və cahilliyindəndir. Kürd, türk, çərkəz, laz, hamısı Türkiyənin təməl elementləridir. Hamımız bir-birimizə qarışmış vəziyyətdəyik. Hamımız hz. Adəmin övladıyıq. İrq əsaslı yanaşma tərzi Qurana uyğun deyil. Kürd canlarımızı öz aləmində aşağı hesab edən zehniyyətdəkilərin əxlaqsızlığına heç fikir verməyə ehtiyac yoxdur. İslamda kürdlərin ayrı yeri var. Böyük mücəddidlər, müctəhidlərin böyük hissəsi kürddür. Mənim ustadım kürddür. Mədrəsələrin qalası kürd canımızın olduğu torpaqlardır. Kürdlər çox dindar və alicənab olduqları üçün dəccaliyyət onları birinci dərəcə olaraq gördü və hədəf aldı. Dinsiz, imansız PKK-nı onlara müsəllət etdi. Lakin kürdlər aslan kimi dimdik ayaqdadırlar, dindar və güclüdürlər maşaAllah.

AKP-nin Atatürkü sevməsi və müdafiə etməsi çox təbiidir. Atatürk də, AKP də müasir Quran müsəlmanlığını müdafiə edər, ideologiyaları eynidir. Atatürk əleyhinə aparılan danışıqlara millət olaraq heç vaxt fikir vermərik.

Allah Atatürkə qəni-qəni rəhmət eləsin. Demək olar ki, bütün İslam ölkələri təlatüm içində olarkən, Atatürkün qurduğu sistem sayəsində Türkiyə Yaxın Şərqin ən müasir, İslamı ən gözəl yaşayan ölkəsi oldu. Onu rəhmət və hörmətlə yad edirik.

Atatürk bu millətin dəyərli övladıdır. Zülmə son qoyan insandır. Şəhiddir. İgiddir. Qəhrəmandır.

Atatürk dindar və ziyalı insan idi. Dəyanət İşlərini Atatürk qurdurdu. İmam Hatipləri Atatürk açdı. Quranı türkcəyə tərcümə etdirib bütün Anadoluya paylatdırdı. İslama böyük xidmətləri oldu.

Atatürk igid Anadolu dəliqanlısıdır, səmimi müsəlmandır. Atatürkə çirkin şəkildə dil uzadılmasına qanunla, hüquqla icazə vermərik. Atatürkə qarşı olanlar bütün türk millətini, bütün türk gəncliyini qarşılarına aldıqlarını bilməlidirlər. İlahiyyat fakültələrini açdıran Atatürkdür. İmam Hatibləri açdıran Atatürkdür. Quranı türkcəyə tərcümə etdirib, on minlərlə sayda Anadoluya paylatdıran Atatürkdür. Atatürkü tənqid edən bəzi kəslərin Atatürk qədər İslama və müsəlmanlara xidməti yoxdur. Atatürkün zəkası, keyfiyyəti, incəsənət anlayışı, təmizliyi, yaraşıqlığı, hər cəhəti çox gözəl idi. Atatürkdən bütün gözəl cəhətləri ilə həmişə bəhs edəcəyik, həmişə gündəmdə saxlayacağıq. Tayyib hocamın Atatürk sevgisini də qəbul edə bilməyənlər boşuna çalışmasınlar.

Bütün peyğəmbərlər müasir idi. Peyğəmbərimiz (s.ə.v) İslamı gətirdiyi zaman ultramüasir dünya yaratdı. Cəmiyyət ağlasığmaz pis adətlərlə təzyiq altında idi. İslamın gəlməsi ilə cəmiyyət üzərindəki təzyiqi aradan qalxdı. Haqq dinlər gəldiyi vaxt hər zaman müasirliyi, ziyalılığı gətirərlər.

Hz. Yusifin ağıl keyfiyyəti çox yüksək idi. Çox kəskin və ağıllı baxırdı. Qadınlara təsir edən də gözəlliyindən daha çox yüksək ağıl sahibi olması və şəxsiyyətinin keyfiyyəti idi.

Münafiq cahil məntiqindən və çoxbilmiş saxtakar məntiqindən istifadə edər. Peyğəmbərimiz (s.ə.v) dövründə xalqa təsir edəcək, bədəvilərə təsir edəcək bir dil işlətdikləri üçün zəmin tapa bildilər. Xəlifələr dövründə ən böyük səhv, şeytan münafiq görünüşündə ayağına qədər gəldiyi halda, onu elmi yolla əzmədən buraxmaq olmuşdur.

Münafiq cahil üslubu ilə danışar, bu cahil üslubunu görən bəzi cahillərə bu çox təsir edər. Münafiq Peyğəmbəri müqəddəs görməməyi cahil olanlara aşılayar. Münafiqin cahilanə, axmaqca və hörmətsiz danışıqları cahil və şəxsiyyətsiz insanlara çirkin cəsarət verər. Bunlar əsasən Peyğəmbəri zehnində bütləşdirərək ucaltmış olduğundan, ağılı güclü olmadığından dərhal Peyğəmbərlə əlaqəsi qopar və münafiqlərin tərəfinə keçərlər.

Münafiq ədabazlığa çox maraqlıdır. Kor cahil olduğu halda öz aləmində filosoflardan, yazıçılardan nümunələr verər. Halbuki tam gizlin hiyləgərdir, münafiqlər iki cümləni bir yerə gətirə bilməyən tiplərdir.

