Adnan Oktar A9 TV; 24 fevral 2016

Qadının şeytani varlıq olduğu, ona gözəl paltar verilməməli olduğu, çölə çıxmasının qadağan olduğu kimi hökmlər mövhumatçılıqda var, İslamda yoxdur.

İslam aləminin başındakı fəlakətlərin əsas səbəbi, Qurana tabe olunmamasıdır.

Türkiyənin içində Kürd dövləti yaratmağa çalışsan, bu bütün İslam aləminə qarşı cinayət olar. Yəni bu, bütün Türk və İslam aləmini yox etmək layihəsinin icrası olar. O zaman buna icazə vermərik. Necə icazə vermərik? Açıq şəkildə deyirəm qiyamət qopar. Nə ABŞ qalar, nə Rusiya, nə İngiltərə, nə Fransa, nə də Çin. Heç bir yer qalmaz.

İslam aləminin bu vəziyyətə gəlməsinin tək səbəbi münafiqlikdir. Dərin dövlətlər münafiqdən istifadə edər. Münafiqlər, dərin dövlətlərin ordusudur.

Pərişan, incəsənət olmadan, zövqsüz həyat olmalıdır deyən insanlar İslam aləmini məhv edirlər. Türkiyəni bu cür məhv etmələrinə icazə vermərik. Musiqi niyə olmasın? Rəqs niyə olmasın? Ağlınızı başınıza toplayın. Dinə, imana uyğun gəlməyən tərəfi nədir, hansı ayə ilə ziddiyyət təşkil edir? Kimə nə zərəri var, haradan çıxarırsınız bunu.

Türkiyə nümunəvi ölkə olsun. Başda İngiltərə dərin dövləti olmaqla, 200 ildən bəri Türkiyəni yox etməyə çalışırlar. Yox edəcəyinə, ultramüasir, İslam aləminin nümunə götürəcəyi bir ölkəyə çevir, Türkiyə çox gözəl xidmət etsin.

Türkiyənin bölünməsi, bütün İslam aləminin məhv olması deməkdir. Fövqəladə bir ölkədir, bölünə bilməz. Türkiyə Türk aləminin beynidir. Türkiyə ölsə, Türk aləmi də ölər. İslam aləminin də beynidir. Türkiyə ölsə, İslam aləmi məhv olar.

Dövlət mehdiyyətə var gücüylə sahib çıxmalıdır. Çünki mehdiyyətdə dövlətə müdaxilə yoxdur. Birincisi mehdiyyət siyasətə qarışmaz, ikincisi bütün İslam aləmini və bütün Türk aləmini birləşdirici mahiyyəti var, üçüncüsü isə, mövhumatçılığa qarşı, müasirliyi mümkün qədər təşviq edən sistemdir və parçalanmanı tamamilə aradan qaldıran sistemdir. Bu dövlət üçün çox idealdır.

İslam aləminin birləşməsinə mehdiyyət deyilir. Mehdiyyət İslam aləminin birləşməsinə bərabərdir. Başındakı liderə də biz, hz. Mehdi (ə.s) deyirik.

Nur surəsinin 55-ci ayəsində və digər ayələrdə də açıqca bildirilib, İslam aləmi birləşəcək. Müsəlmanlar Quranda: "Ey Rəbb bizi təqva sahiblərinin öndəri et" deyirlər. Deməli, İslam aləminin bir öndəri, bir lideri olur. Quranda lidersiz heç bir cəmiyyətdən bəhs edilmir, hər cəmiyyətin lideri var. İslam aləminin də bir lideri olacaq. İnkar edəcəkləri vəziyyət yoxdur.

Türkiyədə darvinist təhsil ləğv olunsa, bütün İslam aləmi cəsarətlənər. Elmi yolla yaradılışın müdafiə olunması çox mühüm fəaliyyət olar.

Türkiyədə darvinist təhsil ləğv olunsa, bütün Türk aləmində, İslam aləmində hər kəs darvinist təhsili ləğv edər. İlk cəsarət lazımdır. Hökumət "bismillah" deyib başlasın. Təsadüfə qarşı Yaradılışı müdafiə edəcəklər.

