Adnan Oktar A9 TV; 15 mart 2017

İslam, sevgi, sevinc və hüzur dinidir, insan fitrətinə uyğundur. İslamı sevinci yox edən, incəsənəti öldürən məntiqə döndərənlər mövhumatçılardır.

Qorxunc bir dünya istəyirlər. Quranın ağıllı, sevgi dolu, mərhəmətli, keyfiyyətli, ziyalı, azad dünyasından uzaq tamamilə azğın bir dünya yaradırlar.

Ümumiyyətlə keyfiyyətdən uzaq, həyatlarına sevgisizliyin hakim olduğu tiplər dindar insanların həyatı ən gözəl şəkildə yaşamasına həsəd aparırlar. Bu tiplər Avropaya getdikləri zaman da həm Avropaya heyran olurlar, həm də müəyyən yolla o cəmiyyətə zərər verməyə çalışırlar. Bu, qısqanclıqdır.

İnsan gözəlliyi iman həqiqətidir. Gözəl insan Allaha heyranlıq oyandırar, cənnət həsrətini artırar. İnsanın gözəl və baxımlı olması nemətdir.

Qadının nəcibliyinə diqqət göstərərək, hörmət edərək tərif demək əhəmiyyətlidir. Qadın özü ilə ünsiyyətdə olanın keyfiyyətli və ağıllı olmasını istəyər.

Çox sayda qəzet, televiziya kanalı və internetin yaradılması təbliğ üçün çox böyük nemətdir. Bu imkanlar mehdiyyət üçün xüsusi yaradılıb.

Keyfiyyəti ön plana alan bir siyasət təşviq edilsin. Keyfiyyət və İncəsənət Nazirliyinin mütləq yaradılması lazımdır.

Türkiyədə cəmiyyəti Suriya, İraq kimi keyfiyyətdən, əyləncədən, incəsənətdən uzaq bir quruluşa çəkmək istəyənlər var. Bunlar təkcə canlı qalmağı əsas götürür, bir növ orqanizm kimi yaşamaq istəyirlər. Allahın bizdən istədiyi həyat bu deyil. Sevgi, coşğu, gözəllik, keyfiyyət, sevinc əsas şərtdir.

Mən gözəlliyə Allah sevgisi ilə aşiq insanam. Gözəllik ruhu açar, qəlbi açar. Mənim ruhumun qidası gözəllikdir. Cənnətin təməl xüsusiyyəti gözəllikdir.

Heç sevəni olmayan, özünü müsəlmanlardan üstün görən, həmişə müsəlmanları təhdid ünsürü kimi göstərməyə çalışan din texniki tiplərin həqir və yaltaq xarakteri olur. Hədəfləri darvinizm, materializm, dinsizlik deyil, müsəlmanlar olur. Bunlar ümumiyyətlə imana vəsilə olan iş görmək əvəzinə din vasitəsilə pul qazanan, müsəlmanları narahat edən, əllərindəki imkandan müsəlmanlar əleyhinə istifadə edən insanlar olur.

Dünyanın hər yerində bir çox insanın təbliğ edə bilmədiyi mühitdə İslamı izah edirik. Darvinist fəlsəfənin dünyanı boğmasına mane oluruq. Anti-darvinist elmi fəaliyyətimiz imanlı nəsil yetişməsinə səbəb olur. Bəzi mövhumatçı kütlələr onları necə bir bəladan qoruduğumuzu anlamır.

Türkiyəni incəsənət, estetika və keyfiyyətlə gözəlləşdirək. Heç kimin qorxu və gərginlik içində olmadığı bir Türkiyə yaradaq. Düşüncəsi, partiyası, hər nə olsa da, hər kəs tanış olub bir yerə toplansın. Birlik olaq. Qorxuları, narahatlıqları tamamilə aradan qaldıraq.

