Adnan Oktar A9 TV; 15 may 2017

Bir insanın dürüstlüyü həmən anlaşılar. Səmimiyyətsiz insanın üslubu necə dərhal görünürsə, dürüst insanın keyfiyyəti də dərhal görünər.

İmam Rəbbani, hz. Mehdi zühur etdiyi zaman fiqh alimlərinin ona düşmən olacağını söyləmişdir. “Bu şəxs dinimizi dəyişdirir” deyəcəklər.

Dostlarım Allahı çox sevən, Allahdan qorxan, sevgini, mərhəməti bilən, nəzakətli, keyfiyyətli insanlardır. Bir çox insan dostluğumuzu qısqanır. Bizim dostluğumuzu qısqananlar öz cəhənnəm kimi dünyalarından qəzəblə bizi izləyirlər, biz öz cənnət kimi dünyamızda yaşayırıq.

Kainatın mövcud olma məqsədi sevgidir. Sevgi olmadıqda həyatın məqsədi aradan qalxar, sevgi olmadıqda fəlakət gələr.

İnsan nəzarətsiz buraxılmayıb. Allah hər an hər insanın qəlbinə, vicdanına doğrunu vəhy edər. Bu, insanlar üçün çox böyük nemətdir. Səmimiyyət insanın Allahın vicdanına vəhy etdiyinə tabe olması, bu ilhamı eşitməməzlikdən gəlməməsidir.

Qəlbim təmizdir deyən, lakin Allahın mövcudluğunu gördüyü halda, Allaha şükür edib sevgi göstərməyən insan səmimi davranmış sayılmır.

Səmimi olan bütün qullar xilas olar. Səmimi olan Allahın mövcudluğunu bütün ehtişamı ilə görər və Allahın yaratma məqsədinə görə yaşayar.

Sevgisizliyi milli problem kimi ələ alıb, təcili həll yolu tapmaq üçün səy göstərmək lazımdır. Sevgi səfərbərliyi elan edək.

Allah sevgisi və Allah qorxusu ilə sevgisizlik aradan qaldırılar. Allahı sevmədən insanların bir-birlərini həqiqətən sevmələri qeyri-mümkündür.

Sevgisizlik milli fəlakətdir. Dövlətin sevgisizliyin necə bəla olduğunu görüb buna görə mədəni tədbir alması lazımdır. Dövlətimiz sevgi səfərbərliyi başlatsın. Hər kəsin bir-birinə sevgi, mərhəmət göstərməsi lazımdır. İnsanları, bitkiləri, heyvanları sevmək əhəmiyyətlidir.

Din insanı çıxılmaz vəziyyətlərə sürükləməz. Allah səmimiyyəti əsas götürər. Din sadə və asandır.

İnsan zəif yaradılıb. İmansızlıq geniş yayıldığı üçün insanların çoxu özlərini arxayın hiss etmir və şiddətli stress içində yaşayırlar. Küçəyə çıxır sevgi yoxdur, evə gəlir sevgi yoxdur, etibarlı və səmimi insan tapa bilmir və şiddətli gərginlik yaşayırlar. Bu vəziyyət imanla həll edilər.

Nisa surəsinin 75-ci ayəsində ifadə edildiyi kimi, müsəlmanlar böyük çətinliklə qarşılaşdıqları zaman Allahdan xilaskar, Mehdi istəyirlər.

Dəccaliyyətin yaratdığı qadın düşmənçiliyi və nifrətini mehdiyyət aradan qaldıracaq. Mehdi dövründə qadınlar mümkün qədər azad olacaq.

Mehdi və İsa Məsihdən dərhal sonra çox sürətli pozulma başlayacaq. Hal-hazırda dünyaya gələn uşaqlar həm Mehdini, həm də pozulma dövrünü görəcəklər.

"Yetiş ya Mehdi, yetiş ya İsa Məsih" deyirik. İmam Mehdi və hz. İsa zühur etmədən bölgədəki qan bitməz. Mehdinin zühuru qiyamətin əlamətidir, qiyamət çox yaxındır.

Hz. Mehdinin gəlişi İslama, xristianlığa və musəviliyə görə bu əsrdə olacaq. Bu əsrdən başqa vaxt yoxdur.

İmam Mehdi bütün əsrlərin ən müasiridir. Bütün müasir dünyanın xülasəsidir. Bütün dünya sevgi ilə onu qəbul edəcək. Mehdi dünyanı cənnətə döndərmə əzminə malik, mehriban, sevgi dolu, Qurana çox sadiq, Qurandan heç güzəştə getməyən insandır.

Dəccaliyyətin qan tökmə arzusunun qarşısını almağın yolu, müsəlmanların bir-birini sevməsi və birlik olmasıdır. Bu da hz. Mehdi vəsiləsi ilə olacaq.

Hz. Mehdinin xüsusiyyəti insanların kədərlənməsini aradan qaldırması, müjdə verməsidir. Mehdiyyət dövründə insanların kədərlənəcəyi bir şey olmayacaq.

Hz. Mehdi dünyadan tamamilə keçmiş, həmişə Allah üçün və sevdikləri üçün yaşayan insan olacaq.

İstanbulun gözəlləşdirilməsi təkcə mehdiyyət dövründə reallaşa bilər. Könülləri fəth edərək, sevgi ilə, insanları razı salaraq bu edilə bilər.

Hz. Mehdi müşfiq sevgi insanı olaraq zühur edəcək. Öz şəxsinə qarşı işlənən cinayətləri belə əfv edəcək.

Qəlb oxşayan, kabil-i xitab (təmas qurula bilən) olduğunu göstərən olmaq əhəmiyyətlidir. İnsanlara yuxarıdan-aşağı baxan, əsəbi insanların təbliğ etməsi təsiredici olmaz.

İnsanları qazanmağa çalışmaq əhəmiyyətlidir. Hər insan səhv edə bilər, insanlara səhvini düzəltmə imkanı vermək lazımdır.