Adnan Oktar A9 TV; 26 avqust 2013

Dünyada baş verən bəlaların, qarşıdurmaların, zülmün bitməsinin tək bir həll yolu İslam aləminin birləşməsidir.

Mehdiyyətə müqavimət göstərildikcə qatı dinçilik, şiddət və terror getdikcə dünyanı bürüyər. Nifrət geniş yayıldığı üçün bölgədə Əl-qaidə üslublu quruluşların tərəfdar tapması, silah və ya pul tapması çətin olmur.

Mehdiyyətdən və İsa Məsihdən başqa həll yoxdur, haqq olan bu həqiqəti min dəfə də olsa söyləyəcəm.

Mehdiyyətdən, İsa Məsih (ə.s)-dan başqa heç bir çıxış və həll yolu yoxdur. Min dəfə də olsa söyləyəcəyəm. Sonra "demədi" deməsinlər. Mən bunları deməkdə məsuliyyət daşıyıram. Allah bir müddət sonra məcbur edəcək, görəcəksiniz.

İnsanlar həmişə öz canlarının hayındadırlar. Mehdiyyət bu bəlanı, çətinliyi, məhəbbətsizliyi, sevgisizliyi aradan qaldıracaq. Amma Allah əvvəlcə ağrının, sevgisizliyin, qəddarlığın nə demək olduğunu göstərir ki, insanlar mehdiyyətin dəyərini, qiymətini bilsinlər və aradakı fərqi görsünlər.

Mehdiyyət, müsəlmanlar təhqir olunar, böhtanlar atılar. Mömin bundan təsirlənməməlidir və qorxmamalıdır.

Təkcə "Misir xilas olsun! Fələstin xilas olsun!" demək doğru deyil. "Müsəlmanlar birləşsin" demək lazımdır. Bütün İslam aləminin qurtuluşunu, bütün insanlığın qurtuluşunu, müsəlmanların liderliyi ilə bütün insanların qurtuluşunu istəmək lazımdır. Rusiya, Çin, hamısı xilas olsun. Biz eqoist dünyagörüşünü inkişaf etdirə bilmərik.

İslam aləminin bu an başına gələn bəlanın ən fundamental səbəbi nədir? Qurandan çıxmaları, uydurma hədislərə görə hərəkət etmələridir.

İslam Birliyi və mehdiyyət Risalə-i Nurun özüdür.

İslam aləmində demokratiya Mehdi dövründə olacaq. Çünki Ortodoks İslam inancı demokratiyaya icazə vermir.

Müsəlmanların bir liderinin olmasının nə qədər vacib olduğu göz qabağındadır. Amma bəzilərinin bəsirəti bağlandığı üçün anlamırlar. Rəbbimiz qarşıdakı günlərdə insanların bəsirətini açacaq. Müsəlmanların üzərində bir pərdə var, Allah bu pərdəni açacaq və birlik olmağın, mehdiyyətin əhəmiyyətini görəcəklər, inşaAllah.

Dünyada quldur hakimiyyəti meydana gəlib, mehdiyyət bunu sevgi ilə aradan qaldıracaq.

İslam aləmi bir liderləri olmadığı üçün bədbəxtdir. İslam Birliyi olmasa bu qarışıqlıq davam edər.

İslam aləmi dərhal İslam Birliyini, mehdiyyəti, İsa Məsihi istəməlidir.

Amerika, Avropa və İslam ölkələrinin birlikdə müsəlman aləmi üçün mənəvi bir lider, bir imamı-kəbir seçmələri lazımdır.

Mənim ilk hədəflərimdən biri birlik və bərabərlikdir. Mənim qədər digər məzhəbləri, digər dinləri bu qədər çox sevən insan varmı? Yəhudilərə bu qədər çox sevgi göstərən, xristianlara bu qədər çox sevgi göstərən, şiələri, ələviləri, vəhhabiləri başının tacı edən başqa biri varmı?

Məzhəb, camaat ayrı-seçkiliyi etmədən hər kəsin iftarına getmək, dəvət edilən hər iftarı mütləq qiymətləndirməyə çalışmaq gözəl olar.

Müsəlmanlar birdirlər. Eqoistliyi Allah qəbul etmir. Quran ayələri bütün müsəlmanları əhatə edən üslubdadır. Məsələn, Allah "Ey möminlər" deyərkən bütün dünya müsəlmanlarına xitab edir. Təkcə sünnilərə, şiələrə, vəhhabilərə xitab etmir, hamısına müraciət edir.

Quranda Axırzaman əlamətləri bir gizli olaraq, bir də açıq şəkildə izah edilir. Allah parçalanmış, firqələrə ayrılmış müsəlmanlardan bəhs edərkən Axırzamana işarə edir. Çünki müsəlmanlar Peyğəmbərimiz (s.ə.v) dövründən bəri ilk dəfədir ki, bu qədər məzhəblərə, camaata bölünmüş vəziyyətdədirlər.

"Hansı dindənsən" soruşduqda, məzhəbini deyir. Sən Qurana tabe olmaqla mükəlləf deyilsənmi? Məzhəbə tabe olduğunu deyirsən. Quranın hansı ayəsində məzhəbə uymaq yazılıb? Allah yalnız Qurana tabe olmaqdan bəhs edir. Məzhəblərə bölünməyi, məzhəbə uymağı haradan çıxarırsan?

Quran var ikən hansısa məzhəbdən olmaq haramdır. Allah ''Mən sənə Quran endirdim, məzhəbi haradan çıxardın? Sən Qurana tabe olacaqsan yoxsa məzhəbə?'' desə, insan nə cavab verəcək? Əlbəttə ki, Qurana. Biz Qurana tabe olmaqda məsuluq.

Şiə və sünni ayrı-seçkiliyinin aradan qalxması ancaq mehdiyyətlə mümkündür. Sənətin, elmin, incəsənətin, gözəlliyin, dünya hakimiyyəti mehdiyyətlə olar.

Birlik mehdiyyət ruhu ilə çox qəti olaraq əldə edilər. Hər kəs "birlik olaq" deyir. Kimsə əhəmiyyət vermir. İrqçilik, məzhəbçilik, bölgəçilik, hətta məhəlləçilik də yayılmışdır. Ona görə Peyğəmbərimiz (s.ə.v) bu bəlanı bildiyi üçün Mehdisini xüsusi olaraq vəzifələndirir.

Quranda hədisdə olmayan yeni-yeni qanunlar çıxarmağa ehtiyac yoxdur. Onlardan bir nəticə çıxmaz, bərəkət gəlməz.

Meydanlarda istifadə edilən şüarlarda Mursi və ya Rəbiyə deyil, "İslam Birliyi" deyilməlidir.