Adnan Oktar A9 TV; 17 dekabr 2012

Polisimizin əhvalını yüksəldəcək şəkildə hərəkət etmək, onlara dua etmək, şəfqət göstərmək çox gözəl olar.

Bütün məsələ dostluqda və sevgidədir. Düşmənçiliklərin qalxması, bu da ancaq Mehdiyyətlə olar. Ancaq Kral Məsihin gəlişi ilə olar. Bunun üçün Allaha yalvarmaq və dua etmək lazımdır.

İslama təzyiq edilir zənn edirlər. İslama təzyiq yoxdur, keyfiyyətsizliyə təzyiq var.

Qurana baxdığımızda Dəccal rejimlərinin hamısı müsəlmanlarla mübarizə edərkən əxlaqsız olaraq və namərd üsullara müraciət etdiyini, hörmətdən salmağa istiqamətli üsullar tapdığını görürük. "Cadugər, dəli, fırıldaqçı, saxtakar, cinsi mənfəətləri var" kimi hörmətdən salıcı, xalqın gözündə əhəmiyyətli olan mövzularda psixoloji döyüş üsulları istifadə edilir.

Narkotik, depressiya əleyhinə yemək, içmək kimi istifadə edilir. Niyə? Çünki Mehdiyyətin o gözəl, isti iqlimi meydana gəlmədi. Sevgi hakim olmadı dünyaya, mərhəmət, dostluq hakim olmadı. O elə olunca anti-depressiya qida halına gəlir.

Məktəb kitablarında Darvinizm birtərəfli olaraq izah edilir. Bu çox səhvdir. Mütləq qarşı elmi dəlillərə və yaradılış həqiqətinə də yer verilməlidir.

Mərakeş, Tunis, Əlcəzair, Liviya hamısında Darvinizm çox əhatəli izah edilir , amma Darvinizm ən əhatəli Səudiyyə Ərəbistanında və İranda izah edilir.

İsraildə Moşiyah, yəni Mehdi (ə.s) üçün geniş miqyaslı dua edildi. Bu çox gözəldir, maşAllah. Fələstində də müsəlmanlar toplanıb, "Ya Rəbbim bizə Mehdi (ə.s)-ı göndər" deyə dua etsinlər. Həm İsraildə, həm də Fələstində, "Ya Rəbbim, bütün bölgəni sülh dənizi et" deyə dua etsinlər.

İsraildə də Moşiyahı xalq, dindarlar böyük bir coşğu ilə Allahdan istəmələri lazımdır. Küçələrdə dua etmələri lazımdır. Eşidilsin, "Ya Rəbbim, bizə Moşiyahı göstər" deyə.

İsraildə xalq Allaha dua etsin. Allahdan Kral Məsihi istəsinlər. Ravvinlər də, "Ya Rəbbim, bizə Kral Məsihi göstər" deyə dua etsinlər.

Peyğəmbər duaları qəbul edilən dualardır. İsa Məsih, Allahın ilhamı ilə dua etsə qasırğa olar. Dua etsə zəlzələ olar. İsa Məsihin xüsusiyyətidir o. Bilinməyən bir xüsusiyyətidir. Duası dərhal qəbul olar.

Dua qədəri dəyişdirmir. Dua da qədərə daxildir, amma bəzən Allah duanı qədər daxilində bir gözəllik üçün saxlayar. Əvvəl duanı etdirər, sonra şəfanı verər. Yəni dua ilə şəfa birlikdə yaradılır.

Dua etməkdə, Allah əsirgəsin, tənbəllik olmamalıdır. Yəni "dünən dua etdim, kifayətdir" , belə olmamalıdır. Dayanmadan dua etmək lazımdır.

Məsələn, "Ya Rəbbi, universitet imtahanında uğur qazanım." Onsuz da qazanıb qazanmadığının əhəmiyyəti yoxdur. Məktəbi bitirib, məzun olub və yaxud universitetə daxil olmayıb. Hər şeydə bir xeyir var. Səhərə qədər dua etsən nəticəni dəyişdirməz. Çünki dua namaz kimi ibadətdir. Allah nəticəyə vəsilə edər, vəssalam.

