Adnan Oktar A9 TV; 3 Mart 2013

Namazı çətinləşdirmək fanatik düşüncənin bir oyunudur. Namaz heç bir şəkildə tərk edilə bilməz.

Gözəl olan İslam Birliyidir, qardaş olmaqdır, hər kəslə qucaqlaşmaqdır. Düşmənimiz qalmasın. Düşmən insana çətinlik verər, böhrana salar. Dünyada düşmənimiz qalmasın. Düşmənimiz təkcə şeytan olsun. Dəccaliyyəti elmlə, mədəniyyətlə yox edək, qardaş olub, gözəl şəkildə yaşayaq.

Öcalan tövbə edib özünü Allaha təslim etsin, Quran oxusun, namazlarını qılsın, axirətə hazırlıq etsin və İslam Birliyini istəsin. Edə biləcəyi ən yaxşı şey bunlardır.

Dəccal, şeytan eyni varlıqlardır. Çünki şeytan insan surətinə girir, o şəkildə dəccal olaraq insanların qarşısına çıxır. İnsanlar onu normal insan zənn edir. Halbuki, şeytan normal olaraq insi şeytandır.

Allaha aşiq olsan, coşğu dolu sevgini dadsan, cənnətin torpağını belə öpərsən. Hər şey sənin üçün çox gözəl olar və sonsuza qədər də bezməzsən.

Monotonluq, keyfiyyətsizlik gözəl deyil. Estetikadan uzaq bir quruluşun yayılması qorxuncdur. İnsanlar, evlər, avtomobillər, hər şey təmiz və baxımlı olmalıdır.

MaşaAllah, inşaAllah. O qidasıdır dünyanın. Maddənin qidasıdır. Maddə o zikri eşitdikcə İslam Birliyinə qarşı halal hala gələr, uyğun hala gələr və maddə oraya görə istiqamətlənir. MaşaAllah, inşaAllah zikrinə görə İslam Birliyi qapıları açılar və açılır.

Müsəlman namaz qılmasıyla peyğəmbər (s.ə.v)-ə bənzəyər, oruc tutması ilə peyğəmbər (s.ə.v)-ə bənzəyər. Sevgisi ilə, məhəbbəti ilə peyğəmbər (s.ə.v)-ə bənzəyər, mərhəməti ilə peyğəmbər (s.ə.v)-ə bənzəyər. Bənzəməyə çalışar. Tam mənası ilə bənzəməsə də bənzəməyə çalışar. Amma əsas xəttləri ilə bənzəyər. Cihadı ilə, təbliğ etməsi ilə bənzəyər.

Müsəlmanın izzəti-nəfsi vardır, şərəfi vardır, qüruru vardır. Söydürməz özünü. Müsəlmanları söyülməyə alışdırmağa çalışırlar. Bunu qəbul etmərik. Belə bir şey olmaz.

Bəzi fanatik düşüncədəki insanlar, həyatı darlaşdırıb müsəlmanlığı yaşanmaz hala gətirirlər.

Ediləcək ən gözəl şey, İslam Birliyinin həyata keçirilməsidir.

Hökumətimiz internet istifadəsini ödənişsiz və limitsiz hala gətirsin. Bu millətimizin mədəni inkişafı baxımından çox əhəmiyyətlidir.

Qurana əl vurmağa qoymurlar, namaz qıldırmırlar, küçəyə çıxa ına əziyyət etməkdən əl çəkin. Qadına sevgi, hörmət göstərəcəksiniz, nəzakət göstərəcəksiniz. Siz necə azadsınızsa qadın da azaddır.

Namaz şərtdir, müsəlmanın ayrılmaz parçası namazdır. Namaz müsəlmandan qopa bilməz. Müsəlmanla namaz bitişikdir, birlikdə nəfəs alıb vermək kimi, ürək döyüntüsü kimidir. Allaha təşəkkür etmədən yaşanarmı? Allaha sevginin ifadəsi, təşəkkürün ifadəsidir.

