Adnan Oktar A9 TV; 1 dekabr 2014

Bizim Cənub-Şərq bölgəsində evbəev, küçəbəküçə gəzib anti-kommunist, anti materialist təbliğat aparmağımız mümkün deyil, amma Şeş TV vasitəsilə bu çox asanlıqla edilə bilər.

Dövlət Şeş TV-ni nağara-zurna havasının yayımlandığı bir kanala yox, kommunizmin, darvinizmin etibarsızlığını, Stalinizmin vəhşiliyini izah edəcəyimiz televiziya proqramlarının yayımlandığı bir kanala çevirsin. Bu çox vacibdir.

Dövlətin televiziya kanalları vardır, lazım olsa qəzet də çıxardar, amma “TRT Avaz”ı da, “TRT Şeş”i də istifadə edə bilər. Dövlət PKK-ya qarşı böyük bir anti-kommunist təbliğat apara bilər.

PKK Cənub-Şərq bölgəsini səs-küylə boğacağını zənn edir. Bütün küçələr, prospektlər, bir sözlə, hər yer PKK tərəfdarları ilə dolsa belə, bizim oranı təmizləməyimiz ən uzağı 48 saat çəkər. Beləliklə də, PKK qaçıb gizlənəcəyi bir deşik axtarar. Ağıllarını başlarına yığsınlar.

Bizə Amerikanın və Türkiyənin radiolarında, televiziyalarında çıxış etmək imkanı verilsə kommunizmin, terrorun, anarxiyanın əsassızlığını çox gözəl şəkildə bütün bölgə xalqına izah edərik. Hər yer çox sakit olar. Hamı bir-birini qucaqlayar. Məsələ də bitər.

Hz. Süleyman nemət əldə etmək üçün çalışmadı, nemətdən qaçdı, nemət ona tərəf gəldi. Hz. Yusif (ə.s) nemətdən qaçdı, nemət onun arxasınca getdi. Mən ömrüm boyu nemət əldə etməkdən qaçdım. Həmişə neməti Allah yanıma göndərdi. Əlhəmdülillah.

TRT6-da baraban, zurna ilə halay deyil, təcili olaraq anti-darvinist, anti-materialist izahatlar verilməlidir.

Qadınların 6-cı hissi çox güclüdür, təfərrüatları yaxşı görərlər, qoxu, rəng və səs analizləri də güclüdür. Qadınlara ağlı zəif demək ağılsızlıqdır.

Peyğəmbərimiz (s.ə.v) bir hədisində; "Dəccalı bu qədər böyüdən və ucaldan əsgərlərinin ona olan bağlılığı olacaq" (el-Müstedrek, 4/507) deyə bildirmişdir. Başqa hədisində isə; "Dəccalın qərargahı günəşin batma tərəfindəki bir adada olacaq". (Suyuti, Dibac alel-Müslim, 6/261; Müslim, hədis: 2942; Avnul-Mabud, 11/317; Əs-Sünən əl-Varide Fil-Fitən, 6/1149.) demişdir. Peyğəmbərimiz (s.ə.v) bu sözləri ilə açıqca İngiltərə dərin dövlətinə diqqət çəkmişdir.

Yaxın Şərqlini Yaxın Şərqlinin əliylə məhv edib İslamı, müsəlmanları öz yerlərində yox etmək istəyirlər. PKK da namərd, alçaq, murdar bir təşkilat olduğu üçün ən uyğun olaraq bunları gördülər.

Həbsxanada on minlərlə əsgərimizi, polisimizi şəhid edən qatillər vardır, bunların sərbəst buraxılmasından söhbət gedə bilməz. Onda cinayət törətməyin sərbəst olması başa düşülər. Onda Türkiyə darmadağın olar, Allah qorusun.

