Adnan Oktar A9 TV; 19 oktyabr 2017

Ağıllı insan hər yaşda sevgi, dostluq, qardaşlıq əlaqəsini yarada bilər. Yaş, zəif ağıllı insanlar üçün maneə olar.

Ağıllı insan özünə və ətrafına zərər verməz, hüzurludur. İnsan yanında sıxılmaz. Mövcudluğu təsiredicidir, göz həmişə onu axtarar. Ağıllı baxış çox mənalı və gözəl olar. Ağıllı insan sakitləşdiricidir, qəlbə fərəhlik verər. Ağıllı insan gəldiyi zaman insanlar təbii olaraq onun həmişə Allah ilə birlikdə olduğunu hiss edərlər. Ağıl Allahdan gələn nurdur.

Ağıllı və dürüst insanlar dünya hakimi olacaqlar, onların hakimliyində bütün insanlar hüzur və əmin-amanlıq içində yaşayacaqlar. Hər kəsin eyni fikirdə olması şərt deyil. Əhəmiyyətli olan müxtəlif inanc və düşüncəyə hörmət göstərmək, anlayışla yanaşmaqdır.

Allah ayədə; "hər çətinliklə birlikdə asanlıq vardır" deyə bildirir. Çətinlik dinin gözəlliyinin bir hissəsidir, çətinliyi məğlub etdiyimiz zaman gözəlliyə nail olarıq. Əslində həyat və din çətinlik kimi görünən asanlıqlardan ibarətdir. Əgər insan taleyi yaşadığını bilsə, Allaha tam təslim olsa, heç bir çətinlik yaşamaz. Şirk qoşsa; "bu insan bunu edir" deyər və insanları bütləşdirərsə həyat onun üçün çox iztirablı olar. Bu iztirabdan xilas olmağın yolu taleyə təslim olmaqdır. Tale, suları yararaq hərəkət edən gəmi kimidir.

Allah çoxlu pərdə arxasında gizlənib. İnsanların bir hissəsi bu pərdələrə, bir hissəsi də insanların əksəriyyətinə fikir verib qəflətə qapılır. Allahı 70 min pərdə də olsa hamısından görmək möminin xüsusiyyətidir. 700 min pərdə də olsa mömin Allahı görər və çox sevər. Heç nə möminə Allahı unutdura bilməz. Allah əbədiyyən insanı yaşadacağı üçün bu dünyada alacağı tərbiyə çox-çox əhəmiyyətlidir.

Allah dünyada bizim cənnətdəymiş kimi yaşamağımızı istəyir. Pis olan şeyləri insanların nə üçün etdiyi başa düşülən deyil. Məsələn, insan bomba düzəldib insanları öldürür. Niyə insan öldürməyə çalışırsan, niyə torpaq zəbt etmək istəyirsən? Dünya çox genişdir, hamımız birlikdə gözəlliklə yaşaya bilərik.

Allah dünyanın hər yerində mehdiyyət ruhunu insanların qəlbinə həkk etdirmişdir, bu insanlar həmişə sülhü, bacı-qardaşlığı, sevgini və dostluğu istəyirlər.

Allah dünyaya dair gözəlliklərə qarşı insanların qəlbinə sevgi qoyduğunu, lakin bunun imtahanın bir hissəsi olduğunu bildirir. Allah dünyanın həqiqətindən çox təfsilatlı bəhs edir. Bəzi insanlar buna baxmayaraq, Allahı unutduqları üçün dünyaya aludə olurlar.

Allah hər şeyi bir məqsədlə yaradar. İnsanın da yaradılmasında bir məqsəd var. Dərin və ağıllı insanlar bunu anlayar. Lakin bəzi insanlar zalım, cahil və nankor olur, ölü olurlar. Diri olub Allahı bilməmək, Allahı dərk edə bilməmək qeyri-mümkündür.

Allah ilə əlaqəsi olmayan həyat cansıxıcı həyatdır. İnsan restorana gedər, xizəklə sürüşər, avtomobil yarışlarında iştirak edər, lakin cansıxıcı həyatdan xilas ola bilməz, getdiyi hər yerdə sıxılar. Xoşbəxtliyin sirri sonsuz gözəl, sonsuz ağıl, sonsuz mərhəmət sahibi, sonsuz sənətkar olan Allaha tam bağlanmaqdır. O zaman insan kömürlükdə də yaşasa xoşbəxt olar. Quranın mahiyyəti insanları xoşbəxt etməyə əsaslanır və bu gözəlliklərin hamısı cansıxıcı həyatı aradan qaldırar.

