Adnan Oktar A9 TV; 25 may 2016

Bizim inancımıza görə Quranla uyğun gələn elm, elmdir. Quranın dəstəklədiyi elm, elmdir. Qurana zidd olan elm müsəlman üçün etibarlı deyil.

Münafiq özünü yüksək gördüyü üçün, möminləri ağılsız və zəif imanlı zənn edir. Möminlərin asi olmaması, həyasız olmaması, təcavüzkar olmaması, oyunbaz və ya yalançı olmaması münafiqə qəribə gələr.

Münafiq həyasız, əxlaqsız, şərəfsiz olduğu üçün möminlərin özünə bənzəməməsi onu qəzəbləndirər. Həmçinin müsəlmanlardan buna görə nifrət edər. Onları həmişə ağılsız görər, özünü çox ağıllı görər. Bu, şeytandan aldığı ilhamdan qaynaqlanar.

Bir elm Qurana əsaslanmırsa elm deyil, o, heç nə deyil. Quran onu təsdiq etmirsə, o elm deyil.

Münafiqin hədəfi həmişə boşdur. Boş düşüncələrlə, boş məlumatlarla məşğul olar, boş şeyləri oxuyar, təqib edər, sonunda da cəhənnəmin dibinə düşər. Mömin həmişə hikməti, əsas olanı, həqiqi məlumatı axtarar. Quranla uyğun olan məlumatı axtarar.

Həya mömində olar, münafiqdə həya olmaz. Olduqca arsız və utanmazdır. Mömində xəcalət hissi var, həya var. Münafiqdə insani heç bir incəlik və ifadə olmaz. Sifətində, davranışında heyvani ifadə olar.

Peyğəmbərimiz (s.ə.v) həmişə gözəl danışırdı, həmişə təvazökar davranırdı. Münafiqlər də həmişə lovğalıqla cavab verirdi, təkəbbür ardınca qaçırdılar.

Mömin vəlayət məqamını münafiqlər sayəsində alar. Peyğəmbərlərin dərəcələri münafiqlərə səbir və onlarla mübarizə sayəsində yüksələr. Zehni açar münafiq, mübarizə əzmini artırar, şövqü artırar, müsəlmanın çox diqqətli və gözüaçıq olmasını təmin edər.

Münafiq möminin çox gözüaçıq, diqqətli və çox etinalı olmasını təmin edər. Üfqünü açar. Mömin necə mübarizə aparacağını daha yaxşı görər, riski daha yaxşı qavrayar. İslamın, Quranın qiymətini daha yaxşı anlayar. Müsəlmanlara olan sevgisi daha artar.

Münafiq möminə güc verər, çeviklik verər, üfüq genişliyi verər. Başqa cür olduqda, mömində miskinlik olar, zəiflik olar.

İnsanı görünüşünə görə mühakimə etmək çox alçaldıcı və əxlaqsız hərəkətdir. Bunu edənlər təkcə xalqın nifrətini qazanırlar.

Terrora və şiddətə hər cəhətdən qarşı bir insanam. Mübarizə təkcə sülh, sevgi, elm və irfanla olar.

Biz “Allahım elmimi artır!” deyə dua etməklə məsuluq. Elmin sahibi Allahdır. Mömində əsla müstağniyyət olmaz.

İngiltərə dərin dövlətinin ən hiyləgər siyasətlərindən biri cahil, ədəbi az olan təbəqələri asanlıqla hiddətləndirib təhrik etməkdir. Cahil insanların hərəkətləri əksəriyyətlə özlərinə zərər verən hala dönər. İngiltərə dərin dövləti bu təbəqələrin duyğularını təhrik etməyi çox yaxşı bilir. Bu kəslərin həssas olduğu mövzuları gündəmə gətirib küçəyə tökür, zorakılıq hadisələri yaradır, sonra da əzirlər. Yaxın Şərq xalqının çoxunun ağıllı davranmayacağını bilib romantikliyindən istifadə edir, necə təhrik edib yönləndirəcəklərini yaxşı hesablayırlar.

Ağlı zəiflər münafiqlərin əxlaqsızlığını diaqnoz edə bilmədikləri üçün cahil şərhlər verirlər. Mömin Qurana görə şərh edər.

