Adnan Oktar A9 TV; 20 may 2016

Cənnətdə dünyadakı bütün texniki cihazların ən təkmilləşmişi, ən mükəmməli var. Allah bunları da eyni sistemlə yaradır. Avtomobil, qayıq, təyyarə, hamısı var. İstəyən avtomobil yarışı keçirər, istəyən qayıq yarışı keçirər. Yəni insanların xoşladığı hər şey cənnətdə var.

Cənnət sevgi yurdudur. Allah möminlərə, möminlər də Allaha sevgilərini ifadə edirlər. Allah möminləri sevdiyini söyləyir, möminlər də Allahı sevdiklərini söyləyirlər.

Cənnətdə hər kəs gözəl əxlaqlıdır. Kin, qəzəb qətiyyən yoxdur. Qorxu yoxdur. Narahatlıq yoxdur, kədərlənmə yoxdur. Bunlar dünyada xüsusi olaraq verilib.

Möminlər cənnətdə ən çox Allahın təcəllisini görməkdən həzz alırlar. Heyrətamiz sevinc yaranır. Allah salam verdiyi zaman, möminlər zövqdən özlərini itirirlər.

İnsanlar cənnəti çox uzaqda zənn edirlər. Halbuki cənnət bir addımla keçiləcək qədər yaxındır.

İnsan cəhənnəmə əzabını özü gətirir. Özünü yandıracaq əzabı ora özü gətirir. Dünyadakı bütün sıxıntısı onunla birlikdə ora gedir. O sıxılma, qorxma, narahat olma, əzab çəkmə xüsusiyyətini. Allah bunu cənnətdə möminlərin üstündən qaldırır, lakin küfrün üstündən qaldırmır. Öz oduyla ora gedir. O öz oduyla orada yanır.

Sıxılmaq da, kədərlənmək də şirkdən meydana gələn narahatlıqlardır.

Müsəlman həmişə yaxşılıq etməyə çalışar, həmişə könül alandır, yaxşıdır. Münafiq isə heç nəyi bəyənməz. Hər şeydə qüsur tapar. Yəni şükür edən deyil.

Ayədə şeytan; "onları şükür edən görməyəcəksən" deyir. Münafiqin xüsusiyyətidir. Münafiq şükür etməyi bilməz. Qənaətkar deyil. Allah nə gözəl yaradıb deməz. Hər şeydə o pis ruh, şeytani ruh fəaliyyətə keçər.

Möminlərin həmişə; "necə də gözəl, Allaha şükür, əlhəmdulillah" var, "maşaAllah" var, "inşaAllah" var. Münafiqdə həmişə rədd etmə var, həmişə mənfurluq var. Heç nəyi bəyənməz.

Dünyadakı çətinliklər güclü imanın və Allah sevgisinin göstərilməsi üçün lazımdır. Çətinliklərin nemət tərəfini görüb Allaha həmişə şükür etmək lazımdır. Hz. Musa (ə.s)-ın imtahanındakı çətinliklərin hər biri Allahın onu sevməsi üçün vəsilə oldu.

"Şükür etsəniz" demək, "çox səmimi müsəlman olarsınız" deməkdir. Yoxsa insan marixuana satar, qazanar, şükür edər. Zülm edər, silah satışıyla məşğul olar, şükür edər. Belə deyil. Qurana tam tabe olaraq, səmimi olmaqla şükür edilər.

Bir insan, qəlbinin Allahın zikriylə mutmain (rahat) olacağına inanmırsa, nə etsə də sıxıntı onu boğar, tək qurtuluş Allahın zikriylədir.

Allah gecəni, gündüzü, yuxunu, fəsilləri yeknəsəqliyi yox etmək üçün xüsusi yaradır. Allah yeknəsəqliyi sevmir.

Biz bu dünyada imtahan olunuruq, insan çətinliklərlə ucalar və keyfiyyətli, dəyərli hala gələr. Allahın təhsil üçün yaratdığı şərtləri bəziləri fəlakət kimi qəbul edir, dəyərini anlamırlar. Əzab və çətinlikləri, yəni cənnətin yolunu açan, insanın yetkin, keyfiyyətli hala gəlməsini təmin edən hər neməti bəziləri dərd kimi görürlər.

Münafiqlər İslam yolunda xidmət etmək əvəzinə gəzib dolanaraq İslamdan və içlərindəki sıxıntıdan uzaqlaşa biləcəklərini zənn edərlər. Halbuki gəzib dolanmaları münafiqlərin ürək ağrısını azaltmaz, tam əksinə dünyada və cəhənnəmdə əzablarının artmasına vəsilə olar.

Mömin şən olmalıdır, şövqlü olmalıdır. Bir şeyə görə kədərlənirsə, sıxılırsa, beyninə salırsa, artıq bədən özünü qorumaq, ondan xilas olmaq üçün özünü uyutmaq istəyər. Lakin mömin şən olarsa vücudu uyumaq istəməz, həyatı yaşamaq istəyər.

Şeytan insanları yorğun etmək istəyər. Bu yorğunluğa qarşı mübarizənin adı imandır. Yorğunluğa təslim olsan səni əsir alar.

Yuxu dünya acizliyidir. Hər gün müəyyən saatdan sonra insanın yuxusu gələr. Ölmək üçün gedib yatır, ölür, bir neçə sonra isə dirilir. Duş qəbul edir, yeməyini yeyir. Axşam yenə yuxusu gəlir. Ölmə vaxtı gəlir, yenidən ölür. Sabah yenidən dirilir. Həyatı bu şəkildə ölüb dirilməklə davam edir. Nəhayət bir dəfə də ölür, bir də dirilir və özünü başqa aləmdə görür.

Allah həyatı yuxu kimi yaradır. Quran bu böyük sirrə işarə edir. İnsanlar dünyada yuxuda olduqlarını bilmirlər. Halbuki, hal-hazırda hamısı yuxudadırlar, yuxu görürlər. Bir hissəsi, məsələn, fəlsəfə tədqiqatçıları, bu həqiqətə heyrət və dəhşət içində şahid olurlar.

Biz hal-hazırda yuxudayıq. Həyat da bir yuxudur və biz yuxu görürük. Biz bu yuxudan öldüyümüz vaxt ayılacağıq.

Şövqsüz və istəksiz bir Müsəlman, " evliyəm, ticarətim, məktəbim" deyər; "yorğunam, xəstəyəm" deyər, daim bəhanə tapar. Müsəlmanlar, İslama kömək etməli, Allah üçün fəaliyyət göstərməlidir. Həqiqi müsəlman isə hər zaman canlı, daim şövqlüdür.

Cənnət dünyanın daha mükəmməli, daha düzgünüdür. Çox yad olacağımız bir yer deyil.

Hüceyrə barəsində məlumatı olmayan bəzi insanlar təkamülün ola biləcəyini düşünür. Halbuki hüceyrəni, zülalın quruluşunu nəzərdən keçirsə, təkamülün texniki cəhətdən qeyri-mümkün olduğunu görər.

Canlılar çox düzgün, diqqətli yaradılıb. Təkamül texniki cəhətdən qeyri-mümkündür. Mövcud olan hər şeydə ağlasığmaz riyazi mühəndislik var. Hüceyrədə, xromosomda nəfəs kəsən nizam var. Təsadüf belə şey edə bilməz.