Adnan Oktar A9 TV; 8 Avqust 2012

Xurafatçılar komandası həmişə ağılsız və qürurlu olurlar. Əhli-sünnə həlim insanlardır. Lakin əhli-sünnədən istifadə edən azğın xurafatçı qrupu öz fikrini paylaşmayan hər kəsi məhv etməyə meyillidir. Sevgisizlik insanları bu hala salır. Sevgi olsa, bu bəlaların heç biri olmaz.

İnsan o qədər aciz yaradılıb ki. Bu acizliklərinə baxmayaraq insanlar bu dünyaya çox bağlanırlar. Qeyri-adi bir ehtiras duyurlar. Halbuki, bütün diqqətlərini ALLAHA versələr, Allah onsuz da daha çox mal-mülk verər, hüzurlu və rahat yaşayarlar.

Şəhid ailəsini sahibsiz, tək buraxmaq əxlaqa uyğun deyil. Bu çox ayıbdır. Onlara sahib çıxmaq böyük bərəkət və gözəllikdir.

İnsanlar şəfqətə çox əhəmiyyət verir. Bu insanlarda instinktdir, Allah elə yaratmışdır. Uşaq olanda da, yaşlı olanda da yenə şəfqət istəyər. Bu, insanda ən güclü instinktdir.

Bu vətən bizimdir. Vətənin kommunist olmasına icazə vermərik. Vətənin əlimizdən getməsinə icazə vermərik. Dinin, imanın əlimizdən getməsinə icazə vermərik.

PKK terroruna qarşı əvvəlcə Darvinizmin, materializmin əsassızlığı izah olunmalıdır. Bu, bütün Türkiyə miqyasında edilməlidir. Universitetlərin bu məsələ üzərində ciddi şəkildə işləməsi lazımdır. Əgər vətənlərini, millətlərini, dövlətlərini sevirlərsə, bu belə olmalıdır.

Ömür qısadır. Allah az bir müddət verir. Bu müddətin içərisində ən gözəl həzz Allahı sevmək, Allahdan qorxmaqdır. Allahdan qorxmayan onsuz da Allahı sevə bilməz. Allahı sevirsə, onsuz da Allahdan qorxar. Çünki bu qorxu sevgidən qaynaqlanır.

Hər yerdə bəla vardır. Allaha Özünüzü sevdirərək bu bəlanı aradan qaldırın. Çünki Özünü sevdirmədən bəla qalxmaz. Nə iqtisadi böhran, nə də bəlalar aradan qalxar.

Təəccüblüdür, insanın bu yazıq halı ilə təkəbbürlənməsi Allahın varlığının dəlillərindən biridir. Möcüzədir, insanlar bu yazıqlığı ilə təkəbbürə qapılır.

Mehdiyyət yorulmadan fəaliyyət göstərir. Allah Mehdiyyət üçün Türkiyəni və Yaxın Şərqi hazırlayır. İnsanlar elə düşünür ki, fəlakət baş verir. Lakin fəlakət olmur, belə qurulur. Bu tənzimləmə sırf Mehdiyyət üçündür. Yəni bu sizi qorxutmasın.

Sağlam adam özünü qurtara bilər, amma əlil daha təcilidir. Əvvəlcə onlar rahat olsunlar. Biz o zaman xoşbəxt olarıq, əlil sevincini görsək xoşbəxt olarıq.

Əsgərlərin yalnız qalmalarına icazə vermək olmaz. Lazım gəlsə sinəni əsgər üçün sipər də etməliyik. Onlar bizim canımızdır. Mehmetcik çox mübarək, mələk kimi varlıqlardır, maşaAllah. Hər yerdə Mardində, Urfada, Siirtdə o əzizlərimizi bütün gücləri ilə qorusunlar.

Kommunizm uçqun kimidir. Yəni xüsusilə cahil mühitdə, cahil insanlar arasında, məlumatı olmayan, kasıb insanlar arasında çox tez yayılır.

