Adnan Oktar A9 TV; 18 Aprel 2013

Allah böyük hadisələrlə dünyaya bir şeyi xatırlatmaq istəyir. Hadisələrin hikmətlərini araşdırarkən ən son gəldiyimiz nöqtə yenə Mehdiyyətdir.

Ən böyük nemət səmimiyyətdir. Allah Quranda təkcə səmimi qullarının xilas olacağını bildirir.

Bəzi müsəlman qatı dinçilər hələ də şiddətin və qan tökməyin tərəfdarıdırlar. Dünyanın hər yerində də qatı dinçiliyə dəstək olur, səmimi, həqiqi müsəlmanlara isə tələlər qurulur. Mehdiyyətə qarşı çıxırlar. Elə mehdiyyətin gözəlliyi bu çətinliklər içində müvəffəqiyyətli olmasıdır.

Allah bizlərə İsa Məsihin o gözəl gözlərindən öpməyi nəsib etsin.

Əhli-Kitaba, xristianlara sahib çıxaq. Şəfqətlə yaxınlaşaq. Əməkdaşlıq ilə, xristianlarla, yəhudilərlə əl-ələ dəccaliyyəti mənəvi cəhətdən yox edəcəyik, inşaAllah. Onlar da Allah birliyini qəbul edirlər.

"Allah olmadan biz xoşbəxt ola bilərik" deyir. Yox, qardaşım, elə bir şey olmaz. Allah bəlanı verər, rahatlığını kəsər. Onda yaşamağın mənası yoxdur.

Bədbəxt olan insanların ağlına zərər gəlir. İmansızlıq bədbəxtliyə, bədbəxtlik imansızlığa səbəb olur. Bu sanki öz içində kilidlənmiş bir sistemdir. Bədbəxtlik imansızlığı çəkir. Halbuki, Allah müsəlmanların xoşbəxtliyini istəyir. Allah sevinci bəyənir. Fanatiklər də dayanmadan ağlamağı təşviq edir.

İnsanlar, haşa, Allaha qarşı çıxanda Allah ruzilərini, bərəkətini kəsər. İqtisadi böhranın açıqlaması budur.

Quran xeyirli və faydalı olanın nə olduğunu bizə açıqlayır. Ən faydalı olan şey, insanların axirətlərini qurtarmaq üçün cəhd göstərməsidir, Allah yolunda fikirlə mübarizə etməkdir. Yoxsa bəzi müsəlmanların iddia etdikləri kimi iş adamı olub, holdinqlər qurub, turistik səyahətlər edib ticarəti ilə məşğul olmaq deyil. Bu çox səmimiyyətsiz bir yanaşmadır. Xoşbəxtlik imanla olar.

Quranın xaricində bir yol yoxdur. Allah "sizi təkcə onda rahat buraxaram" deyir, "Rahat yaşayarsınız, gözəllik olar, Mənim istədiyim budur" deyir. Adamlar da deyir ki, haşa, "Ya Rəbbim, biz Sənin istədiyindən kənarda bir şey tapacağıq". Tapa bilməzsən, sürünərsən.

Bizim kökümüz İslam, Qurandır. Allah təkcə onda bərəkət yaradar. Təkcə onda hüzur, dinclik yaradar. Ondan kənarda dünya süründü, vəhşi kapitalizmlə, kommunizmlə, faşizmlə məhv oldu.

Əgər bir sistem düşünürsənsə, bir yaxşılıq etmək istəyirsənsə onun mənşəyində mütləq Allah qorxusu və Allahın razılığı olmalıdır. Əks təqdirdə, Allah ayədə bildirir ki, özünüz də məhv olar, cəhənnəmin dibinə gedərsiz.

Allah, nuru və məhəbbəti Özündən qorxana verər.

Böyük dünyada hamıya yer var, insanların bu təcavüzkarlığı çox təəccüblüdür. Şeytanın qurduğu oyuna düşürlər.

İsa Məsih dünyadadır, lakin hələ ki, gizlənir.

Mehdi (ə.s)-ın, İsa Məsihin olduğu, Xızır (ə.s)-ın təhlükəsizlik yaratdığı, bir gün Texasa, bir gün Ankaraya, başqa bir gün də Tehrana, Tokioya getdiyi mühitdə insanlar kommunist hekayələrdən bəhs edirlər. Əllərindən heçnə gəlməz. Bütün qüdrət Allahın əlindədir.

Uşaqların sevinci, şirinliyi, o üzlərindəki təmiz ifadə, günahsızlıqdan qaynaqlanan o nur möhtəşəmdir. Uşaqları seyr etmək böyük nemətdir. Çünki günahsız bir insanla qarşı qarşıya olursan. Sözlə ifadə etmək mümkün deyil, mələk kimidirlər, maşAllah.

Təhqirə qarşı ən gözəl reaksiya, hüquqla göstərilən reaksiyadır.

Millət, Allah göstərməsin, dinsiz olsa Türkiyə toz –dumana bürünər. Türk milləti, Türkiyə deyilən heç nə qalmaz. Türkiyəni yaşadan dindir. Din vəsiləsi ilə Allah dəstək olur. Din birləşdirən, qovuşduran, tamamlayandır. Din olmasa ailə də, əxlaq da, dövlət də qalmaz, heç nə olmaz.

Allaha olan sevgi Onun uğrunda əziyyət, ağrı-acı çəkəndə daha da gözəl olar.

İman, səhər oyananda ilk qarşılaşdığımız ən böyük həqiqət, həyatımızda da dayanmadan həyəcanını yaşadığımız ən böyük həqiqətdir.

Heç kimin təhqir etmək azadlığı yoxdur.

Təhqir edənə qanuni lazım olan cəza veriləndə bir daha təhqir edə bilmir. Danışığını düzəldir. Deməli, düz danışmağı bilir. Hüququn, qanunların belə tərbiyə edici, gözəl tərəfləri vardır.

Başqalarını təhqir edənlər və buna qarşılıq olaraq məhkəməyə veriləndə buna reaksiya göstərənlər eyni təhqiredici sözlər özlərinə qaytarılanda, bu dəfə də özləri təhqirlərə görə məhkəməyə verirlər. Bu, səmimiyyətsizliklərinin açıq sübutudur.

Hal-hazırda təhqir edənə qanuni hüquqla lazım olan cavab verilir. Əvvəllər isə ağlasığmaz təhqir edirdilər və onların cəzası da verilmirdi. Artıq kiminsə təhqir edə bilməməsi bu hökumətin bir gözəlliyidir.