Adnan Oktar A9 TV; 25 may 2016

İngiltərə dərin dövlətinin bütün gücü münafiqlərə əsaslanır. Münafiqlər olmadıqda addım ata bilməzlər.

Münafiqlər hər dövrdə müsəlmanların başını bəlaya salmışdır. Liviyada, Suriyada və İraqda da küfrlə əməkdaşlıq edərək müsəlmanları məhv etdilər. Hələ də davam edirlər. Misirdə çevrilişin baş tutmasını təmin edənlər də münafiqlərdir. Müsəlmanları bir-birinə qırdıranlar yenə münafiqlərdir. Liviyadakı hadisələrin təməlində də yenə münafiqlər var.

Münafiq ayələrini həmişə möminlərə danışırıq. Mömin öz üstünə götürməsə bu münafiq əlaməti olar. Əgər götürsə bu da mömin əlamətidir. Çünki müsəlman nəfsini təmizə çıxartmaz. Nəfs həmişə pisliyi əmr edəndir.

Münafiq, müsəlmanların çətin vəziyyətə düşməsini, hər cəhətdən müsəlmanların çökməsini gözləyər. Güclü olarkən hücum etməz. Necə ki, belə vəhşi heyvanlar hücum üçün zəif anı gözləyər, münafiq də zəif anı gözləyər ki, hücum edə bilsin. Bunun üçün dəstəsini də hazırlayar.

Münafiqlər, müsəlmanların bəlaya uğramasını xainliklə gözləyirlər. Münafiqlər üçün, çətin zamanda vurmaq əsasdır.

Münafiq möminə güc verər, çeviklik verər, üfüq genişliyi verər. Başqa cür olduqda, mömində miskinlik olar, zəiflik olar.

Münafiq möminin çox gözüaçıq, diqqətli və çox etinalı olmasını təmin edər. Üfqünü açar. Mömin necə mübarizə aparacağını daha yaxşı görər, riski daha yaxşı qavrayar. İslamın, Quranın qiymətini daha yaxşı anlayar. Müsəlmanlara olan sevgisi daha artar.

Mömin vəlayət məqamını münafiqlər sayəsində alar. Peyğəmbərlərin dərəcələri münafiqlərə səbir və onlarla mübarizə sayəsində yüksələr. Zehni açar münafiq, mübarizə əzmini artırar, şövqü artırar, müsəlmanın çox diqqətli və gözüaçıq olmasını təmin edər.

İslamın qarşısındakı əsas qüvvə münafiqlərdir. Küfr əhli deyil. Küfr əhli ikinci dərəcəlidir. İslam aləminin məhv olmasının səbəbi münafiqlərdir. Münafiqlərdən ötrü İslam aləmi hazırda birləşə bilmir. Yoxsa dərhal birləşər.

Tarix boyunca bir çox müsəlman görünən lider əslində münafiq idi və İslam aləminin parçalanmasına səbəb oldular. Əzilmələrinə, dağılmalarına səbəb oldular.

İngiltərə dərin dövləti münafiqlərdən istifadə edərək İslam aləmini nəzarət altında saxlamaq istəyir. Münafiqlər də mənfəətpərəst və böyüklük ardınca qaçdıqları üçün asanlıqla dəccaliyyətə xidmət edirlər.

Küfr əhlinin İslam aləmində münafiqlə etdirməyəcəyi heç nə yoxdur. Münafiq alçaq və tərəfdaş olduğu üçün, mövqe, mənfəət, pul ardınca qaçdığı üçün, böyüklük və üstünlük ehtirasına sahib olduğu və Allahdan qorxmadığı üçün, insanlar belə məxluqları dərhal tapırlar, İslam aləmində müsəlmanların başına bəla edirlər.

