Adnan Oktar A9 TV; 13 sentyabr 2016

Küfr əhlinin mövcudluğu möminin daha çox sevilməyinə vəsilə olar. Möminlər bir-birinin cəsarətini, əzmini, səmimiyyətini görüb bir-birlərini daha çox sevərlər.

Şeytanın və küfr əhlinin olması mömin üçün enerji vəsiləsidir. Sevginin kökündə də şeytana qarşı aparılan imani, mənəvi mübarizə var.

Din ictimai həyatı cənnətə döndərər. Hamilik sistemi var. Hər kəs hər kəsin anası, atası, qardaşı kimidir, hər kəs başqasına kömək etməklə məsuldur.

Allah dini həm zövqlü, həm də insan fitrətinə uyğun şəkildə yaradıb. Dinsiz həyat cəhənnəm kimidir. Lakin bəziləri dini cəhənnəmə döndərmək istəyir.

Sevgisizlik hər cür xəstəliyə zəmin hazırlayar. Bədən sevgisizlikdən çökər. Sevgisizlik istəyərək bəlanın içinə girməkdir. İmanla, sevinclə hüzur içində yaşamaq varkən sevgisizlik bəlasını seçirlər.

Allah müsəlmanları bolluq, bərəkət, sevinc içində yaşadar.

Rəqs, musiqi, əyləncə, sevinc, söhbət, hamısı İslamdadır. İslamın yaşanmadığı heç bir yer olmaz. İslam həyatın hamısıdır, İslam hər yerdə yaşanar.

Bəziləri müsəlmanların aciz olduğuna qənaət gətirib. Hər kəsi aciz, özlərini də tək ağıllı insan zənn edirlər. Müsəlman çox ağıllıdır.

Müsəlmanlara mənəvi cəhətdən elə təzyiq göstəriblər ki, dində olmayan qaydalarla sanki zehinlərini dondururlar. Musiqi, incəsənət, gülmək, şən olmaq, həyat dolu olmaq potensial cinayət kimi göstərildiyi və özlərini də potensial günahkar gördükləri üçün hər yerdə aciz mövqedə olurlar. Qurana tam tabe olan müsəlmanlar ziyalı, keyfiyyətli, özünə inamlı və çox ağıllıdır. Acizliyi heç bir müsəlman əsla qəbul etməməlidir.

Sevgini, ehtirası yaşaya bilməyənlər müsəlmanların arasındakı sevgini və ehtirası başa düşmürlər.

Müsəlman Allahın ruhu ilə, Allah sevgisi və Allah qorxusu ilə sevər və nəticəsində də gözəl əxlaq, sevgi və ehtiras ruhuna sahib olar.

Müsəlman hər zaman cənnət gözəlliyində olmalıdır. Qadın və kişi həmişə yaraşıqlı, baxımlı, təmiz və nəcib olmalıdır. Allah Əraf surəsinin 31-ci ayəsində; "Ey Adəm oğulları, hər məscid yanında zinətlərinizi taxın. Yeyin, için və israf etməyin. Çünki O, israf edənləri sevməz" deyə bildirir.

Türkiyə dünyanın sevgi mərkəzi olmalıdır, sevgi müəllimlərinin məktəbi olmalıdır. Mərhəməti, şəfqəti, sevgini, dostluğu, qardaşlığı, yaxşılığı, gözəlliyi, təmizliyi dünyaya biz anlatmalıyıq.

İffət, ağıl, ədəb, dərinlik, ehtiras və sevgi qadını heyrətamiz dərəcədə gözəlləşdirər. Bunların hər biri qadının bəzəyidir. Qadınları ən çox yoran sevgisizlik olur. Sevgisizlik sanki bütün hüceyrələrini öldürür.

Qadının gözəl, cazibədar və cəlbedici olması cinayət də deyil, günah da deyil. Fitrəti pozmaq səhv olar. Qadın qadına, kişi kişiyə bənzəməlidir. Kişi istədiyi kimi yaraşıqlı, qadın istədiyi kimi baxımlı və cazibəli olar. Mühüm olan iffətli olması, hörmət edilməsi, dəyər verilməsidir.

Bəziləri İslam Birliyini istəməyən, məzlumları qorumağa çalışmayan, əzilməyə səs çıxarmayan bir müsəlman modelinin yaranmasını istəyirlər.

Tarix boyu çox kiçik topluluqlar çox böyük kütlələrə təsir ediblər. Yaxşı və gözəl insanlar sayca azdır və böyük kütlələri idarə edərlər. Allah hər dövrdə kiçik bir topluluğu dünyanın hidayətinə vəsilə etmiş, kiçik bir topluluğu qalib etmişdir.

Bəzi saxta alimlər Allahın insanı yaratdığı çini qab bənzəri palçığı haşa bəyənmirlər. Cahilcəsinə meymundan əmələ gəlmiş olmaq daha yaxşıdır deyirlər. Şeytan da insanın yaradıldığı palçığı öz aləmində bəyənməmiş, oddan yaradıldığı üçün cahilcəsinə özünü üstün görmüşdü.

Çətinliklər olmadan insanlar diqqətini Allaha yönəldə bilmirlər. Axırzamanın bu böyük çətinlikləri də insanların tərbiyəsi üçün zəruridir.

Allah imtahanı çox təfərrüatlı şəkildə yaradır. Mənfi hallar olmasa çox sabit həyat olar. Həyatı sabitlikdən çıxaran imtahandır.

Darvinizm Allahı inkar etmək üçün ortaya atılmış bir fəlsəfədir. Darvinizmi Quranla uyğunlaşdırmağa çalışmaq, boşuna çalışmaq deməkdir.

Əbdülhəmid dövründə darvinizmin Osmanlıda yayılmasından sonra ordunun mənəvi dayağı aradan qalxır, çöküş sürətlənir.

Quranda təkamül olduğunu iddia edən, təkamülə inanmayan Quranı inkar etmiş olar deyənlərin zehniyyəti Əbdülhəmid dövründən bu günə gəlmişdir.

Quranda təkamül yoxdur. Hər şey Allahın ol əmri ilə yaradılmışdır.

Əbdülhəmidin verdiyi ən böyük zərər Osmanlıda darvinizmin yayılmasını təmin etməsidir, daha sonra da ən böyük torpaq itkisi olmuşdur.