Allah dünya sistemini güclü olanın zəif olana, zəngin olanın kasıb olana kömək etməsi üçün yaratmışdır. Hamilik sistemi əsas olmalıdır. Hamilik sistemi ilə insanların bir-birinə sahib çıxması Qurana görə fərzdir. Bu fərz tətbiq edildikdə kasıblıq və yoxsulluq qalmaz.

Allah Mehdiyə İslam əxlaqının dünya hakimiyyətini, incəsənət, zənginlik və gözəllikdə heyrətamiz irəliləyişi nəsib edəcək inşaAllah.

Allah hz. Süleymanı çox zəngin etmişdi. Sarayında hər gün çox sayda qonaq qəbul edir, ən gözəl nemətləri təqdim edirdi. Hz. Süleymanın ağlı, müdrikliyi, sarayın memarlıq gözəlliyi, sarayda yaşayanların yaraşıqlığı və keyfiyyəti Səba məlaikəsinin iman gətirməsinə vəsilə oldu.

Hz. Süleyman dövrünün mövhumatçıları hz. Süleymanın həyat yoldaşlarının gözəlliyinə, təmiz və baxımlı olmalarına ağlasığmaz dərəcədə həsəd aparırdılar.

Hz. Süleymanın sarayı çox ehtişamlı, həyat yoldaşları çox gözəl idi. Mövhumatçılar hz. Süleymanın gözəlliyə olan sevgisini təqdir edə bilmirlər.

Türkiyə əgər ultramüasir ölkəyə çevrilsə, Türkiyəni parçalamaq istəyənlərin əlindəki ən böyük silah alınmış olar. Əgər Türkiyə incəsənətin, elmin, estetikanın hakim olduğu, qadın hüquqlarının ən yüksək səviyyədə təmsil edildiyi ölkə olsa əllərindəki fürsəti yox edərik.

Cənnətdə qədəhlər, ən gözəl süfrələr, ən gözəl musiqi, ən nəfis incəsənət var. Bu gözəlliklərin hamısı dünyada da müsəlmanlar üçün nemətdir. Rəsm əsərini, heykəli, musiqini, elmi, zənginliyi, ehtişamı, sevinci müsəlmanlar sahiblənməlidir. Bu nemətləri tərk etmələrinə dini cəhətdən heç bir ehtiyac yoxdur.

İncəsənət və estetika çatışmazlığı qarışıqlığa, bədbəxtliyə səbəb olar. Xalqın xoşbəxt olmamağı, incəsənət xadimlərinin və qadınların əzilməsi gərginliyə səbəb olar.

Quranda rəcm (daşlama) cəzası yoxdur. Bu, müşrik adətidir. İslamda yoxdur.

Allah dəstəmazı bir ayədə izah edir və çox asandır. Mövhumatçılar isə dəstəmaz üçün 600 səhifə kitab yazırlar, üstəlik hər məzhəbə görə də fərqlidir. İnsanlar da buna baxıb mən dəstəmaz alıb namaz qıla bilmərəm deyirlər. Qurandan kənar din anlayışı insanları İslamdan soyudur.

İslam aləmi parça-parça olub, məzlumlar dənizlərdə boğulur, zülm baş alıb gedir. Müsəlmanların çoxu buna heç diqqət etmir.

Qurandan kənar din anlayışının hər cəhəti fəlakətdir; gülmək, rəqs etmək, rəsm əsəri, heykəl, musiqi, qadınların çölə çıxması, uşaqların şort geyməsi qadağandır. Saqqal kəsməyin, namaz qılmamağın cəzası ölümdür. Bunların heç biri Quranda yoxdur. Quranda olmayan din dünyanı cəhənnəmə döndərir.

"Ələvilər dindən kənardır" demək böyük böhtandır. Ələvilər tərtəmiz müsəlmandırlar, Allaha, Rəsulullah (s.ə.v)-ə və hz. Əliyə aşiq olan, nur kimi insanlardır.