Adnan Oktar A9 TV; 18 iyun 2016

Musəvilərlə köməkləşərək diplomatiya sahəsində müvəffəqiyyətli nəticələr əldə edə bilərik. Ortodoks müsəlmanların hər kəsə qarşı çıxma düşüncəsi bərəkətsizlik gətirir. Bütün dünyaya dostluq və sevgiylə yaxınlaşmalıyıq.

Ənənəvi ortodoks sistemin musəvi düşmənçiliyini qane etmək üçün yanlış siyasət izləndi və bu da Türkiyəyə bərəkətsizlik, uğursuzluq gətirdi, Türkiyəni yalnız qalmasına gətirdi.

Müsəlmanların təşkil etdikləri iftar məclislərinə xristian və musəviləri dəvət etmələri çox gözəl olar.

Dünyəvilik İslamda var. "De: Sizin dinininiz sizə, bizim dinimiz bizədir" hökmü dünyəviliyin çox qısa xülasəsidir. Dünyəvilik dinsizlik şəklində tətbiq edildiyi zaman, burada bir səhv olur. Yoxsa xristian sərbəstdir, musəvi də sərbəstdir, dinsiz də sərbəstdir, dindar da sərbəstdir. Hamısı inanclarına uyğun yaşayarlar. Xristian kilsəyə gedər, müsəlman məscidə gedər, istədikləri kimi ibadətlərini yerinə yetirərlər. Dünyəvilik budur.

Deyirlər ki; "Mehdi gözləmək tənbəllik yaradar". Musəvilər dünyanın ən çalışqan millətidir. 3500 ildən bəri hz. Mehdi (ə.s)-ı, Moşiyahı gözləyirlər.

Hökumət Türkiyədə İsrail əleyhdarlığını tamamilə aradan qaldıracaq münasibət göstərməlidir. Yəhudi sevgisi, yunan sevgisi bütün Türkiyədə hakim olsun. Onlar bizim öz övladlarımızdır, bizdən ayırdılar onları və bu süni ayrılmadır.

Mehdini gözləmək ətalətə sövq etməz. Əksinə Mehdini gözləyən ölkələr ən şövqlü, ən müvəffəqiyyətli, ən çevik ölkələrdir. Musəvilər 3500 ildən bəri Moşiyah Mehdi gözləyərlər, dünyanın ən çalışqan millətidirlər. Heç bir şəkildə də tənbəlliyə də sövq etməmişdir. Əksinə şövqləndirmiş, müvəffəqiyyətli və çevik olmalarını təmin etmişdir.

Allah Kitab əhlindən kütləvi nifrət edilməsini söyləmir, tam əksinə Kitab əhlinə şəfqətlə və dostcasına yaxınlaşmağı söyləyir.

Masonlar, tampliyerlər başda olmaqla bütün qruplar, xristianlar, musəvilər, müsəlmanlar və bütün iman gətirənlər Mehdini gözləyirlər.

Xristianlara və musəvilərə şəfqətlə yanaşmaq Allahın Quranda göstərdiyi bir yoldur.

Musəvilərin minlərlə ildir ki, saçlarını həmişə bir növ yağ və ya parlaqlıq verən bir maddə ilə məsh etmələrinin səbəbi Mehdini xatırlamaqdır.

Musəvilər peyğəmbər nəslindən gələn insanlardır. Peyğəmbər nəslindən olan insanlara kütləvi şəkildə nifrət bəsləmək Qurana uyğun deyil.

Allah sinaqoqları qorumağımızı bizə Quranda bildirmişdir. "Musəvilərlə evlənə bilərsiniz" demişdir, onları qorumağımızı söyləmişdir. Mən də Qurana görə məzlum musəviləri müdafiə edərək, sinaqoqları qoruyaraq Allahın əmrini yerinə yetirirəm.

İslam dini tək olaraq yaşanmaz. Musəvilik və xristianlıq da belədir. Din camaat halında yaşanar. Quranda möminlər həmişə birlikdir. Allah ayrılıb parçalanmayın deyə buyurur. Müsəlmanların elmi mübarizəsi birlikdədir, zəkat birlikdədir, müsəlmanlar camaat halında dini yaşayar.

Kitab əhlinə gavur deyilməz, bu çox çirkin sözdür. Allah xristianlar və musəvilərin Kitab əhli olduğunu bildirmişdir.

Fələstində dövlət yaradacaq sayda musəvi və torpaq yox idi, lakin Əbdülhəmid qanun çıxartdı və 36 yaşayış məntəqəsinə musəviləri yerləşdirdi. Əbdülhəmid dövründə Fələstində yaşayan musəvilərin sayı 3 qat artdı ki, bu çox gözəldir.

İsrail Mehdi gözləyir, Evanqelistlər, musəvilər həmişə Mehdi gözləyirlər və dünya hakimi olurlar. Mehdiyyət əleyhinə olan ölkələr də əzilirlər.

Musəvilər, xristianlar, evanqelistlər həmişə hz. Mehdi (ə.s)-ın gəlişini gözləyirlər, bütün səhih hədis kitablarında mehdiyyət mövzusu qeyd olunur.

Rumların, musəvilərin varlığı gözəllikdir. Onlar da bu ölkənin bəzəyidir, hamısı bizim qardaşımızdır. İslam ölkələrində musəviyə rast gəlmək demək olar qeyri-mümkündür. Halbuki hər yerdə olsunlar, hər yerdə rahat yaşasınlar.

Küfrdə azadlıq yoxdur. İslamda azadlıq var. Fironda, Nəmrudda azadlıq yox idi, lakin Rəsulullah (s.ə.v) dövründə azadlıqlar tam idi. Xristianlar da, musəvilər də sərbəst idi. Həmçinin sevgi, şəfqət, diqqət və qayğı görürdülər. Hər mövzuda qorunub himayə olurdular. Lakin Firon hər kəsi əzirdi.

İslam Birliyində xristianlar, musəvilər, dinsizlər, hər kəs yer alacaq. Hamısı güvən və hüzur içində yaşayacaqlar.

Musəvilər vahid Allaha iman gətirən, incəsənətə, keyfiyyətə, nəzakətə əhəmiyyət verən, minlərlə ildir ki, hz. Musaya sədaqət göstərən gözəl insanlardır. Müsəlmanlarla musəvilərin arasının dəyməsini istəyən şeytandır. Düşünmədən kor-koranə musəvi düşmənçiliyi etmək Qurana uyğun deyil.

Musəvi qaynaqlara görə, Moşiyah, yəni Mehdi bütün dünyanı yenidən quracaq və beləliklə insanlar Allaha birlikdə xidmət edəcəklər.

Musəvi mənbələrə görə, hz. Mehdi xaraketrcə ən çox hz. Musa (ə.s)-a bənzəyəcək, zarafatcıllığı isə hz. Süleyman (ə.s)-a bənzəyəcək.

Allahın musəviləri lənətlədiyi Qurana uyğun inanc deyil. Allah o dövrdə cinayət törətmiş, zülm etmiş olanları lənətləmişdir.