Keyfiyyətsizlik İslam aləmini bürüdü. İngiltərə dərin dövləti İslam ölkələrində keyfiyyətsizliyi, bəsitliyi heyrətamiz şəkildə təşviq edir; kobud, sadə və ağılsız nəsil olmasını istəyir. Nəzakətsiz, mədəniyyətsiz, incəsənətdən uzaq, milli şüurdan uzaq nəsil olmasını istəyir. Həmçinin bunun üçün televole mədəniyyətini mümkün qədər yayırlar.

Mehdiyyət Axırzamanın ən mühüm məsələsidir. İraqdakı, Suriyadakı hadisələrin tək səbəbi mehdiyyətdir. İslam aləmindəki hazırkı həyəcan və qarışıqlığın tək səbəbi mehdiyyətdir. Dünyanın hər yerində mehdiyyət yeri göyü inildədir.

Müsəlmanın tətili olmaz. Suriyada, İraqda müsəlmanlar öldürülərkən, Əfqanistanda müsəlmanlar məhv edilərkən, Misirdə müsəlmanlar pərişan ikən, İslam aləmi dəhşət içində yaşayarkən bizim istirahətə ayıracaq vaxtımız olmaz. Hətta mövzulardan danışarkən belə, öncə ən təcili mövzulara yer verilməlidir.

İngiltərə dərin dövləti İslam aləminin ədabaz, asi, üsyankar, İslama, Qurana qarşı çıxan, hörməti qəbul etməyən, nəzakəti qəbul etməyən, mübahisəçi, eqoist, ruh xəstəsi tiplərdən ibarət olmasını istəyir. Belə ki, bu şeytanın şəxsiyyətinin qısa xülasəsidir.

Rohincalı müsəlmanları çox vicdansızca əzirlər. Hər yerdə çıxılmaz vəziyyətə salınmış vəziyyətdədirlər. Bütün müsəlmanların onlara sahib çıxması lazımdır.

İslam aləmi parça-parça olub, məzlumlar dənizlərdə boğulur, zülm baş alıb gedir. Müsəlmanların çoxu buna heç diqqət etmir.

Allah bizim vicdanımızı hərəkətə keçirmək üçün məzlumların əzildiyini, öldürüldüyünü, yandırıldığını göstərir. Əgər biz vicdanımızı hərəkətə keçirməsək günah işləyərik. Olmaz bu. Var gücümüzlə İslama xidmət etməliyik.

Balaca uşaqların şəhid edildiyi, məzlumların mərhəmətsizcə tapdalandığı bir dünyada müsəlman özünü prioritetli görə bilməz.

“Dəccal haradadır ki? İslam Birliyi olmaz ki, mehdiyyətə nə ehtiyac vardır ki” deyənlər məzlumların çəkdiklərinə laqeyd yanaşırlar. Müsəlmanlar bir mənəvi lider ətrafında birləşmədikcə, təkcə Qurana bağlanmadıqca bu əzablar bitməyəcək. İdlibdəki hər uşaqdan, Rohincalı hər qadından, Aralıq dənizində boğulan hər məzlumdan bütün müsəlmanlar məsuldur.

Ən mühüm məsələ İslam Birliyidir. İslam Birliyi olsa terror o andaca dayanacaq. Müsəlmanlara tətbiq olunan şiddət dərhal həmin anda dayanacaq.

Allah yaratdığı hadisələrlə hamiyəti İslamiyyəni hərəkətə keçirərək, zülm içində olan müsəlmanların vəziyyətini görməməzliyə vuran, veclərinə almayan müsəlmanlara lənət oxuyur.

Nəfsi ən ağır günahlarla ittiham etmək lazımdır. Münafiqliklə ittiham etməlisən, səhvlərlə ittiham etməlisən, dəlalətlə ittiham etməlisən. "Hər cür səhvi edə bilərsən" deyə nəfsə həmişə məlumat getməlidir ki, nəfs azğınlaşmasın, müsəlmanın tərsinə hərəkət etməsin.

Peyğəmbərimiz (s.ə.v) həmişə gözəl danışırdı, həmişə təvazökar davranırdı. Münafiqlər də həmişə lovğalıqla cavab verirdi, təkəbbür ardınca qaçırdılar.