Vətəndaşlarımız əsgərlərimizi qorusunlar. Əsgərlər icazə alsalar, vətəndaşlarımız sıx şəkildə ətraflarında olaraq onları aparsınlar. Avtobuslarda təhlükəsizlik əməkdaşları kömək etsinlər. Əzizlərimizi polis nəzarətində aparıb gətirək.

Darvinizmin etibarsızlığını izah edərkən ən şiddətli müqaviməti PKK göstərir. Çünki bu PKK-nın fəlsəfəsini dağıdan vəziyyətdir. Darvinizm yıxılsa, PKK-nın kommunist düşüncəsi də yıxılar. Buna görə kommunistlər arasında böyük çaxnaşma var.

Gülərək şəhidlərimizi yola salsaq, PKK mənəvi cəhətdən məhv edərik. Bu, onları çox əsəbləşdirərdi.

Şəhid cənazələri üstündə ağlamaq, tabutu qucaqlamaq ə şeylər etməyin. Onları sevindirin. İgidliyimizi, cəsarətimizi göstərək. Gülər üzlə şəhidlərimizi dəfn edək, inşaAllah.

Qadın baş tacıdır. Ələvilər qadını çox sevir, hörmət edir, nəzakət göstərirlər. Ələvilər şərəflərinə, namuslarına çox bağlı birlikdir. Sünni qardaşlarımız də elədir, amma hər cəmiyyətdə bir xurafat komandası var.

Şiələrin xanımlara qarşı sevgiləri çoxdur. Məsələn, xanımların azad olması barədə münasibətləri ürəkdəndir. Xanımlar bəylərlə eyni mühitdə olur. Xurafatçıların bir qismi kimi qadınları alçaltmazlar.

Ələvilər çox aqildirlər, ağllı , məqbul düşünən, xurafatçılığa qarşı mübarizə aparan və sevgini çox coşğun şəkildə yaşayan insanlardır. Həmişə mehribandırlar. Sözləri, danışıqları, natiqlikləri gözəldir. Bir-birlərini çox sevərlər.

Təslis inancı İncilin hökmlərinin səhv başa düşülməsindən irəli gəlir. Çünki Allah o dövrdə Özünü "Atanız" deyə təqdim edir. Allaha qarşı sevgi duysunlar, Allahı məhəbbətlə sevsinlər deyə belə bir xitab şəklindən istifadə edir.

İncilin haqq olan qisimləri nur, fərahlıq, gözəllikdir. Sevgidən, qardaşlıqdan, bağışlamaqdan, Allahı böyük bir coşğu ilə sevməyimizdən bəhs edir. Səhv olan qisimlərini oxumayın, Quranın hökmlər ilə onları onsuz da ayırd edə bilirsən.

Qısa geyinən xanımlar da rahat olacaqlar. Çimərliyə getmək istəyən qardaşlarımız da istədikləri kimi gedə bilər. Çarşablı xanımlar istədikləri kimi çarşablarını geyinərlər. Çadralı olan başörtüsü ilə, şal və cübbə ilə gəzmək istəyənlər o şəkildə geyinib gəzərlər. Mehdiyyət dövründə bir sevgi topası yaranacaq. Qarşılıqlı anlayış və şəfqət mühiti olacaq.

Ələvi bacı-qardaşlarımız hər yerə gözəllik saçan, sevgi dolu insanlardır. İnsan, heyvan, bitki sevgisi və dərinlik Ələvilərin gözəl xüsusiyyətlərindəndir. Mehdiyyət dövründə şiə bacı- qardaşlarımız son dərəcə rahat, dinc olacaq, sevinc içərisində yaşayacaqlar.

Ələvilik sevginin, şəfqətin, mərhəmətin, gözəlliyin, dostluğun, dərinliyin bir ifadəsidir. Xurafatçılığa və fanatik düşüncəyə qarşı da Ələvi qardaşlarımız qaladır.