Allah insanlar üçün asanlıq istəyər, əzab dolu həyat istəməz, insanlar özlərinə zülm edərlər.

Allah insanları çətinliklər və əziyyətlərlə tərbiyə edər. Qocalıq, xəstəlik, aclıq, qorxu da insanların tərbiyəsində əhəmiyyətlidir. Məsələn, münafiqlərə çox bəla gələr, lakin heç vaxt anlamazlar, tərbiyə olunmazlar. Bu tərbiyənin məqsədi də sevgini öyrənməkdir. Dünya sevginin öyrədildiyi mükəmməl məktəbdir.

Allah insanların vicdanına həmişə bilgi ötürər. Fasiləsiz gələn bu vəhyə səmimi olaraq tabe olsaq doğru yolda olarıq.

Allah münafiqləri qövm halına gətirir, normal insanlarla əlaqə yarada bilmirlər. Mütləq özləri kimi ləyaqətsiz, alçaq tiplərlə birlikdə olurlar. Müsəlmanların yanına dəstə-dəstə insanlar gələrkən, münafiqlərin yanına heç kim yaxınlaşmaz. Xüsusilə qadınlar heç vaxt münafiqlərə yaxınlaşmaz.

Allah qorxusunun yaranması üçün insanın əvvəlcə Allahın sənətini anlaması lazımdır. Aya, ulduza, kainata, böcəklərə, çiçəklərə baxıb düşünmək lazımdır. Lakin insanların çoxu bunlarla bağlı məlumat alma imkanına sahib deyil. Buna görə də, Allahı sevənlərin bu məlumatları insanlara hazır təqdim etməsi əhəmiyyətlidir. Mən bunun üçün kitablarımda insanlara bu məlumatları çatdırıram və insanlar dəstə-dəstə Allaha üz tutur, əlhamdulillah.

Allah saf sevgidir. Allah; “dünyanı insanlar Mənə ibadət etsinlər deyə yaratdım” deyir. İbadətin məqsədi sevgidir. Namaz sevgimizi ifadə etməyin bir yoludur. Mömin şükür edər, bu sevgi ifadəsidir. Səbir edər, bu sevgi ifadəsidir. Möminin həyatının hər anı, həyatın bütün məqsədi sevgidir. (Zəriyət surəsi, 56: Mən cinləri və insanları təkcə Mənə ibadət etsinlər deyə yaratdım).

Allah sevgisi ən mühüm mövzudur. Allahı sevməkdəki əsas məsələ insanın özünü sıxmamağıdır. İnsanlar şirkə ağlasığmaz dərəcədə meyllidir. Şirkə qarşı beyni həmişə qorumaq, çox səmimi olmaq lazımdır. Diqqət şirk mövzusunda olmalıdır. Səmimiyyət də zövqlüdür, enerji tələb etməz. Səmimiyyət dünyanın ən şirin, ən ləzzətli nemətlərindən biridir. Allah sevgisi insanların bir hissəsində əskik olduğu üçün insanların bir-birinə sevgisi də az olur. Yerinə həsəd, kin, nifrət, qəzəb gəlir. Bilavasitə Allahı çox sevsələr insanların hal-hazırda dünyada yaşadıqları həyat tam fərqli olar, dünya açıq-aydın cənnət kimi çox rahat olacaqları bir yer olar. Dünya miqyasında bir çox insan Allaha qarşı nankor olduğu üçün, Allah da onları hiss etdirmədən əzir. Onlar öz aləmlərində Allahı aldatdıqlarını zənn edirlər, Allah isə onları hiss etdirmədən əzir. Bütün gözəlliklərin tək mənbəyi Allahdır. Sevginin tək mənbəyi Allahdır. Övladını, arvadını, pişiyini, quşunu çox sevdiyin zaman Allahı sevdiyini bilmir bir çox insan. Bütün təsvir Allaha məxsusdur.

Allah yuxunu acizlik olaraq yaratmışdır. Yuxu, hər gün insanların ölümü dadması üçün xüsusi olaraq yaradılır. Hər gün hər insan məzara girən kimi yatağa girib müəyyən mənada ölümə gedir. Lakin çox insan düşünmədiyi üçün bunu normal qarşılayır.

Allahı dərin sevsə, insan çox fərqli aləmdə yaşayar, bütün dünya o insana görə hərəkət edər. Bu, Allahın gizli sənətidir. İnsanlar bunu çox vaxt hiss etməzlər.