Ağıllı bir insanın rəhbəri Qurandır. Qurandan çıxsan ağlın da gedər, Allah əsirgəsin. QURANLA HƏRƏKƏT ETSƏ MÜVƏFFƏQİYYƏT QƏTİDİR. Ayədə onu Allah dəfələrlə açıqlayır. Qəti müvəffəqiyyətli olarsınız, deyir Allah. Amma səbirli, əzmli olaraq Qurana tabe olacaq.

Xitablar gözəl olsun. Qardaşlarımız jarqon danışmasınlar. Danışarkən yersiz sözlər işlətməsinlər. Gözəl sözlər desinlər. Xüsusilə xanımlara xitablarda jarqon qəti şəkildə olmaz. Çox çirkin olar, ədəb-ərkana yaraşmaz. Xanımlara sözün ən gözəli ilə xitab edilər.

Fanatik düşüncə dindən soyutmaq üçün dini xeyli çətinləşdirir. Çox hiyləgərcəsinə şeytanın bir oyunudur. Çox asan olduğu halda dini çətinləşdirəndə adamlar dinin yaşana bilməyəcəyini düşünür və imtina edirlər. Halbuki, din çox asandır.

Allah heç kimə zülm etməz. Möminlər heç bir şəkildə cəhənnəmə getməz. Amma mömin cəhənnəmdən qorxacaq, cəhənnəm əzabından çəkinəcək. Amma təkrar deyirəm: bir mömin əsla və qətiliklə cəhənnəmə getməz.

Allaha səmimi iman edən bir mömin cəhənnəmə getməz. Cəhənnəmi seyr edər, görər, hiss edər, xəbərlərini alar, amma cəhənnəmə getməz. Ərazisinə gedər, görər amma acı çəkməz.

Din rahatlıq, sevgi, gözəllik, sülh, yaxşılıq, bağışlamaq, demokratiya, fikir azadlığı, sənətin, elmin ən inkişaf etmiş ən gözəl istiqamətlərinin nümayiş olunduğu möhtəşəm bir quruluşdur. Qarışıq hala gətirirlər dini. İnsanları dindən lazımsız yerə soyudurlar. Dəccala xidmət elə olur.

Axır zamanda gələcək hz. Mehdi (ə.s) heç kimin o dövrdə etmədiyi ledün elmini tətbiq edəcək. Ona görə bir çox adam hz. Mehdi (ə.s)-a müxalif olacaq. Bir çox adam "Hərəkətləri İslama ziddir" deyəcək, eyni Xızır (ə.s)-a hz. Musa (ə.s)-ın qarşı gəlməsi kimi bilmədən qarşı gələcəkdirlər.

Quran çox sadə bir kitabdır. Allahın hökmləri çox sadədir, xeyli asandır. Həyatı çətinləşdirmək din deyil. Yəni murdar paltarlar, yeməklər, mühit, murdar görünüşlü qadınlar, murdar görünüşlü kişilər, qəmgin mühit, musiqi yox, şəkil yox, sənət yox, elm yox, estetika yox, çirkin bir quruluş, dayanmadan ağızlarında təhqir, böhtan, hamıya qarşı nifrət var. Belə din olmaz. Bunun dinlə əlaqəsi yoxdur.

Namazı 5 vaxtda qılın. Qıla bilmirsinizsə 4, qıla bilmirsinizsə 3, qıla bilmirsənsə 2 (bir səhər bir axşam), qıla bilmirsənsə 1 (sadəcə səhərlər və yaxud axşam), o da olmursa cümə namazlarını, o da yoxsa bayram namazını qılın. Namazsız qardaşımız qalmasın, mütləq qılın, inşaAllah.

HZ. MEHDİ (Ə.S) LEDÜN ELMİNİN AXIR ZAMANDAKI SULTANIDIR. Elmi-ledün ilə hz. Mehdi (ə.s) müvəffəqiyyətli olacaq.

Namaz şərtdir, müsəlmanın ayrılmaz parçası namazdır. Namaz müsəlmandan qopa bilməz. Müsəlmanla namaz bitişikdir, birlikdə nəfəs alıb vermək kimi, ürək döyüntüsü kimidir. Allaha təşəkkür etmədən yaşanarmı? Allaha sevginin ifadəsi, təşəkkürün ifadəsidir.