Təkcə PKK var, tək bir rəhbərlik var; Abdullah Öcalanın rəhbərliyi var, bu qədər. "Silahı yerə qoyacaqlar", "dağdan enəcəklər", bunlar xalqı səhv məlumatlandırıb vaxt qazanmaq üçün deyilən sözlərdir. Həmin müddətdə PKK inkişaf edir. Məsələn, vilayətdə hakimiyyəti ələ keçirir, məhkəmələr yaradır, vəzifələrə icra hakimi təyin edir.

Hal-hazırda PKK bir sahə tədqiqatı aparır. Çünki bunların izahat verməsi, təbliğat aparması üçün sakit bir mühitə ehtiyac vardır. Polis, jandarma müdaxilə etməməlidir. Adamlar çayxanalarda, küçələrdə, dağlarda, daşlarda siyasi təbliğat, kommunizm təbliğatı aparırlar.

Dəccaliyyət Türkiyədə bir dəccal sistemi qurub, bütün Yaxın Şərqi, dəccalaşdırdığı insanların əli ilə məhv etməyi düşünür. Bu müddət ərzində Amerika əsgərini, Avropa əsgərini istifadə etmək istəmir. Kommunistləşdirdiyi Yaxın Şərq xalqlarını öz insanlarına qarşı istifadə etmək istəyir.

Cümhuriyyət hökumətini və dövləti dağıtmağa çalışan bir sistem var; PKK-nın xüsusiyyəti budur. Məqsədin məlumdur; dövləti dağıtmaq. Onun yerinə kommunist bir dövlət yaratmaq. Cənub-Şərq bölgəsini parçalamaq, qalan yerləri də işğal etmək. Abdullah Öcalanın düşüncəsi Marksist, Leninist, Stalinist bir düşüncədir.

Türkiyə müasir bir ölkə olduğunu yaxşı şəkildə vurğulamalıdır. Qadın hüquqlarını olduqca yaxşı şəkildə qoruyan, sənəti, gözəlliyi, estetikanı, elmi müdafiə edən demokratik bir ölkə olduğumuzun yaxşı şəkildə vurğulanması lazımdır. Qatı dinçiliyə meyilli bir ölkə şəkli meydana gəldi. Bunu tamamilə aradan qaldırmalıyıq.

Bütün millətlər sevilərsə, hər millət rahatlıq tapar. Amma mən bir millətə zülm edəcəyəm desən, bütün millətlərin üzərinə zülmün qapısı açılar, olmaz belə şey. Sevirsənsə hamını sevərsən, sevmirsənsə heç kəsi sevməzsən.

Türkiyədə İsrailə verilən qarşılıq, nifrət 80%-ə çatmışdır. Dəhşətli bir göstəricidir. Bu dərhal düzəldilməlidir. Siyasətçilərimizin də bu mövzuda mülayim, gözəl, sevgi dolu çıxışları çox faydalı olar. Digər ölkələri sevən bir millət olmalıyıq. Əksi bizə yaraşmaz.

Türkiyədə digər ölkələr, digər millətlər az sevilir. Sən Allahın digər qullarını sevmirsənsə, onda Türkiyəni də sevməzsən. Səmimi ol. Suriyalını, ərəbi, yunanlını, rusu, iranlını, avropalını, amerikalını sev. Hamısı Allahın quludur, rəngarəng nə gözəl. Allah onu bir nemət olaraq yaratmışdır.

Dünyəvilik dini susdurmaq deyildir. Dinin istifadə edilməsi də deyil. Dinin səmimi şəkildə yaşanmasıdır. Bir siyasətçi içindən gəldiyi kimi Allah haqqında danışmaq istəyirsə danışsın, dindən danışmaq istəyirsə danışsın.

Sən Allahı sevsən, sevdiyin görüntü də sonsuza qədər yox olmaz. Heç bir varlıq yox olmaz. Mövcud olan bir şey bir dəfə yarandısa, artıq bir daha yox olmaz. Mümkün deyil, texniki baxımdan da mümkün deyil.