Zorla, məcburən namaz qıldırmaq olmaz. Məcburi örtülü geyim geyindirmək, zorla bir insanı hər hansı inanca istiqamətləndirmək olmaz. Hər kəsin fikrinə hörmət etmək lazımdır.

Xurafatçılar qadınların həyatlarının yarısında namaz qılmayacaqları bir sistem meydana gətirmişlər.

PKK-nın istədiyi Türkiyəni mənəvi cəhətdən məhv etməkdir. Terror təşkilatının, kommunistlərin əsas məqsədi insanları ağlayan, əzab çəkən, qəmgin, pərişan, ümidini itirmiş hala salmaqdır. Buna icazə vermək olmaz.

MÜSƏLMANLAR CƏHD ETSİNLƏR, ZƏNGİN OLSUNLAR, HAMISINI ALLAH YOLUNDA XƏRCLƏSİNLƏR. Müsəlman varlı olsun. Çox qazansınlar, amma varlanıb xidmət edərkən bəzən bəzi ağlı zəiflər bunun öhdəsindən gələ bilmirlər. Bu hala düşməkdən ehtiyat etmək lazımdır.

Mehdiyyətin, İsa Məsih (ə.s)-ın və Mehdi (ə.s)-ın dəstəyini alan bir hərəkət mütləq müvəffəqiyyətli olar.

Bütün mehdilərə, peyğəmbərlərə lağ edilmişdir. Amma Allah ayədə deyir: "istehza etdikləri əzab onları bürüyəcək". Onlar axmaqlıqlarına görə sonda məğlub olurlar. Peyğəmbərə, mehdilərə lağ etmək axmaqlıq əlamətidir. Axmaqlığın 101 əlamətindən biri də peyğəmbərlərə lağ etməkdir. Axmağın xeyli əlaməti vardır.

Quranda mehdiyyət ən incə təfsilatına qədər izah edilmişdir. Mehdi (ə.s) harada qalır, nə edəcək, bütün incəliklərinə qədər vardır, diqqətlə baxan hamısını görər.

Qardaşlarımız namaza sevinclə qalxsın. Nə gözəl, qalxdığımızda tərtəmiz dünya görürük. Səhər yerindən iflic də qalxa bilərsən. Qalxarsan ayağın yer tutmaz, ağzın əyilmiş vəziyyətdə ola bilər. Yaxud qalxdığında cəhənnəmə getmiş də ola bilər. Nə gözəl, Cənab Allah məmnuniyyətlə, bərəkətlə oyandırır.

Mehdi (ə.s) kimsəsiz, sakit bir yerdə qorunacaq. İsa Məsih də təhlükəsizliyi baxımından də kimsəsiz bir yerdə məskun olacaq. Məkanı səs-küylü, hərəkətli bir yerdə olmayacaq.

Cənabı Allah deyir:"Hər nəfs ölümü dadacaqdır". Bir “bal kimi dadmaq” var, gözəl ətir verilərək, gözəlliklə, iltifatlarla, məmnuniyyətlərlə, cəsarətləndirərək, Allah xatırlanaraq, təkbirlərlə gözəl şəkildə can alınması var. Birdə sillə ilə, yumruqla, qaranlıq içində süründürülərək, alçaq, rüsvay edilərək can alınması var. Allah bizləri gözəl canı alınan möminlərdən etsin. Can gözəl alınsa onsuz da cənnətə zəmanət verilir, inşaAllah.

Dünya imtahan dünyasıdır, bir qapıdan girilib, bir qapıdan çıxılır. Hamımız o şərəfə, gözəlliyə çatacağıq, inşaAllah. Rəbbimizin qatına çıxacağıq. Cənabı Allah bildirir ki, hər nəfs ölümü dadacaq. Bir “gözəl dadmaq”, bir də “ağrılı dadmaq” var. Allah gözəl dadanlardan olmağı nəsib etsin.