Adnan Oktar A9 TV; 20 iyun 2013

Qəlbən Allaha yaxınlaşmağın savabı çox böyükdür. Ən çox savab qazanmaq imanı artırmaqla, imanda səmimi olmaqla mümkündür. İnsan Allahı nə qədər çox sevsə o qədər çox savab qazanar.

Hadisələrə tam siyasət gözü ilə deyil, iman gözü ilə baxmaq lazımdır. Bütün “dərin dövlətlərə”, insanlara və hadisələrə hakim olan Allahdır. Hadisələrin ledün cəhətlərini yaxşı görmək lazımdır.

Əgər çox səmimi olsaq, Allahı eşqlə sevsək, onsuz da Mehdi (ə.s) tapılar. Sevgisizlikdən, səmimiyyətsizlikdən Mehdi (ə.s) tapılmır.

İnsan ancaq imanla gözəlləşə bilər. İman bir nurdur, işıq yaradar. İnsan imanla möhtəşəm bir varlığa çevrilər.

Baş verən hər hansı qarışıq vəziyyətdə Amerikaya güvənmək böyük səhv olardı. İmanlı insanlar əsasdır.

İmansızlıq dünyanı cənginə almışkən İslama ən gözəl xidmətlərdən biri, iman həqiqətlərinin izah edilməsidir.

Allah ağılı anbaan yaradır. Ağıl davamlı axar. Ağıl beynin içində durmaz. İnsanlar zənn edir ki, ağıl küp kimi mühafizə olur, elə bir şey yoxdur. Başın içi bomboşdur. Ağıl başa Allah tərəfindən çay kimi dayanmadan axar.

Kini, əsəbi imanla aradan qaldırmaq lazımdır. Qurana tabe olan müsəlman hər şeyə məqbul, ağılla baxar. Bir insana əsəbləşmək yerinə onu qazanmağı əsas götürər.

Şübhəli, ürəyi qara, yaxşı niyyətli, dürüst olmayan, ürəyində fəsad olan, insanların yaxşılığını istəməyən, sevgiyə, məhəbbətə istək duymayan bir insanın bəsirətini, fərasətini Allah bağlayar. Hərəkətlərinin yerini bilməz. Baxışı, danışığı, məntiqi pozular. Allah yolunu bağlayar, bərəkətsizlik verər.

Bəzi müsəlmanlarda “yaşasın holdinqçilik” düşüncəsi hakimdir. Bəzilərinə görə isə müsəlmanlıq ağac əkmək, sənayeni inkişaf etdirməkdən ibarətdir.

Allah insanın səmimiyyətini gördüyündə (qədərdə onsuz da bilir) ağlını daha da artırar. Səmimiyyətsiz olduğu halda isə ağlını alar və insan divanə olar, manyak kimi olar.

Allah səmimi insana ağıl verər. Bu açıq olan bir şeydir. Həmişə bütün peyğəmbərlərin, gözəl insanların ağıllı olduğu məlumdur.

Sən səmimiyyəti buraxsan əksiklik, çatışmazlıq da səni buraxmaz. Dürüst, səmimi olsan, əksiklik, çatışmamazlıq kimi görünən şeylərin doğru olduğunu, hər şeydə xeyir olduğunu görməyə başlayarsan.

Peyğəmbərlərin və vəlilərin imanı çox güclü olur. Çünki çox yaxşı mühakimə etmə qabiliyyətləri olur. Allahın varlığının dəlillərini yaxşı düşünürlər, qavrayırlar. Bəzi insanların zehni dağınıq olur, beynində imanını ələ ala bilmir, imanı zəif olur.

Allah yolunu tutan insanlara çoxlu böhtanlar atılar. Bədiüzzamana da çoxlu sayda böhtan atılmışdı. Risalə-i Nurda 90 böhtan və təhqirə cavab vermişdir. 90 böhtan, axirətdə 90 min savab deməkdir, inşaAllah.