Türkiyəyə, türklərə qurulan tələ, Türkiyənin çox müasir, çox keyfiyyətli, qadın hüquqlarına əhəmiyyət verən, incəsənətə, elmə dəyər verən quruluşu ilə pozula bilər. Bunun xaricində, bu tələ mükəmməl işləyir kimi görünür; Türkiyə mövhumatçılığın qaranlığına doğru çəkilir.

Bir çox insan zövq almağı, kef çəkməyi düşünər, İslamdan da istifadə edər. Məsələn, ticarət etsin, yesin, içsin, gəzsin, evlənsin, iş-güclə məşğul olsun. İslam aləminin böyük hissəsində bu zehniyyət vardır. Buna görə də, Allah İslam aləmini məhv edir. Allah Özünə yönəlmələrini istəyir, onlarsa yönəlmirlər. Allah: "Müvəqqəti dünya həyatını istəyirsiniz" deyir, "Halbuki xeyirli və gözəl olan axirət yurdudur, kaş ki, biləydiniz" deyir.

Zülmün həll yolu sevgidir, sülhdür, rasionallıqdır, elmdir, irfandır, mövhumatçılığa qarşı Quran həqiqətləri ilə aparılacaq mübarizədir. Hal-hazırda anlamazlıqdan gələnlər ola bilər, lakin çox yaxın vaxtda hadisələr xeyli böyüdükdə anlayacaqlar. Dediyimi bir yerə yazın, eynilə görəcəksiniz. Eynisi meydana gələcək.

Mövhumatçı zehniyyət, incəsənəti, gözəlliyi, musiqini, qadınların azad olmasını, elmi, keyfiyyəti, gözəl olan hər şeyi qadağan edən zehniyyətdir.

Mövhumatçılığın geniş yayıldığı bir dövrdə Atatürk tam bir centlmen idi, Avropa mədəniyyətinə Osmanlı mədəniyyətini də əlavə etmişdi, keyfiyyətə bir nümunə idi.

Mövhumatçılıq və Qurandan uzaqlaşma olmasaydı, nə radikal təşkilatlar olardı, nə də Əfqanıstan, İraq, Suriya bu vəziyyətdə olardı. Əksinə hər yer gözəl olardı.

Mövhumatçılığı izah edən əksər insan öz uşaqlarını belə izah etdikləri sistemi yaşamağa inandıra bilmirlər, özləri də izah etdiklərini yaşamırlar.

Ənənəvi ortodoks İslam anlayışı və darvinizm Osmanlının çöküşünün iki əsas ünsürüdür.

Atatürk müasirliyi, modası, nəzakəti və ziyalı dindarlığı ilə millətə nümunə olan bir insandır. Atatürkün qarşı olduğu mövhumatçılıqdır.

Atatürk ağıllı, igid Osmanlı aslanıdır. Dindar insandır. Mübarizəsi mövhumatçılığa qarşı olmuşdur.

İslam aləmi birləşəcək, lakin bəzilərinin düşündüyü tərzdə; asan-kəsən sevgisiz İslam anlayışı əsla hakim olmayacaq. Bundan sonra incəsənətin, gözəlliyin, elmin, müasirliyin, keyfiyyətin hakim olduğu İslam anlayışı formalaşacaq və güclənəcək. Mövhumatçılıq güclənə bilməz.

Tramp müsəlmanlardan deyil, mövhumatçılıqdan duyduğu narahatlığı dilə gətirir. Müsəlmanlarla Trampın arasını vurmağa çalışırlar. İngiltərə dərin dövləti və qolları Trampı istədikləri kimi yönləndirə bilməyəcəklərini düşündüklərindən müsəlmanlarla arasını vurmaq istəyirlər.

Münafiq hiyləgərliyindən, gizliliyindən mühüm silah kimi istifadə edər. Gizli vurar, gizli hücum edər, lakin onun öhdəsindən gələn ağıl, çox heyrətamiz ağıldır, inkişaf etmiş ağıldır. Orta zəka səviyyəsi ilə münafiqin öhdəsindən gəlmək olmaz. Böyük ağıl və böyük iman lazımdır.