Adnan Oktar A9 TV; 4 mart 2017

İslama ən çox Mövhumatçılıq zərər verir. Mövhumatçılar sanki İslamla mübarizəyə girişmiş vəziyyətdədirlər.

Qorxunc bir dünya istəyirlər. Quranın ağıllı, sevgi dolu, mərhəmətli, keyfiyyətli, ziyalı, azad dünyasından uzaq tamamilə azğın bir dünya yaradırlar.

Mövhumatçı zehniyyətin qadına olan baxış prizması çox azğın dünya anlayışının yaranmasına səbəb olur. Bu, insanları İslamdan uzaqlaşdırır. Mövhumatçılığın ortaya qoyduğu dəhşət dünyasından xilas olmaq üçün Quranın izah etdiyi həqiqi İslama sarılmaqdan başqa yol yoxdur.

İslam, sevgi, sevinc və hüzur dinidir, insan fitrətinə uyğundur. İslamı sevinci yox edən, incəsənəti öldürən məntiqə döndərənlər mövhumatçılardır.

Müsəlmanı tənqid edərkən Quran ayəsi ilə danışmaq əhəmiyyətlidir. "Mənim məntiqimə görə" deyil, "Qurana görə belə olmalıdır" deyilməsi lazımdır.

Paleontologiya elmdir, darvinizm isə xurafatdır. Fosillərdən dərslərdə bəhs edilsə, darvinizm bitər. Darvinizmi sübut edəcək tək bir dəlil yoxdur. Darvinizm elm deyildir, demaqoqluq ilə darvinizmi qəbul etdirə bilməzlər. Darvinizm kommunizmin təməli olan xurafatdır, batil inancdır.

İnsanlar Allahı sevmək əvəzinə özlərini sevməyə başladıqları zaman Mehdi gələcək və insanlara Allahı sevməyi və Qurana tabe olmağı öyrədəcək.

Qadına şiddəti təşviq etmək böyük günah və şiddətli vicdansızlıqdır. Mövhumatçı sistemdə qorxunc qadın əleyhdarlığı və düşmənçiliyi hakimdir. Haşa qadınlara ağlı və dini yarımçıqdır demək, mövhumatçı sistemin ən qorxunc tərəflərindən biridir. Qadının varlığına belə dözə bilmirlər.

Çox saylı xurafatla dini yaşana bilməyəcək hala gətiriblər. Əyləncə, musiqi olan hər yerdə din olar, hər yerdə Allah zikr edilər.

Xurafatlar ilə müsəlmanlığı ola biləcək ən ürküdücü hala gətiriblər. Gülməyi, zarafatlaşmanı belə qadağan ediblər. Şeytan acı bir oyun oynayıb.

Türkiyənin 99%-də müasir, ziyalı müsəlman dünyagörüşünün hakim olmasına biz vəsilə olduq. Mövhumatçı sistemin yaşanılmaz olduğunu hər kəs gördü.

Qurana tabe olduqda sevginin qarşısında heç bir maneə qalmaz. Quran insanlara Allah sevgisini və Allah üçün bütün varlıqları sevməyi öyrədər.

Qurandan kənar müsəlmanlıq qəbul edildikdə ortaya İngiltərə dərin dövlətinin dəstəklədiyi batil radikal azğın cərəyanlar ortaya çıxır.

Qurandan kənar din anlayışının hər cəhəti fəlakətdir; gülmək, rəqs etmək, rəsm əsəri, heykəl, musiqi, qadınların çölə çıxması, uşaqların şort geyməsi qadağandır. Saqqal kəsməyin, namaz qılmamağın cəzası ölümdür. Bunların heç biri Quranda yoxdur. Quranda olmayan din dünyanı cəhənnəmə döndərir.

Allah dəstəmazı bir ayədə izah edir və çox asandır. Mövhumatçılar isə dəstəmaz üçün 600 səhifə kitab yazırlar, üstəlik hər məzhəbə görə də fərqlidir. İnsanlar da buna baxıb mən dəstəmaz alıb namaz qıla bilmərəm deyirlər. Qurandan kənar din anlayışı insanları İslamdan soyudur.

Qadının döyülməsini müdafiə edən, incəsənətin qadağan olmasını, gülmənin, sevincin haram olduğunu söyləyən din Qurandakı İslam deyil.

Darvinizmin əsassızlığının göstərilməsi və mövhumatçı din anlayışının aradan qaldırılması dəccaliyyətin Türkiyə üzərindəki pəncəsini sındırdı.

Müsəlman qulaqdan dolma məlumatla tənqid edilməz. Ayə ilə, Quranla danışıb; “bu ayəyə görə səhv edirsən” deyə tənqid etmək lazımdır.

Musiqinin haram olduğuna dair Quran ayəsi yoxdur. Mövhumatçılar eyham ilə hökm çıxarmaq istəyərlər, halbuki Quran çox açıqdır. Möhkəm ayələr aydındır.

Gənclərin gələcəyini qaraldan sistem şumer və qədim Misir dövründən gələn darvinist xurafatdır.

Təkamül nəzəriyyəsi Şumerlərdə yaranmış bütpərəst xurafatdır. Bütün dünyanın təsadüflər nəticəsində yarandığını irəli sürər, elm deyildir.

Təkamül şumerlərdən qalan xurafatdır. Yaradılış elmdir. Elmə qarşı bütpərəst xurafatların təqdim edilməsini qəbul etmərik. Təkamülçülərin əlində təkamülü göstərən tək bir fosil belə yoxdur. Təkcə xəyali rəsmlər və nağıllar var.

Quşları, çiçəkləri, pişikləri, çiyələkləri, insanları hər şeyi təsadüflə izah edən təkamül xurafatı qarşısında diz çökmək utanılacaq vəziyyətdir.

Darvinizmi elm zənn etdikləri üçün qarşısında özlərini aciz hiss edirlər. Darvinizm elm deyil. Biologiyaya daxil olmuş xurafat yığınıdır.

Dindar olanların həyata qapalı olduğu qənaəti vardır. Bu fəlsəfəyə görə xalq əylənər, çimərliyə gedər, dini dəstəkləyər, lakin dindarlar həyatı yaşaya bilməz.