Münafiq cahil üslubu ilə danışar, bu cahil üslubunu görən bəzi cahillərə bu çox təsir edər. Münafiq Peyğəmbəri müqəddəs görməməyi cahil olanlara aşılayar. Münafiqin cahilanə, axmaqca və hörmətsiz danışıqları cahil və şəxsiyyətsiz insanlara çirkin cəsarət verər. Bunlar əsasən Peyğəmbəri zehnində bütləşdirərək ucaltmış olduğundan, ağılı güclü olmadığından dərhal Peyğəmbərlə əlaqəsi qopar və münafiqlərin tərəfinə keçərlər.

Münafiqlər müsəlmanların dəyərini artıran məxluqdurlar. Münafiqlərin olmamasını istəmək imtahanın olmamasını istəməkdir. Mömin Cənnət dərəcəsini münafiqlər və küfr əhlinin hücumları ilə qazanar. Taifdə Peyğəmbərimiz (s.ə.v)-i daşlayan cahil alçaq münafiqlər Rəsulullah (s.ə.v)-in Cənnətdəki məqamını ucaltmışdır. Peyğəmbərimiz (s.ə.v) çox soyuqqanlı və təvəkküllüdür maşaAllah, 2,5 km əndişələnmədən yerimişdir.

Peyğəmbəri mistik varlıq kimi görmək istəyənlər cahil əxlaqdan əl çəkməyənlərdir. Münafiqlər də bu ağlı zəif insanlardan istifadə edərlər. Peyğəmbəri mistik varlıq kimi görən və ağlı zəif olana, münafiqlərin Peyğəmbər haqqındakı böhtanları çox tez təsir edər. Məsələn; "Məhəmməd də bizim kimi insandır, niyə ona tabe oluruq?" deyirlər. Bu cahil olanlara dərhal təsir edir; "həqiqətən bunu heç düşünməmişdik, o da bizim kimi insandır, niyə ona itaət edək" deyirlər, dərhal Quranın məntiqindən uzaqlaşırlar. Belə zəif olan insanları Quranla tərbiyə etmək əhəmiyyətlidir.

İnsanların paltarlarına müdaxilə etmək lazım deyil. Hər kəs istədiyi kimi geyinər, kiminsə geyimi başqasını maraqlandırmamalıdır. İnsanların paltarlarına deyil, cahilliyinə qarışmaq lazımdır. Yəni cahilliyi aradan qaldırmağa cəhd göstərmək lazımdır.

İnternetə limit olsa, adamın əlindən kitabı götürmüsən, adam kitabxanaya gedir, qapının qarşısında dayanmısan, eyni hərəkət olar. İmkan yaradın, millət məlumatını, mədəniyyətini artırsın, limit və s. bunların hamısı aradan qalxsın.

Elmsizlik kommunizmi, faşizmi, vəhşi kapitalizmi gətirər. Mədəni, məlumatlı bir adam o yollara girməz. Çünki elmi görsə Allahın sənətini görər. Allahın sənətini görsə Allaha aşiq olar. Allaha aşiq olan Allahdan qorxar, Allahı sevər. Qurana tabe olar. Dünyanın ən mükəmməl, ən yaxşı insanı olar, inşaAllah.

Kommunizm ancaq elmi mübarizə ilə məğlub edilər. Dünyanın heç bir yerində kommunizmi güc yolu ilə dayandıra bilmədilər.

Türkiyədə hər yerdə naqilsiz, havadan internet tətbiqi limitsiz olsun. Cəmiyyətdə informasiyanın artması çox əhəmiyyətlidir. Savadı olmayan cahil bir cəmiyyətdə demokratiya olmaz.

Bədiüzzamanın diqqət çəkdiyi 2010-cu ili, Mehdi (ə.s)-ın ən canlı fəaliyyət göstərdiyi illərdən biridir.

Allah dərin imana baxar, Onu çox sevirmi, sevmirmi? Dərin imanla iman edirmi, etmirmi? Təkcə buna baxar. Bu varsa tamamdır, başqa şeyə ehtiyac yoxdur.