Adnan Oktar A9 TV; 16 avqust 2013

Mehdi (ə.s) müsəlmanları birləşdirən, ictimai ədaləti təmin edən, dünyadan bütün silahları yox edəcək insandır… Bu, mehdiyyətin, Quranın feli tətbiqidir.

İslam aləminin bu an başına gələn bəlanın ən fundamental səbəbi nədir? Qurandan çıxmaları, uydurma hədislərə görə hərəkət etmələridir.

Quranda hədisdə olmayan yeni-yeni qanunlar çıxarmağa ehtiyac yoxdur. Onlardan bir nəticə çıxmaz, bərəkət gəlməz.

Yəhudiləri alçaq görən bir üslub, bərəkətsiz və uğursuz bir üslubdur. Quranda yüzlərlə ayədə yəhudilərdən bəhs edilir. Allah dindar bəni-İsrail xanımları ilə evlənə bilərsiniz deyir. İsrail düşmənliyi uğursuzluq gətirər, Qurana uyğun deyil və günahdır.

Birlik, bərabərlik zəmanətdir, dinclikdir, dindarın və dinsizin qorunmasıdır. Quranda birlik vardır.

Bəni-İsraili dünyadan silmək istəyirlər, buna icazə vermərik. Mən hz. İsrail (ə.s)-ın övladlarını məhv etdirmərəm. Allah Quranda yüzlərlə ayədə bəni-İsraildən bəhs edir.

Quranda yəhudiləri izah edən yüzlərlə ayə vardır. Yəhudiləri yox saymaq Qurana uyğun olmaz.

Misirdə qatı dinçilik problemi var. Quran müsəlmanlığı olmadığı müddət ərzində yaşanan ağrılar bitməz. Mehdi sevgisi, İslam Birliyi sevgisi olmadıqdan sonra xoşbəxtlik olmaz.

Hər şeyin ən gözəli, ən şirini, ən müsbəti, doğru olanı― din budur. Hər şeyin ən yaxşısı nədirsə din odur. Gözəl söz, paltar, danışmaq, gözəl yeməklər, evlər, küçələr, çiçəklər, gözəl xanımlar… Hər şeyin gözəlidir, maşaAllah.

İhvan İsraillə münasibətlərini düzəltsin. İsrailin dindar yəhudi və xristianlarını dəstəkləsin. Peyğəmbərimiz (s.ə.v) yəhudilərə şəfqət göstərirdi. İsrailə şəfqət göstərmək Quran əxlaqının vəzifələrindəndir.

Müsəlmanın xüsusiyyətləri mərhəmətdə, şəfqətdə, nəzakətdə, təmizlikdə ən irəli olandır, ən gözəl geyinən, yeyib-içən, paylayan, ən ədalətli, mərhəmətli, ictimai ədaləti mükəmməl şəkildə tətbiq edən olmasıdır.

Allahın Quranda bildirdiyi kimi insanların bir çoxu cahil və zalımdır. Bunun aradan qaldırması üçün Quran əxlaqı yayılmalıdır.

Biz İslama, Qurana bağlı olduğumuz üçün ruhumuzda dərin eşq var. Vətəni, milləti, dövləti sevirik. Səhv yolda olanlara da icazə vermərik.

Türkiyə İslam əxlaqına tam uyğun olan, şəfqəti, mərhəməti, nəzakəti, keyfiyyəti ən yüksək dərəcəyə gətirmiş, bütün insanlığa nümunə olan, elmdə sənətdə irəliləmiş bir ölkə, millət olaraq onların qarşısına çıxanda heyran qalacaqlar, Avropa Birliyinə girməyimizi xahiş edəcəklər.

İslam əxlaqını aradan qaldırmaq üçün xurafatçılardan daha güclü bir cərəyan yoxdur.

DÜŞÜNÜN, BİR İNSAN ƏN MÜKƏMMƏL, YAXŞI, KEYFİYYƏTLİ NECƏ OLA BİLƏR? BU TƏKCƏ İSLAMİYYƏTLƏ MÜMKÜNDÜR. Ən gözəl xasiyyətli, ağıllı, təmiz, məqsədəuyğun hərəkət edən, gözəl düşünən, təvəkküllü, səbirli, şəfqətli, insanpərvər… Bunları səhərə qədər artırmaq olar. Bütün bu xüsusiyyətləri üzərində cəmləyən insana Müsəlman deyilir.

Komunnizmdə sülhdən bəhs olunur, halbuki o rejimdə qan su yerinə axır, Sosial ədalətdən bəhs olunur halbuki proletar diktatorluq var. Diktatorlar çox zəngin həyat tərzi sürürlər, amma camaat çox çətin şərtlər altında, kasıbçılıq içində yaşayır. Eləcə də Çində, Rusiyada da xalq çətinlik içində həyat tərzi sürür. Amma İslamda bu, həqiqi mənada tətbiq olunur. Həm də İslamda Kommunizmdə olmayan sevgi və mərhəmət hissi var.

MÜSƏLMANIN NƏ EDƏCƏYİ MÜƏYYƏNDİR. ƏSƏBİLƏŞSƏ BELƏ ƏDALƏTLİ VƏ TƏDBİRLİ OLAR. Çünki Allahın onu gördüyünü, eşitdiyini bilir. Heç bir şəkildə ədalətdən, haqqdan ayrılmır. Müsəlman hər zaman məsum və bağışlayıcıdır. Amma DİNSİZ BİRİ OLDUĞUNDA DƏLİ OLUR, ƏSƏBDƏN ARTIQ İÇİNİ YEYİR.

Yobazlar bir problemdirlər. Əgər geri çəkilsələr, İslamın isti ruhunu insanlara göstərmək daha asan olar.

Əxlaqı təyin edən Allahdır. Əxlaq Allahın diləməsi ilə müəyyən olar .

Böyüklərimizə şəfqət və hörmət, nəzakət və münasibət son dərəcə əhəmiyyətlidir. “Of” deməməliyik, “of”un eyhamını belə etməmək çox həyati məsələdir. Bu Quranın mühüm bir hökmüdür .

Dəccal zorla özünə tabe etdirir, Mehdi isə insanların vicdanla Qurana uyğun yaşamalarını təmin edər.

Haqqı söyləməkdən çəkinmirəm. Din mövzusunda güzəştə getmərəm. Şən olmamızla güzəştə getdiyimizi düşünürlər. Elə bir şey əsla olmaz.

"Yalnız bu ölkə xilas olsun!" deyirlər, lakin belə olmaz. Bu, eqoistlikdir. Bütün müsəlmanların qurtuluşunu istəməlidirlər.

İnsan cənnətə sevgini öyrənmədən getsə, ürəyi bomboş olar. Cənnətə getmədən əvvəl dünyada sevgini öyrənməliyik. Ürəyində sevgi olmayan cənnət nemətlərindən zövq ala bilməz.