Adnan Oktar A9 TV; 29 avqust 2016

Türk əsgərləri namuslu, şərəfli, ağlı başında, məzluma zərər gəlməsin deyə heyrətamiz dərəcədə diqqət göstərən insanlardır. Suriyada mülki vətəndaşlara zərər verməzlər.

Suriyada xalqın böyük əksəriyyətinin inancı mehdiyyətdir. Xalqın bu inancını görməzlikdən gələrək həll yolu yaratmaq mümkün olmaz.

Suriyada hökumətin qurulmasında Türkiyə qabaqcıl rol alsın, Suriyanın ərazi bütövlüyü mütləq qorunsun.

Suriyalı kürdlər YPG/PKK-nın təzyiqindən, xainliyindən qaçıb Türkiyəyə gəldilər. Türkiyənin kürdlərə olan rəftarı qoruyucu və şəfqətlidir.

İngiltərə dərin dövlətinin məqsədi Suriyanı parçalamaq, PKK üçün ərazi açmaq və kommunist dövlət qurdurmaqdır. Türkiyə bu oyuna alət olmamalıdır. PKK-nın əlində minlərlə tank vuran var, bunları Suriyada türk tanklarına qarşı istifadə edirlər.

Suriyada İngiltərə dərin dövlətinin oyunu ilə kommunist bir PKK dövləti yaradılmaq istəyirlər. Türkiyənin prioriteti bu təhlükə olmalıdır.

Mövhumatçılıq və Qurandan uzaqlaşma olmasaydı, nə radikal təşkilatlar olardı, nə də Əfqanıstan, İraq, Suriya bu vəziyyətdə olardı. Əksinə hər yer gözəl olardı.

İngiltərə dərin dövlətinin ən qarşı olduğu məsələ, məsihiyyət və mehdiyyətdir. İraqın, Suriyanın parça-parça edilməsinin səbəbi də budur.

Xristianlar əvvəlki dövrlərdə Allah sevgisinin verdiyi coşqu ilə mükəmməl incəsənət əsərləri meydana gətirmişdilər. Avropada dindarlıq zəiflədikdə incəsənət də yox oldu.

Türkiyədə binalar, paltarlar, hər şey, incəsənət nümunəli, keyfiyyətli və gözəl olmalıdır. Rəftarlar, danışıqlar, hərəkətlər, hər şey keyfiyyətli olmalıdır. Bu zaman Avropa ölkələri Türkiyə ilə birləşmək üçün can atarlar. Lakin öz həyat keyfiyyətlərinin pozulacağını düşünsələr, buna icazə verməzlər.

Avropanın PKK-nı dəstəkləməsinin səbəbi PKK-nın qadın haqlarını müdafiə etməsi, azadlığı müdafiə etməsidir. PKK; "qadınlar istədiyi kimi geyinsin, azad olsun, qarışmayaq" deyir və "qadınlar daha çox siyasətdə vəzifə tutsun" deyir. Bunları Türkiyə deməlidir.

Suriyalıların öz vətənində qan, barıt, od var, dənizdə boğulmağı gözə alaraq evlərindən çıxan bu insanlara getsinlər demək vicdansızlıqdır.

Milli mənfəətlər üçün meydana çıxmaq doğru olmaz. Milli mənfəət arxasında olsaq, suriyalı qardaşlarımızı almazdıq, altruist olduğumuz üçün aldıq. Allahın rizasını düşündüyümüz, Allaha haqq-hesab verəcəyimizi bildiyimiz üçün suriyalı qardaşlarımızı Türkiyəyə qonaq kimi aldıq. Əksinin zülm olduğunu bildiyimiz üçün suriyalı qardaşlarımızı ölkəmizə qəbul etdik, onlar da bu vətənin təmiz övladlarıdır, bizim parçamızdır. Suriyalı qardaşlarımızla qürur duyuruq, Allah hamısına can sağlığı versin, öz vətənləri kimi qəbul edib hüzurlu olsunlar, sevinərik.