Ev söhbətlərində dua etmək çox əhəmiyyətli bir məsələdir. Bir qardaşımızın dua etməsi, digərlərinin də ''Amin'' demələri lazımdır. Hər gün ya bizim kitablardan, ya da Qurandan ayə oxuyub, iman həqiqəti izah edib bunu yeniləmək lazımdır.

Səmimi olan hər kəslə dost olmaq olar. İnsanlar dürüst, səmimi olmalıdırlar. Yalan danışmamalıdırlar. Daxili ilə zahiri bir olmalıdır. Belə olan kəs nur kimi insandır.

Yatalaq xəstələrinə də çox mehribancasına yanaşmaq lazımdır. "Of" demək olmaz. Bu çox böyük bir zülm olar. Onlarla xoş davranmaq çox savabdır. İnsan qeyri-adi dərəcədə savab qazanar. Məsələn, namaz qılmağından bir savab qazanırsansa, bu rəftardan 10 min savab qazanarsan. Çünki, çətindir, asan şey deyil. Biz bura imtahan üçün gəlmişik. Səbir etməli, savab qazanmalıyıq, inşaAllah.

İslam 10 il sonra tam fərqli şəkildə insanların qəlbində yer almış olacaq, inşaAllah, amma biz ən çox savabı qazana bildiyimiz dövrdə olduğumuz üçün var gücümüzlə səy göstəririk. Həmişə cəhd edib, çalışırıq, amma savabın çox olduğu dövrlər fərqlidir.

Küfrün olması çox əhəmiyyətlidir. İnsanlar küfrün, dəccalın yoxluğunu istəyir. Lap yaxşı, amma belə olduqda imtahanın, savabın da olmaz. Buna görə də Allah dəccaliyətin ömrünü uzadır. Məsələn, dəccalın ömrü qırx ildirsə, İslam hakimiyyətində Mehdi (ə.s)-ın iman həqiqətləri istiqamətindəki fəaliyyəti də qırx ildir.

Allah kainatı, dünyanı Mehdiyyətə uyğun şəkildə qurmuşdur. Hadisələr o istiqamətdə baş verir. Lakin insanlar səbr edib gözləyə bilmirlər. O qədər tələsirlər ki, Allah ayədə belə buyurur: "İnsan tələskən yaradıldı". Hər şey dərhal olub qurtarsın, dərhal Mehdi (ə.s) üzə çıxsın, İsa Məsih gəlsin, İslam Birliyi yaransın. İslam Birliyi yarandıqdan sonra daha savab qazana bilməyəcəksən.

Mehdi (ə.s) çıxdıqdan, İslam Birliyi qurulduqdan sonra savabın təsiri milyondan üçə düşər. Çünki ondan sonrası asandır. Çətinlik aradan qalxmışdır. Dəccal ölmüşdür. Nəfsin hücumları qalmır, yəni hər şey yolunda olur.

Əslində Müsəlmanların əleyhinə danışanlar Müsəlmanlara savab gətirirlər. Allah belə sistem qurmuşdur. Durduğu yerdə Müsəlman onlardan savab qazanır.

İsraildə dini təmizləməyə çalışsan, Yaxın Şərqdə də dinə zərər gələr, Allah əsirgəsin. İsrailin dindarlığı bütün bölgəyə nümunə oldu. Misirə, Fələstinə nümunə oldu. Onlar da dindar oldular.

Fənərbaxça, Beşikdaş, Qalatasaray tərəfdarları ―onlar da bir-birlərini çox sevsinlər. Döyməyə, söyməyə, kəsməyə, asmağa, təhqirə nə ehtiyac var? Bu dəhşət iman zəifliyindən qaynaqlanır. Futbol komandası tərəfdarlarına sevgi, mərhəmət, şəfqət baxımından təhsil vermələri lazımdır. Hər yerdə xüsusi söhbətlər təşkil edilməlidir. “Sevgi günləri” adlı gün təşkil etmək lazımdır. Bir-birilərinə isinmələri üçün yığıncaqlar təşkil etmək lazımdır.