Münafiq imandan istifadə edərək İslama zidd bir qala yaratmağa çalışar. Müsəlmanlar bir məsələdə xidmət edirlərsə o xidmətin bənzərini edərək özlərini ağılsızcasına dindar kimi göstərməyə çalışarlar. Məsələn, Peyğəmbərimiz (s.ə.v)-in məscidindən daha ehtişamlı olduğu iddiası ilə Dirar məscidini inşa etmişdilər. Məscid inşa etdikdə müsəlmanlara təsir edə biləcəklərini və Peyğəmbərin yanından ayıra biləcəklərini zənn etmişdilər. Bu tikilinin adı məscid idi, lakin əslində küfr qalası idi. O dövrdə Peyğəmbərimiz (s.ə.v) və müsəlmanların xeyriyyə fondları var idi, onlar da bənzər görünüşdə xeyriyyə qurumları yaradaraq "biz də İslama xidmət edirik" deyirdilər. Halbuki insanlara fırıldaq gəlir, aldadır və oğurluq edirdilər.

Münafiq olmadan imtahan olmaz. Peyğəmbərimiz (s.ə.v) dövründə müsəlmanlar əleyhinə müşrikləri təhrik edən onlar idi. Onların mövcudluğu savabın gücünün yüksəlməsinə vəsilə olar. Münafiqlər müsəlmanın həyatına şövq və həyəcan gətirər, güclü və səmimi elmi mübarizə yaranmasına vəsilə olarlar. Münafiq həm dünya, həm də cənnət baxımından mömin üçün faydalıdır.

Münafiq qəlbində xəstəlik olanlara təsir edərək Peyğəmbərə və müsəlmanlara zərər verməyə çalışar. Peyğəmbərimiz (s.ə.v) dövründə münafiqlərin ən böyük namərdliklərindən biri də Peyğəmbərin həyat yoldaşları haqqında fitnə törətmək idi. Peyğəmbərimiz (s.ə.v)-in ətrafından müsəlmanların dağılması üçün dövrün dərin dövləti Sasanilər ilə də əməkdaşlıq edirdilər. Nəticədə Peyğəmbərimiz (s.ə.v) zənginlik, gözəllik, şərəf içində yaşadı. Münafiqlər it kimi səhralarda sürünüb alçaldıldılar.

Münafiqlər müsəlmanların dəyərini artıran məxluqdurlar. Münafiqlərin olmamasını istəmək imtahanın olmamasını istəməkdir. Mömin Cənnət dərəcəsini münafiqlər və küfr əhlinin hücumları ilə qazanar. Taifdə Peyğəmbərimiz (s.ə.v)-i daşlayan cahil alçaq münafiqlər Rəsulullah (s.ə.v)-in Cənnətdəki məqamını ucaltmışdır. Peyğəmbərimiz (s.ə.v) çox soyuqqanlı və təvəkküllüdür maşaAllah, 2,5 km əndişələnmədən yerimişdir.

Peyğəmbəri mistik varlıq kimi görmək istəyənlər cahil əxlaqdan əl çəkməyənlərdir. Münafiqlər də bu ağlı zəif insanlardan istifadə edərlər. Peyğəmbəri mistik varlıq kimi görən və ağlı zəif olana, münafiqlərin Peyğəmbər haqqındakı böhtanları çox tez təsir edər. Məsələn; "Məhəmməd də bizim kimi insandır, niyə ona tabe oluruq?" deyirlər. Bu cahil olanlara dərhal təsir edir; "həqiqətən bunu heç düşünməmişdik, o da bizim kimi insandır, niyə ona itaət edək" deyirlər, dərhal Quranın məntiqindən uzaqlaşırlar. Belə zəif olan insanları Quranla tərbiyə etmək əhəmiyyətlidir.

100 minə yaxın gənclə görüş keçirdik. Hamısı müasir, sevgi dolu, sülh və dostluqdan yanadır. Qadınların dəyər görməsini istəyir, dini sevirlər. Məhz bu Quran müsəlmanlığının və mehdiyyətin sürətli inkişaf etdiyinin sübutudur.

2023-cü il fərəhlik və aydınlıq olacaq inşaAllah. 2071-ci ilə qədər dünyanı abadlaşdırmağa davam edəcəyik, möhtəşəm gözəlliklər görəcəyik Allahın icazəsi ilə. İnsanlar ilk dəfə dünyanı belə gözəl görəcəklər. Tayyib hocam da Allahın icazəsi ilə 2023-cü ildə bu millətin başında olacaq.

2023-cü ildən 2071-ci ilə qədər Türkiyədə yaxşıya doğru yüksəliş davam edəcək. 2071-ci ildən sonra irəliləyiş bir az zəifləyəcək və 2082-ci ilə qədər də o şəkildə davam edəcək. Tayyib hocamız da 2023 və 2071-ci illərə diqqət çəkir. Bu tarixlər mehdiyyətin tarixləri, Bədiüzzamanın işarə etdiyi tarixlərdir. 2023-cü il münafiq zehniyyətin də tamamilə zərərsizləşəcəyi tarixlərdir.

3-5-7-9 ilə İslam Birliyinin reallaşdığını görəcəyik inşaAllah. Çətin dövrlərdən keçərkən heç bir bacı-qardaşımız təlaşa qapılmasın. Çox çalışqan, şövqlü, qətiyyətli olmağımız lazımdır. Münafiqliyə, dinsizliyə, küfrə elmlə, irfanla, hüquqla, qanunla cavab verməliyik.

3-5-9 il içərisində İstanbul inşaAllah çox gözəlləşəcək. Hal-hazırda hara baxsaq beton yığınları və sıxıntı verən struktur görürük. İstanbulun görünüşü tamamilə dəyişəcək və hər yer ürəkaçan olacaq.