Adnan Oktar A9 TV; 26 fevral 2017

Qadının gözəlliyi heyranlıq yaradar. Gözəl qadın gördükdə heyvani hisslə hərəkət edilməz, hörmət və ehtiramla davranılar.

Qadın əleyhinə fəlsəfə, özü ruhən və fiziki cəhətdən problemli olan, qadına qarşı aciz tiplər tərəfindən dinə yerləşdirilmişdir. Qadını əzərək özlərini ucaltmağa çalışırlar. “Qadın cəhənnəmlikdir, potensial günah ünsürüdür” kimi xurafatlar həmişə bu problemli zehniyyətin məhsullarıdır.

Qadına şiddəti təşviq etmək böyük günah və şiddətli vicdansızlıqdır. Mövhumatçı sistemdə qorxunc qadın əleyhdarlığı və düşmənçiliyi hakimdir. Haşa qadınlara ağlı və dini yarımçıqdır demək, mövhumatçı sistemin ən qorxunc tərəflərindən biridir. Qadının varlığına belə dözə bilmirlər.

Qadınların baxımlı, gözəl, azad olmadığı hər yerə fəlakət gələr. Allah bəndələrinin azad buraxılmadığı ölkələrə bərəkət verməz.

Qadınlar çox nəfis varlıqlardır. İnsan baxmağa və sevməyə doya bilmir. İnsanların qadınların qiymətini bilməməsinə təəccüblənirəm.

Nəzakət, mədəniyyət, bilik, keyfiyyət artırılsa qadınlar hər yerdə istədikləri kimi geyinər və azad gəzərlər. Əvvəlcə layiq olduqları hörməti görmələri lazımdır.

Bəzi əxlaqsızlar qadın gördükləri zaman onu necə kədərləndirəcəklərini, necə faydalanacaqlarını düşünürlər. Qadın fövqəladə hörmətə layiq olan varlıqdır. Qadınların gözəlliyinə nail ola bilməməyin verdiyi həqirlik və qısqanclıqla təcavüzkarlıq edirlər. Doğru təhsil olsa qadına hörmət tam olar.

Qadının nəcibliyinə diqqət göstərərək, hörmət edərək tərif demək əhəmiyyətlidir. Qadın özü ilə ünsiyyətdə olanın keyfiyyətli və ağıllı olmasını istəyər.

Qadının gözəlliyi qadının zinətidir. Qadının gözəlliyini yox etmək qadını müəyyən mənada öldürməkdir. Qadının gözəlliyini təqdir etmək nemətdir. Qadının şərəfinə, iffətinə hörmət edərək gözəlliyini təqdir etmək lazımdır.

Qadın qarşısındakı insanın ağlına, dərinliyinə, şəxsiyyətinə və etibarlı olub-olmadığına baxar. Qadın Allah sevgisi axtarar, dostluq və şəfqət istəyər.

Qadınlar Mehdi dövründə çox azad olacaq, heç kim onlara qarışa bilməyəcək və narahat etməyəcəkdir.

İslama ən çox Mövhumatçılıq zərər verir. Mövhumatçılar sanki İslamla mübarizəyə girişmiş vəziyyətdədirlər.

Quranda qadının döyülməsinə dair hökm yoxdur. Qadını haşa aşağı, özlərini isə üstün hesab edənlərin zehniyyəti Qurana uyğun deyildir.

Avropanın İslam əleyhdarlığının təməlində mövhumatçılığın sevgisiz, incəsənətsiz, dözümsüz, nəzakəti zəif zehniyyəti var. Əlbəttə ki, Avropanın irqçi və müsəlmanlar əleyhinə olan münasibəti çox yanlışdır. Lakin mövhumatçıların da musiqidən, heykəldən, incəsənətdən nifrət edən münasibəti Avropadakı bu məntiqin zəmin qazanmasını təmin edir. Qadının döyülməsini söyləyən, anasının diz qapağını təhrikedici hesab edən, dekolte qadın gördükdə heyvani reaksiyalar verən zehniyyətdən Qərbin narahat olması haqsız səbəb deyil. Bu mədəniyyət pozğunluğunun düzəlməsi vacibdir.

Əgər İslam Quranda izah edildiyi kimi yaşansa dünya cənnətə dönər. Mövhumatçıların izah etdiyi heç nə Quranda yoxdur. Mövhumatçılığın məntiqi davam etsə, Allah qorusun insanlar tamamilə İslamdan uzaqlaşar. Bu təhlükənin tək həll yolu Quran İslamıdır.

Mövhumatçılıq ucbatından insanlar İslamı yaşadıqda həyatın bütün sevincini və gözəlliklərini itirəcəklərini zənn edirlər. Halbuki Quran İslamı yaşandığı zaman dünyanın bütün gözəllikləri insanın həyatında olar. İnsanlar həqiqi sevinc və xoşbəxtliyi tapar.

Türkiyəni İraq və Suriyadan betər edəcək fəlsəfi təhlükə mövhumatçılıqdadır. Buna görə də, bu mövzunun üzərində çox dayanırıq.

Mövhumatçılıq İslamı daxilən çökdürmək üçün xüsusi istifadə etdikləri modeldir. Mövhumatçılıq əleyhinə çıxan müsəlmanları gördükləri zaman oyunları puç olur. Həyat dolu, şən, baxımlı, cazibəli, ağıllı, nəzakətli, keyfiyyətli müsəlmanlar olduğunu gördüyü zaman bütün dünya İslama qaçaraq gəlir. Buna görə də bizim izah etdiyimiz Quran İslamı, İslamiyyətə qarşı olanların heç xoşuna gəlmir. Bütün sistemlərini təməldən elmlə dağıtmış oluruq.

Ziyalı, müasir Türkiyəni tam fərqli mövqeyə gətirməyə çalışanlar boşuna çalışırlar. Quran İslamı dünyaya hakim olacaq, mövhumatçılıq deyil.

Ənənəpərəst ortodoks sistem müəyyən mənada bataqlıq kimidir. Hər kəsi, hər şeyi içinə çəkib boğmaq istəyir. Bu dəhşət verici sistemə biz heç vaxt tabe olmayacayıq.

Bir tərəfdən darvinist təhsil, digər tərəfdən ənənəpərəst ortodoks təzyiq gənclərin sevincinin yox olmasına səbəb oldu. İkisinə qarşı da elmi tədbir almaq lazımdır.

Mövhumatçılıq dəccalın bir qoludur, digər qolu isə darvinist-materialist sistemdir. Biz izahatlarımızla bu iki bəlanın qarşısına sədd çəkdik. Bizim izahatlarımızdan sonra darvinistlərin təsadüf inancı zəiflədi.

İngiltərə dərin dövləti ənənəpərəst mövhumatçı sistemi var gücü ilə dəstəkləyir, çünki bu sistemin İslamı daxildən çökdürəcəyini bilirlər. Xurafat dolu bir İslam anlayışı yaratdıqları zaman hər kəs İslamdan uzaq dayanır, məqsədlərinə çox asan nail olurlar. Bu oyunu biz pozuruq.

Mövhumatçılıq İslamı daxilən çökdürmək üçün şeytanın planlaşdırdığı sistemdir. Dərin düşünməyi, yaradıcı gücü yox edir və insanları keyidir. Mövhumatçı sistemin insanları boğmasına imkan verməyək. Quranın şən, azad, istiqanlı, mehriban, gözəl ruhu ilə dünyanı cənnətə döndərək.

Türkiyə çətinliklərdən və böyük hadisələrdən keçəcək, dəccaliyyətin zülmü və verdiyi miskinlik bitəcək, bəşəriyyət oyanacaq inşaAllah.