Adnan Oktar A9 TV; 19 iyul 2016

Dəhşətli dərəcədə bir qardaşlıq, dostluq və həmrəylik duyğusu yarandı. Onsuz da mehdiyyət də budur. Mehdiyyətin ən mühüm məqsədi reallaşmış oldu. Ən zəruri məqsəd reallaşmış oldu.

Mehdi siyasət sahibi deyil. Mehdi mənəvi rəhbərdir. Qətiyyən siyasətə qarışmaz. Dünyanın sevgi müəllimidir.

Axirətdə bizim nə bilik səviyyəmizdə, nə də əxlaq anlayışımızda hər hansı dəyişiklik olmur. Sevgi anlayışımız, ehtiras anlayışımız necədirsə onunla gedirik. Buna görə də, bu təhsil, incə hadisələri görmə və analiz gücü çox əhəmiyyətli olur.

Sevgi çatışmazlığı dünyanı bürüyən ən böyük fəlakətdir. İqtisadi böhran, müharibələr kimi çox nəhəng bəladır sevgisizlik.

Yarı imanla yaşamağı qəbul etməmək lazımdır. İnsanlar anadan, atadan iman öyrənirlər, onu sonuna qədər davam etdirmə zehniyyətində olurlar. Bu cür olmaz; təhqiqi, çox güclü, dərin sevgiyə əsaslanan iman olmalıdır.

Dərin sevgi olmasa cənnətin mənası olmaz. Buna görə də, Allah dünyada çətin imtahan və köklü təhsil verir.

Mehdi, olduqca hüzurlu, mehriban, sevgi dolu insandır. Onun dövründə əsla qarışıqlıq olmaz.

Münafiq heç vaxt həqiqi sevgini bilməz. Sevgini yalnız təkəbbür üçün istəyər, yalnız etibar üçün istəyər, bu qədər.

Türkiyə dünyanın sevgi mərkəzi olmalıdır, sevgi müəllimlərinin məktəbi olmalıdır. Mərhəməti, şəfqəti, sevgini, dostluğu, qardaşlığı, yaxşılığı, gözəlliyi, təmizliyi dünyaya biz anlatmalıyıq.

Müharibə çətindir, döyüş çətindir, zülm çətindir. İnsanlara əzab çəkdirmək çətindir. Bunlar çox iyrəncdir. Sevgi, dostluq, qardaşlıq, rifah, zənginlik, bərəkət bunlar zövqlü və gözəl şeylərdir.

Allah bir gecədə ayrılıqları aradan qaldırdı, qardaşlığı öyrətdi. Bu, mehdiyyətin təməl mərhələlərindən biridir. Qardaşlıq mehdiyyət ruhudur.

Müsəlman ziyalı, müasir, hər düşüncədən olan insana hörmət göstərən, şəfqətlə yanaşan, hər kəslə dost olan rəftar göstərməlidir.

Mehdi deyildiyi zaman, düşüncələrində fərqli bir şey canlandıra bilərlər, Mehdi siyasətə əsla qarışmaz, siyasət bütün təşkilatlarıyla işləməyə davam edər. Mehdi yalnız sevgi, qardaşlıq, dostluq üzərində dayanacaq.

Lovğa üslub işlətmək nifrət yaranmasına səbəb olar. Bütün insanlara dindar və ya dinsiz hansı inanca sahib olsa da, bir atanın övladına duyduğu şəfqət kimi bir şəfqətlə yanaşmaq lazımdır. Qurana uyğun olan şəfqət, sevgi və ağıllı davranmaqdır.

Dini izah edən, lakin sevgini bilməyən, şəfqəti və mərhəməti yaşamayan insanlar yalnız din texniki işçisi olurlar.

İslam Birliyi dünya cənnətidir. Sülhün, qardaşlığın, sevginin olduğu, müharibənin və döyüşün olmadığı, incəsənət, gözəlliyin hər yerə hakim olduğu sistemdir.

Mən səhv yolda olan insanların daha pis yola getmələrini deyil, qazanılıb doğru yola gəlmələrini istəyirəm. Bunun üçün üslubum hər zaman şəfqətlidir, pisliyə belə yaxşılıqla cavab verməkdir. Tənqid etdiyim insanları alçaltmaq deyil, qazanmaq istəyirəm.

Həmişə əsil yol, ağıllı və şəfqətli davranmaq, hər kəsi qazanmağa çalışmaq olmalıdır.

Mehdiyyət siyasətə qarışmaz. Mehdi yalnız sevgi müəllimidir. Mərhəmət, şəfqət və ədalətin qabaqcılıdır.

Türkcəsini bildiyi halda yad sözlər işlədərək danışmaq, alicənab bir insanın üslubu deyil. Bu üslub, ruhən zəif olana təsir edər.

Müsəlmanın yaxşı bir şeyi varsa, eynilə o yaxşı şeydən qardaşının da sahib olmasını təmin edər. Özünün xoşuna gəlsə belə əvvəlcə mömin qardaşına verər.

Türkiyənin hədəfi torpaq genişləndirmək deyil, bütün İslam aləminin birləşməsi, bütün dünyaya sevginin, qardaşlığın gəlməsi, müharibələrin bitməsidir.

Hər kim məmləkət üstünlüyü iddia etsə səhv edər. Məsələn, biz ingilisdən üstünük, biz fransızdan üstünük, biz almandan üstünük demək olmaz. Hamısı hz. Adəm (ə.s)-ın övladlarıdır. İnsanlar fərd olaraq təqva ilə üstün olarlar. Bölgə ilə olmaz. Torpaq parçasıyla olmaz.

Bir fitnə varsa onu yatırmağa çalış. Bir insandan nə olacaq demə. Bir insanın çox böyük faydası olar. On insanın daha çox faydası olar. Gözəl nümunə olarsan.

Əzəmətli, eqoist, təkəbbürlü, “ziyalı”, lakin eyni zamanda da ədabaz bir üslub, insanları bəyənməyən bir üslub; bu bir ruh xəstəliyidir. Yəni münafiq xarakterli bir ruhun çirkidir. Buna görə də, bütün möminlər üçün bu cür hərəkətlərdən çəkinmək mühüm məsələdir.