Adnan Oktar A9 TV; 17 oktyabr 2016

Dəccaliyyətin təsiri ilə iki növ müsəlman modeli yaratdılar. Biri qəmgin, sevgisiz, daxili aləmində harama meylli, xarici aləmində qatı mövhumatçılıqda boğulmuş, ikincisi isə qibtə ruhu içində haram olan homoseksuallığı müdafiə edən şəxsiyyətsiz model. Hər iki növ də Qurandan uzaq qeyri-sağlam quruluşdur.

Ənənəçi müsəlmanlıq, dinin mütləq çətin olmasını istəyir. Əsasən vəsvəsə hakim olur. Quranın kafi olduğunu anlamaları çətin olur.

İslam aləmi birləşəcək, lakin bəzilərinin düşündüyü tərzdə; asan-kəsən sevgisiz İslam anlayışı əsla hakim olmayacaq. Bundan sonra incəsənətin, gözəlliyin, elmin, müasirliyin, keyfiyyətin hakim olduğu İslam anlayışı formalaşacaq və güclənəcək. Mövhumatçılıq güclənə bilməz.

Müsəlmanın müsəlmanı öldürməsini fəlakət kimi görməyən İslam aləmi, hər yerdə müsəlmanların əzilməsinə səbəb olur.

İngiltərə dərin dövləti bir dəstə münafiqdən istifadə edərək İslam aləmini sanki əsir etmiş vəziyyətdədir.

Dərin dövlət münafiqləri diqqətlə tapır və bir yerə gətirir. İslam aləminin başına bəla etmək üçün istifadə edir.

Bütün dünya müasirlik, keyfiyyət, estetika və incəsənət istəyər. Mövhumatçıların dünyasında isə keyfiyyət, estetika, incəsənət və gözəllik yoxdur.

Böyük Yaxın Şərq Layihəsi İslam aləminin birləşməsinə qarşı, yəni mehdiyyətə qarşı İslam aləmini parçalama layihəsidir.

Mövhumatçıların qadına olan baxış prizması çox çirkindir, qadın nə desə əksini edin, lazım gəlsə döyün deyən çox vəhşi anlayışları var.

Suriyada məzlum uşaqları, qadınları qətlə yetirirlər, bunun səbəbi İslam aləminin parça-parça olmasıdır, Bu halı bəziləri normal hesab edir.

İngiltərə dərin dövləti İslam aləmini çökdürmək üçün Əl-Əzhər Universitetinə əl atdı. Orada yetişən bəzi insanlarda soyuq, sevgisiz, darvinist, İsa Məsihə, mehdiyyətə qarşı zehniyyət hakim oldu. Bəziləri bu təhsili alıb İslam aləminin hər tərəfinə yayıldılar.

İngiltərə dərin dövləti məsələsində həm Türkiyədə, həm də İslam aləmində hər kəsin diqqətini çəkək. O zaman səbəb olduqları əzabların hamısı bitər. Əslində çox mürəkkəb vəziyyət yoxdur. İngiltərə dərin dövləti başda Osmanlı olmaqla, dünyanı məhv etmiş və bu indi dəyişəcək inşaAllah.

İngiltərə dərin dövləti bəzi İslam ölkələrini çox rahat istiqamətləndirir. Ərəb dünyasında əvvəlcə radikal milliyyətçiliyi qızışdırdılar, sonra baasizm yayıldı və sosializm bütün ərəb dünyasında hakim oldu. İslam aləmi parça-parça oldu. İndi bu təxribatı aradan qaldıracağıq inşaAllah.

Türkiyə əleyhindəki planların əsil cinayətkarı İngiltərə dərin dövləti olduğunu ziyalılarımız yavaş-yavaş ifadə etməyə başladı, yaxşı oldu. Ziyalılarımız İngiltərə dərin dövlətini həmişə ifşa etsinlər ki, bütün İslam aləminin xilas olmasına vəsilə olaq.

Dəccaliyyəti zərərsizləşdirməyin yolu müsəlmanların birlik olmasıdır. Mövhumatçılıq olsa məğlubiyyət olar. Ziyalı, demokrat bir zehinlə azadlıqları müdafiə edərək, qadınlara çox dəyər verərək, sülhlə, qardaşlıqla bir-birimizi sevərək dəccaliyyəti elmlə, irfanla darmadağın edəcəyik.

Mövhumatçılığın geniş yayıldığı bir dövrdə Atatürk tam bir centlmen idi, Avropa mədəniyyətinə Osmanlı mədəniyyətini də əlavə etmişdi, keyfiyyətə bir nümunə idi.

Atatürk İslama, elmə və incəsənətə əhəmiyyət verən, Quran müsəlmanlığının yaşanmasını istəyən mövhumatçılığa qarşı olan üstün xüsusiyyəti, dəliqanlı bir lider idi.

Ələvilik nurdur, gözəllikdir. Yaradana sevgidir. İnsana, heyvana, bitkiyə, gözəlliyə sevgidir. Mövhumatçılığın qapısını sonuna qədər bağlayar.

Türkiyənin hədəfi torpaq genişləndirmək deyil, bütün İslam aləminin birləşməsi, bütün dünyaya sevginin, qardaşlığın gəlməsi, müharibələrin bitməsidir.

Türkiyənin vurğulayacağı əsil şey hər zaman İslam Birliyi olmalıdır. Yəni İslam aləminin birləşərək müharibələrin, əzabların bitməsi, sevginin gəlməsidir.

Allah adından hökm vermək, Allah adından yeni halallar və haramlar yaratmaq şirkdir, buna görə də mövhumatçılar müşrikdir.

Mövhumatçı zehniyyət, incəsənəti, gözəlliyi, musiqini, qadınların azad olmasını, elmi, keyfiyyəti, gözəl olan hər şeyi qadağan edən zehniyyətdir.

Təkcə ənənəvi ortodoks İslamı yaşamağa cəhd etsən Türkiyə geriləyər. İncəsənət qalmaz, estetika qalmaz, mədəniyyət və keyfiyyət qalmaz, dünya cəhənnəm kimi olar. O zaman buna dünya icazə verməz. Yəni Allah icazə verməz, dünyanı üstünə müsəllət edər.

Ənənəpərəst ortodoks görünüşlü bir Türkiyə bütün Avropanın, bütün Amerikanın hətta Rusiyanın, Çinin hədəfinə çevrilər. Bütün dünya qarşısında dayanar. Müasir Türkiyəni mütləq meydana gətirməliyik. İncəsənəti, estetikanı, keyfiyyəti ön plana çıxarmalıyıq. Keyfiyyətin bütün Türkiyədə hakim olması vacibdir.

Münafiqlik, İngiltərə dərin dövlətinin təməl əxlaq quruluşunun pozuqluğunu göstərən çirkin fəlsəfəsidir.