Adnan Oktar A9 TV; 27 Fevral 2013

Gözəl günlər görəcəyik. Müsəlmanlar cənnətə gedəcəklər. Dünyanın hamısı hz. İsa Məsih (ə.s) ilə müsəlman olacaq, inşaAllah. Gənc qızlar, cavanlar sevinəcək. Bu bədbəxtlik, gərginlik bitəcək.

Bütün ağırlıq hz. Mehdi (ə.s)-dadır. Dünya hakimiyyəti darvinizmin, materializmin yox edilməsidir. Amma xristian aləmini hərəkətə keçirmək hz. İsa Məsih (ə.s)-ın edəcəyi işdir. Onları şövqləndirmək, İslama dəvət etmək, onlara o coşğunu vermək, onların lideri olmaq hz. İsa Məsih (ə.s)-ın edəcəyi bir şeydir.

Hz. İsa Məsih xoş söhbətli, namazlarını qılan, müasir, səhabə İslamını müdafiə edən, çox gözəl müsəlmandır. Amma ictimai təbliğ etməz. Çünki ictimai təbliğ etsə diqqət çəkər. Tələbələri vasitəsilə, çox diqqəti çəkmədən təbliğ edəcək. Bədiüzzamanın ifadələri ilə daha çox siyasətlə məşğul olduğunu anlayırıq. Öz ətrafını yaradan, ətrafındakı insanların sayını çoxaldan, bir çox insanlarla tanış olan, çox sevilən yaraşıqlı bir cavan olduğunu anlayırıq.

Peyğəmbərimiz (s.ə.v) hafiz idi, Quranı əzbərdən bilirdi. Hz. İsa Məsih (ə.s) hafizdir. İncili, Tövratı çox yaxşı bilir. Amma Quran mövzusunda mütəxəssisdir, çox yaxşı bilər.

Mehdiyyətə gülən, İsa Məsihə gülən çox şeyi itirər.

Sevgisizlik ağılı dayandırdı. Ağıl dayananda iqtisadiyyat da dayanar. İnsanların şövqü, həyəcanı qalmadı. Bir-birlərinə yad oldular. Məhəbbət, dostluq yoxdur. Elə olunca ağrılar, iztirablar, çətinliklər bütün dünyanı bürüyür. Buna qarşı tədbir hz. İsa Məsihi Allahdan istəmək, Mehdi (ə.s)-ı Allahdan istəməkdir.

Hz. Mehdi (ə.s) fərasətli, bəsirətli olacaq, inşaAllah. Dünya ehtirası da olmayacaq. Çünki Tövratda deyir ki, evindən idarə edər. Siyasətçi deyil, mənəvi bir lideri, sevgi, şəfqət, məhəbbət lideridir. İsa Məsihin yoldaşı, İsa Məsihlə dost, qardaşdır.

Hz. Mehdi (ə.s), hz. İsa Məsih (ə.s)-la müqayisədə daha zahir və aşkardır.

Hz. Mehdi (ə.s) və İsa Məsih (ə.s) insanları sevindirər, onların ürəklərinə fərahlıq verər.

Müsəlman olmaq gözəllikdir. Kürd, çərkəz, türk, hamı eynidir. Üstünlük təqva ilədir, inşaAllah.

Bir çox insan fanatikliyə uyğundur. Fanatik müsəlman olmasa İslam dünyaya ildırım sürətilə hakim olar. İndi də belə olacaq. Sürətlə hakim olacaq, inşaAllah.

Cənnətdə heyvan çoxdur, hər cür heyvan var. Hamısı danışar, ağıllıdırlar. Orada heyvan sevgisinə doyacağıq. Doyunca sevəcəyik. Bütün sevdiyimiz heyvanlar orada olacaq. Darıxdığımız heyvanlar, uşaqlığınızdan, ağlınızda qalan heyvanlar, hamısı oradadır, inşaAllah.

Yuxu vəhy deyil. Yuxu ilə nəsə etmək, hökm vermək olmaz.

Cənnətliklər cənnətə keçəcəklər―səfa və gözəllik yurduna, nə gözəldir. Sevgidən, məhəbbətdən, yaxşılıqdan, gözəl sözdən xoşlananlar dayanmadan gözəllik görəcəklər. Cənnət nur kimidir, sevinc, gözəllik yurdudur.

Nə gözəl, Allah var; nə gözəl, varlığıq. Onsuz da mütləq yoxluq qeyri-mümkündür. Varlıq oldumu artıq sonsuza qədər mövcud olur.

Nə gözəl, sonsuz ağıla sahib Allahımız var. Allah gözəlliyi bəyənir, sevir, çox gözəldir. Asan bir yol göstərmişdir: "Gözəl əxlaqlı olun, sizi cənnətə daxil edim" deyir.

Namazda eşq, coşğu, sevinc içində, böyük bir həyəcan içində olacağıq. Bayram sevinci ilə, ehtirasla qalxacağıq. Məsələn, adama desələr ki, indi qalx, beş milyonu götür, həm də çox yuxuludur. Yaxud bir kasanın içində qızıl doludur, “qalx, götür". Yerindən sıçrayarlar, elə deyilmi? Allahın razılığı, sonsuz cənnət o qızıl kasadan daha çox qiymətlidir.

Dünyada o mənada bir şey yoxdur. Cənnət gözəldir. Bura, xüsusilə, cənnət-cəhənnəm arası yaradılmışdır.

Yeni sənətçilər mehdiyyət dövründə bütün böyüklüyü ilə ortaya çıxacaqlar.

Ağıllını razı salmaq, vicdanına müraciət etmək asandır. Yəni nəzakətsizlik etməz. Ağıllı bir insan məqbul olar. Vicdansızlıq etməməsi çox böyük bir nemətdir. Ağıllı bir insan vicdanını tapdalamır, yəni vicdanına uyğun hərəkət edir. Vicdanlı olduğu üçün də gözəl sözlər eşidərsən. Gözəlliyi bir məna ifadə edər. Əks təqdirdə gözəlliyin də bir mənası qalmır. Çünki sadəcə ət, sümük qalır. Onlar da bir şey deyil.

Osmanlı gözəl idi, amma İslam Birliyi qeyri-adi gözəl olacaq.

İslam Birliyi istəməmək də bir zülmdür.

Cənub-şərqdə gəncliyin əlindən PKK-a qarşı mehdiyyəti almağa çalışdılar. Çünki tarazlığı pozmalıdırlar ki, PKK inkişaf etsin. Çünki insanı idealsız, şövqsüz, imansız qoyacaq. PKK təktərəfli inkişaf edəcək. Elmlə, mədəniyyətlə, ağılla, məlumatla bu yersizliyi dayandırdıq. PKK-NIN YOLU BAĞLANDI, MEHDİYYƏTİN YOLU AÇILDI. Qəsdən bağlamışdılar ki, PKK-nın yolu açılsın, inkişaf etsin. Biz o yolu açdıq. Biz də icazə vermədik.

PKK-nın həlli kimi silahdan istifadə etmək olmaz. Elmi yollarla fikirlərini öldürmək lazımdır.

Mehdiyyət dövründə sənətçilər ortaya çıxacaq. Memarlar, mühəndislər, elm adamları böyük bir coşğu ilə ortaya çıxacaqlar, inşaAllah.