Adnan Oktar A9 TV; 20 iyun 2017

Yaşlılıq imtahan cəhətdən daha çətindir, lakin dəyərlidir. Yaşlılıqdakı savabın nemətini yaxşı bilərək yaşayan insan gözəl ruh qazanmış olar.

İstirahətlə, məkan dəyişdirməklə xoşbəxtlik olmaz, həyatın dəyişməsi ilə xoşbəxtlik olar. İslama, dinə xidmət edən ən mükəmməl istirahət etmiş olar.

İnsanlar ağılla, sevgi ilə, məhəbbətlə, eqoistlikdən xilas olmaqla xoşbəxt olar.

Türkiyə, Misirdə bütün xalqı qucaqlayacaq, hamısının xilas olması üçün səy göstərəcək bir siyasət aparsa çox gözəl olar. Misirdə edam növbəsi gözləyən gənclərin xilas edilməsi Türkiyənin prioriteti olsun. Bu da Misirdəki bütün təbəqələrə sahib çıxmaqla mümkün olar.

Quranın qaydalarından kənar cəmiyyətin insanları əzən süni qaydalarını ləğv etmək lazımdır. O zaman hər kəs çox azad olar.

Cəmiyyətin bəzi qanunları insanları mərhəmətsizcə əzir. Quranın gözəlliyi ilə yaşamır, şirk sisteminin bir-biri ilə ziddiyyət təşkil edən fəlsəfəsi ilə boğuşurlar.

Səbir dözüm deyil. Dözüm şirk olar. Səbir yaşadığın hadisəni gözəl görərək edilən ibadətdir.

Şirkdən fayda təmin edəcəyini düşünən mütləq bəla və uğursuzluqla qarşılaşar. Allahdan deyil, insanlardan ümid etmək o insanı bütləşdirməkdir. Allahın yerinə haşa başqa insanları və ya əşyaları büt qəbul edən bu bütün altında əzilər. Allah mütləq uğursuzluq verər.

İnsan, hər şeyi Allahın etdiyini bilsə, şirkdən Allahın icazəsi ilə xilas olmuş olar.

Peyğəmbərimiz (s.ə.v)-in vəfatından bir müddət sonra İslam əslindən uzaqlaşıb şirk dininə döndü, bu şirk dini getdikcə inkişaf etdi və İslam aləmi şirkin içində boğulan oldu. Dəccaliyyətin işi o qədər asanlaşdı ki, müsəlmanların əlindən elmi, incəsənəti, sevinci, həyatı aldı və asanlıqla əzdi. Biz də Qurana görə İslamda bunların hamısının qanuni və doğru olduğunu göstərdik.

Ənənəçi ortodoks sistem olduğu zaman insan beyni inkişaf etmir. Mühakimə qabiliyyəti pozulur, incəsənət gücü də qalmır. Bu sistemin xüsusiyyətlərindən biri, qadağandır deyə elan etdikləri şeyləri özlərinin tətbiq etməsidir. Şirk sistemində səmimiyyət yoxdur. Şirk sistemində yaşayanların demək olar ki, hər anlarında hörmətsizlik olar, insanlara qarşı kobud, qatı və mərhəmətsizdirlər.

Quranda zorakılıq yoxdur. Vəhşilik və dəhşət şirk dinində, xurafat dinində vardır.

İslamı fiqh və hədis kitablarından öyrənən və Quranı oxumamış, dərk etməmiş bəzi qardaşlarımız Quran müsəlmanlığını görəndə çox təəccüblənirlər. Quran müsəlmanlığını anlamayan qardaşlarımıza şəfqətlə yanaşmaq lazımdır. İlk başda Quranın kafiliyini qəbul etməkdən çəkinə bilərlər. Çünki şirk dininin çətinliyi, qarışıqlığı Quranda yoxdur. Qurandakı İslam asandır. İslamın asan olması şirk dininə alışanları təəccübləndirər.

Türk dövlətləri və bütün İslam ölkələrinin birləşdiyini görəcəyik inşaAllah. Qardaşlıq, sevgi və dostluq üçün birləşəcəklər.

Qurana görə Allahın inkar edilməsi böyük zülm və nankorluqdur.

İnsanlara həmişə şəfqətlə yanaşmaq lazımdır, hamısına doğrunu ağıllı şəkildə izah etmək lazımdır. O zaman bir çox insan doğruya sevə-sevə gələr.

Təkfir müsəlmanları əzmək üçün şeytanın ortaya atdığı tələdir. Allah təkdir, hz. Məhəmməd Onun Rəsuludur deyən hər insan müsəlmandır.

Ərəblər, türkmənlər, kürdlər, bizim üçün hamısı birdir. Hamısı bizim qardaşımızdır.

Əyləncəni, gözəlliyi, azadlığı təkcə kişilərə layiq görən zehniyyət çirkindir. Bu zehniyyət qadınları ikinci təbəqədən hesab edir, biz buna icazə verməyəcəyik.

Qadın düşmənçiliyi, qadınların istədiyi kimi yaşaya bilməməsi çox qorxuncdur. Bütün insanların azad və rahat yaşaması əsas olmalıdır. Qadına baxan insan, çiçəyə, incəsənət əsərinə baxırmış kimi qoruma hissi, sevgi və hörmətlə baxmalıdır.

Allah Özünü sevəni sevər. Allah Özünə yaxınlaşana daha da çox yaxınlaşar.

Şeyx Nazım Kıbrısi həzrətlərinin övladları çox dəyərli insanlardır. Onlar bizə Sultanımızın əmanətidir, hər biri bizim üçün çox dəyərlidir.

Gözəl əxlaqlı qadının sevgisi və sədaqəti çox güclüdür, sevdiyi üçün hər fədakarlığı gözə alar.

Heyvanlara sevgi göstərildikdə daha da çox gözəlləşirlər, hərəkətləri də gözəl olur.

Şans Allahın taledə o insana məxsus yaratdığı imkanlar və ya çətinliklərdir. Kortəbii təsadüf mənasında olan şans yanlışdır. Hər şey taledədir.