Allahı keyfiyyətli dərinliklə yadda saxlamaq lazımdır. İnsanlar yemək yeyib, Allaha şükür edir, pulunu verib çıxır. Bu cür olmaz. Allahın fövqəladə böyüklüyü və gücü var. Bunu çox yaxşı dərk etmək lazımdır, çox yaxşı düşünmək lazımdır. İnsanların böyük hissəsi Allahı orta böyüklükdə bilirlər. Belə deyil. Allah çox böyükdür. Lakin insanlar çox böyük anlayışını da tam dərk edə bilmirlər. Allah tək bir xalçadakı bütün iplikləri, bütün atomlarını, bütün neytronlarını, protonlarını bilir. Bu amansız ağıl deməkdir. Belə ağlın özünə kömək edə bilməyəcəyini, dişinin ağrısından, dizinin ağrısından xəbəri olmadığını zənn edir. Halbuki dişinin ağrısı da, dizinin ağrısı da xüsusi olaraq yaradılır. Ağrı öz-özünə bir sənətdir. Çox mürəkkəb sistemlə ağrı xüsusi olaraq yaranır. Ağrını yaradan, ağrını hiss etdirən, dərmanları yaradan Allahdır. Bu məsələni incə-incə çox düşünməyimizi və dərk etməyimizi istəyir Allah. Bunu dərk edə bilməsək sevgi və cənnəti dərk edə bilmərik. O zaman Allah o sevgi dərinliyini vermir, insanlar küt olur.

Allahın dünyada çox sayda qadın yaratması Allahın möminlərə rəhməti, bərəkəti, lütfüdür. İnsanların yarısının qadın olması Allahdan çox böyük nemətdir. Qadın Allahın ən görkəmli, ən həyəcan verici nemətidir. Allahın ən gözəl təcəllisidir. Allahın Rəhman, Rəhim, Nur və Cəlal adlarının təcəllisidir. Qadın quzu kimi tərtəmizdir. Çox nəzakətli, nazənin varlıqdır. Qadını hər zaman şəfqətlə, mərhəmətlə, hörmətlə dəyərləndirmək lazımdır. Qadın eşqin, ehtirasın qapısıdır. Eşqi ən mükəmməl şəkildə yaşayacağımız, Allahın verdiyi mükəmməl nemətdir. Qadın Allahın təcəllisi olaraq sevilər. Qadını sevmək, qadına heyran olmaq Allahı sevmək, Allaha heyran olmaqdır.

Allahın ən çox bəyəndiyi şey sevgi olduğu üçün, mən də həmişə sevgidən bəhs etməkdən zövq alıram. Mənim bəhs etdiyim şeylər insanların həmişə ağlından keçən, həmişə istədikləri şeylərdir. Mənim fərqim, onların bəhs etməkdən çəkindikləri şeyləri səsli olaraq dilə gətirməyimdir.

Allahın gücünü unutmamaq çox əhəmiyyətlidir. Bəzi insanlar Allahı xatırlayır, lakin qorxur, təlaşa qapılır, insanların dedikləri onlara təsir edir. Bunun səbəbi Allahın gücünü unutmaqdır. Allahın sonsuz gücünü yadda saxlamayan insanın ruhən və cismən sağlam olması qeyri-mümkün olur. Allahın sonsuz gücünü anlaya bilməyən insanlar; "həyatın reallıqları var" zənn edərlər, özlərini ayıq-sayıq zənn edər, lakin çox böyük əzab yaşayarlar.

Allahın Quranda qulağı və gözü möhürlü dediyi insanların şüuru yoxdur. Bunların orqanları robot kimi işləyər. Ruh sahibi olmadıqları üçün robot kimi vəzifələrini yerinə yetirərlər.

Allahın sənəti, Allahı dərk etmək üçün çox güclüdür. Kökü görünməyən bir naringi ağacının ən üst budaqlarına qədər bütün yarpaqları qidalandırması, qaranlıq torpağın içindən vitamini suyu tapması, tək-tək naringi tumlarını yaratması böyük sənətdir. Sadəcə bunu görən insan dərhal Allaha üz tutar. Bu qədər təfərrüatlı sənəti olan Allahı haşa əhəmiyyətsiz kimi görmək insanlar üzərindəki şeytanın təsirindən irəli gəlir. Yolun kənarındakı bir çiçək, pişik, möminlər, münafiqlər, kafirlər, Allah dünyada hər təfərrüatda min cürə fərqlilik yaradır.