Adnan Oktar A9 TV; 17 iyun 2016

Quranın kafiliyinə görə hərəkət edildiyi zaman tək din olur. Hədislə hərəkət edildiyi zaman, 4 ayrı din olur və həmişə döyüş yaşanır.

Quran ağlı ortaya çıxaran, məntiqli düşünməyi təmin edən, normal, Allahın bəyənəcəyi insan modelini meydana gətirən, cənnət tərbiyəsi verən, cənnətdə normal yaşamağı təmin edəcək olan həyat rəhbəridir.

Quran olmasa dünya kütləvi şəkildə dəli olar, bütün dünya ağlını itirər, bir-birlərini qırıb keçərlər. Quran sayəsində dünya ayaqda dayanır. Haqq din yox olan kimi, dünyanın ağlı yox olar.

Dünyadakı tarazlığın səbəbi, hələ də anarxiyanın qarışıqlığın olmasına baxmayaraq, meydana gələn tarazlığın səbəbi yenə Qurandır. Quranın az yaşanmasından ötrü anarxiya və qeyri-tarazlıq meydana gəlir. O tarazlıq indi düzələcək, müsəlmanların lehinə olacaq.

Ənənəvi İslam anlayışına qarşı Quranın kafiliyini hər kəsə çatdırmalıyıq. Əks halda Əfqanıstan kimi, Suriya kimi, İraq kimi olmağımız çox asandır, Allah qorusun. Bu məsələdə vaxt itirmək çox təhlükəli olar. Osmanlını məhv edən ənənəvi İslam fəlsəfəsi ilə yenidən dirilmək qeyri-mümkündür.

Bir elm Qurana əsaslanmırsa elm deyil, o, heç nə deyil. Quran onu təsdiq etmirsə, o elm deyil.

Bizim inancımıza görə Quranla uyğun gələn elm, elmdir. Quranın dəstəklədiyi elm, elmdir. Qurana zidd olan elm müsəlman üçün etibarlı deyil.

İslam Birliyinə, Quranın kafiliyinə, İsa Məsihə, mehdiyyətə qarşı çıxan kəs, Allaha qarşı çıxmış olar. Allah bunun əvəzini çıxar.

Dində məcburiyyət yoxdur. Bu İslamın açıq hökmüdür. Məcburiyyətlə, təzyiqlə, zorakılıqla din olmaz. Təzyiq göstərən bir İslam anlayışını müdafiə edənləri tamamilə rədd edirik. Qurana əsaslanan demokrat, azad və dünyəvi bir sistemi müdafiə edirik.

Mehdiyyətin Tövrat və İncildə olduğunu bildirən Qurandır. Bu, mehdiyyətin nə qədər güclü inanc olduğunun dəlillərindən biridir.

Allah atalarınızdan öyrəndiklərinizə deyil, Qurana tabe olun deyə bildirir. Müsəlman Qurandan sorğu-sual olunacaq.

Müsəlman Qurana tabe olandır. Quranın hökmlərinə əlavə etmək və ya çıxarmaqla ayrı bir din meydana gətirənlər isə müşriklərdir.

Bizim həyat dolu İslam anlayışımız Quran müsəlmanlığıdır. İnsanlara İslamı çətin göstərən dəccaliyyətdir. Gözəl olan hər şey İslamdadır.

Biz Qurana tam tabe olduğumuz üçün, halala və harama çox diqqət yetirdiyimiz üçün hər istiqamətiylə İslamın işıqlı üzüyük.

Xeyli insan müsəlmanları, haşa ağılsız, asanlıqla aldadıla bilən, malını, mülkünü əldən verən, hər cür cinayətə hazır olan insanlar hesab edirlər. Müsəlmana hörmət göstərmirlər. 24 saat ağıllı olan dinsiz olar, hörmət göstərilməli olan dinsizlikdir təlqini verirlər. Bu fəlakətli mənzərəni də xeyli müsəlman qəbul edib, acizlik hiss edirlər. Halbuki Qurana tam tabe olan müsəlman dünyanın ən ağıllı insanıdır.

Müsəlmanlara mənəvi cəhətdən elə təzyiq göstəriblər ki, dində olmayan qaydalarla sanki zehinlərini dondururlar. Musiqi, incəsənət, gülmək, şən olmaq, həyat dolu olmaq potensial cinayət kimi göstərildiyi və özlərini də potensial günahkar gördükləri üçün hər yerdə aciz mövqedə olurlar. Qurana tam tabe olan müsəlmanlar ziyalı, keyfiyyətli, özünə inamlı və çox ağıllıdır. Acizliyi heç bir müsəlman əsla qəbul etməməlidir.

Sevgisiz insanlar sanki hissiyyatlarını itiriblər, həmişə bir-birlərini təhqir edirlər və bundan narahat olmurlar. Sevgisiz insanların həyatları, sanki cəhənnəmin əks olunması kimidir. Bu bəlanın içinə düşənlər Qurana sarılıb tezliklə xilas olsunlar.

Dünyəviliyin ən doğru, ən gözəl, ən ağıllı halını Qurandan öyrənirik. İslam dünyəviliyi müdafiə edər.

Peyğəmbərimiz (s.ə.v) Qurandan kənar hökm gətirməmişdir, gətirə bilməz. Peyğəmbərimiz (s.ə.v)-in sünnəsi Qurandır.

Amerika terrorla mübarizə üçün silaha xərclədiyi 5 trilyon dolları darvinizmin əsassızlığı, xurafatlara deyil, Qurana tabe olunmasının lazım olduğunu bildirən kitablara xərcləsəydi, terror çoxdan bitər, dünyada kasıb qalmazdı.

Allah təkcə Qurandan sorğu-sual ediləcəksiniz deyir. Allah Quran kifayətdir deyir. Haşa Allaha inanmırlar.

Allah təkcə Qurandan sorğu-sual ediləcəyimizi bildirir. Quran aydın və qətidir. Allah bizi səhifələrlə fiqh kitablarından məsul tutmayacaq.

Allah İslamı bizim fitrətimizə uyğun yaratmışdır. Mövhumatçılar İslamı dəyişdirmiş, başqa bir din halına gətirmişlər. Şirk dini halına gətirmişlər. O gördükləri din İslam deyil, bizim izah etdiyimiz din İslamdır; çünki tamamilə Qurana əsaslanır.

Qurandakı İslam onsuz da mötədil İslamdır. Biz Qurandakı İslamın yaşanmasını istəyirik. Qurana, nə bir şey əlavə edilsin, nə də çıxarış edilsin. Qurana tam tabe olaq deyirik.

Hər şey Allah sevgisi ilə gözəldir. Allahın hədiyyəsi olduğunu düşündüyün zaman nemətlərdən zövq alınar.