Müsəlmanlar bacı/qardaşdır, kömək etmək fərzdir. Millətimizin suriyalı bacı/qardaşlarımıza kömək etməsi fərzdir. Allah bizə Ənsar olmağı lütf etdi.

Suriyalıların bu vətəndə hüzur, zövq içində gəzməsi bizi xoşbəxt edər. Onların xoşbəxtliyindən narahat olan üslub işlətmək çirkindir. Türkiyənin əksər əhalisi onsuz da mühacirdir. Suriyalı qonaqlarımızı vətəndaşlığa qəbul edək. Sevgisizlərin reaksiyasından heç kim çəkinməsin.

Türkiyənin çox keyfiyyətli olması lazımdır. Natiqliyin, paltarların, evlərin, küçələrin, hər şeyin çox keyfiyyətli olması mühümdür. Avropa incəsənətə, keyfiyyətə əhəmiyyət verdiyi üçün dövlət çevrilişi riski olmur. Hər insan ora getməyə çalışır, çünki incəsənət və keyfiyyət üçün darıxır.

Qərb ölkələri, Türkiyənin mövhumatçılığa meyletməsindən qorxur. Türkiyə müasir olsa, PKK-ya verdikləri dəstəyə də son qoyarlar.

Ümumiyyətlə keyfiyyətdən uzaq, həyatlarına sevgisizliyin hakim olduğu tiplər dindar insanların həyatı ən gözəl şəkildə yaşamasına həsəd aparırlar. Bu tiplər Avropaya getdikləri zaman da həm Avropaya heyran olurlar, həm də müəyyən yolla o cəmiyyətə zərər verməyə çalışırlar. Bu, qısqanclıqdır.

Hal-hazırda Avropaya hakim qüvvə İngiltərə dərin dövlətidir. Bir çox hadisə İngiltərə dərin dövlətinin yönləndirməsi ilə reallaşır.

Avropanın İslam əleyhdarlığının təməlində mövhumatçılığın sevgisiz, incəsənətsiz, dözümsüz, nəzakəti zəif zehniyyəti var. Əlbəttə ki, Avropanın irqçi və müsəlmanlar əleyhinə olan münasibəti çox yanlışdır. Lakin mövhumatçıların da musiqidən, heykəldən, incəsənətdən nifrət edən münasibəti Avropadakı bu məntiqin zəmin qazanmasını təmin edir. Qadının döyülməsini söyləyən, anasının diz qapağını təhrikedici hesab edən, dekolte qadın gördükdə heyvani reaksiyalar verən zehniyyətdən Qərbin narahat olması haqsız səbəb deyil. Bu mədəniyyət pozğunluğunun düzəlməsi vacibdir.

Mühacir qardaşlarımız bu vətəndə öz evindəymiş kimi olmalıdır. Bir qonaq qardaşımıza hücum edildikdə bütün vətəndaşlar birlik olub onu qorusun. Suriyalı qonaqlarımızı sevməyənlərdən soruşduğumuz zaman, sevdikləri bir insan belə çıxmır. Bütün dünyaya nifrət və qəzəblə baxırlar.

Atatürk - Osmanlının yetişdirdiyi, millətin özünü təmsil edən, nəzakətli və keyfiyyətli bir dəliqanlıdır.

Terror bataqlığını qurutmağın tək yolu elmlə, irfanla mübarizə aparmaq, zorakılığın ideoloji təməli olan darvinizmin əsassızlığını izah etməkdir.

Şəhidlik aləmi cənnət kimi bir dünyadır, şəhidlər orada yalnız müsbət imtahan olunar. Axirətdə birbaşa cənnətə keçəcəklər.

İslam Birliyi dünya cənnətidir. Sülhün, qardaşlığın, sevginin olduğu, müharibənin və döyüşün olmadığı, incəsənət, gözəlliyin hər yerə hakim olduğu sistemdir.