Adnan Oktar A9 TV; 19 iyun 2013

Nə kommunist gənclər, nə klassik ənənəvi İslam anlayışını müdafiə edən gənclər heç cür məqsədlərinə çata bilməzlər. Kommunist gənclər xoşbəxt olmaq istəyirlərsə mehdiyyətin daxilində xoşbəxt ola bilərlər. Mühafizəkarlar, mühafizəkar qruplar da mütləq mehdiyyət daxilində xoşbəxt olarlar. Çünki birində olan digərində yoxdur, digərində olan o birisində yoxdur. Halbuki, mehdiyyətdə hər ikisində olan üstün xüsusiyyətlər var.

MHP daxili və xarici təhlükələrə qarşı böyük gücdür. CHP qatı dinçiliyə qarşı mükəmməl potensialdır. Səadət Partiyası Ortodoks rəftarı ilə çox razıdır. Həmçinin Böyük Birlik Partiyasını da bütün qəlbimlə dəstəkləyirəm.

Ənənəvi İslam anlayışının o qatı dinçiliyi boğucudur. Elə bir sistemdə yaşanıla bilməz. Qadınların alçaldıldığı, ikinci sinif olaraq görüldüyü, böyük bir təzyiq sisteminin olduğu bir üsul―bu din deyil.

AKP, MHP, BBP, Səadət―bütün sağ partiyalarımızın fərqli gözəllikləri var. Hər hansı partiyanı təhqir etmək ağıllı hərəkət deyil. Bütün partiyaların yaxşı cəhətlərini bir yerə yığmaq ən məqsədəuyğun hərəkətdir. CHP də yaxşıdır, tarazlıq partiyasıdır.

Hər vaxt MHP-nin də, BBP-li qardaşlarımızın da, Səadət Partiyalıların da coşğulu, qüdrətli səslərinə millətin ehtiyacı var. Xarici dünyanın da bu səsi eşitməyə ehtiyacı var.

Milliyyətçi gənclər, Alperenlər, əgər alınarsa Səadət partiyasının gəncləri də bir araya gəlsinlər. Qərarlı duruş sərgilənən bir platforma meydana gətirsinlər qanuna, hüquqa uyğun şəkildə. Ədalət və İnkişaf Partiyası, CHP partiyasının gəncləri də buna qoşulsun. Bölünməyə qarşı fövqəladə bir dayanıqlılıq və müqavimət göstərən bir açıqlama verilsin.

Türkiyənin sahibləri çox güclüdür. Vətənpərvər gənclik Türkiyənin sahibidir, BBP-lilər Türkiyənin sahibidir, Səadət Partiyasının dindar gəncliyi, CHP-nin fəal, diribaş gəncliyi, Ədalət və İnkişaf Partiyasının dindar gəncliyi, hamısı Türkiyənin sahibidir. Buna görə heç kim Türkiyəyə oyun oynaya bilməz.

Əvvəl ayrıldıqlarımızla bir yerə gələcəyik: Yunanıstana, Bolqarıstana çatana qədər hamısı ilə birləşəcəyik. Mərakeş, Tunis, Əlcəzair, Liviya, Misir hər biri ilə birləşəcəyik.

CHP bir ovuc kommunistin təlqin və tövsiyələrinə məhəl qoymasın, xalqın ümumi meyli nədirsə onunla uyğunlaşsın. Müasir, mehriban, Atatürkçü cəhətləri ilə güclü olan iqtidara gəlsin, inşaAllah.

Ən şiddətli döyüşdən belə çıxış yolu tapmaq mümkündür. Müəyyən müdaxilələrlə savaş dayandırıla bilər.

Çadralı və başı açıq xanımların bir qismi arasında nifrət mütləq yox edilməlidir. Müsəlman hz. Məryəm kimi həlim olmalıdır.

Türkiyə Avropa böhran içində ikən ən bərəkətli ölkədir. İqtisadiyyatına görə ən sağlam ölkədir. Xarici və daxili ticarətdə mütənasib, tarazlı vəziyyəti vardır. Bu da AK partiyanın sayəsində mümkün olmuşdur. AK partiyası vəsilə oldu.

Bütün güc Allahındır. Sülh, dostluq təmin edilməyəcək şey deyil. Amma son dərəcə xoş niyyətli olmaq, öz mənfəətini güdməmək lazımdır. İki tərəfin də mənfəət ehtirası varsa mütləq döyüş yaranar. Mehdiyyət mənfəətsiz olduğu üçün, səmimi olduğu üçün sevgi ilə hər şeyi həll edə bilir.

Keyfiyyət daim artırılmalıdır. Bir insan "mükəmmələm", "çox yaxşıyam" deyə bilməz. Hər şeydə keyfiyyət, azadlıq insanın içini açar. İnsanlar müasir insanı sevirlər.

Mehribanlığı daha çox artırıb insanların içində pis ruhlu olanları utandırmaq lazımdır. Məsələn, bir mövzunu tənqid edirlərsə, onun on qat artıq gözəl cavabını vermək lazımdır.

Mehdiyyətdə malından paylamaq, bunda da ədalət, mehribanlıq, sevgi vardır. Allah rizası üçün sevirsən. Hər şey Allah rizası üçün olduğu üçün mehdiyyət müvəffəqiyyətli olur.

Mənim Tayyib bəyə tövsiyəm odur ki, müasir həyat tərzinə, müasir insanlara, müasirliyə dəstəyini açıq şəkildə göstərsin. Çünki bütün Avropa, Amerika müasirdir. Müasirliyi dünyanın hər yerində sevirlər.

Vətəndaş polisi, dövləti hər cəhətdən dəstəkləməlidir. Dövlətlə millət birlikdə hərəkət etməlidir. Beləcə müvəffəqiyyət əldə etmək olar, inşaAllah.

Hz. Mehdi (ə.s) vəhşi kapitalizmin əleyhinədir. Quranda vəhşi kapitalizm tənqid olunur. Allah Quranda vəhşi kapitalizmin azğınlığını izah edir və malın bərabər paylanmasını əmr edir. Bu isə vəhşi kapitalizmin sonudur.

Ələvi qardaşlarımızı çox sevsinlər. Onlar canımızdır, çox gözəl insanlardır, mehribandırlar, xurafatçılığa qarşıdırlar. Üfüqləri genişdir. Dünyəviliyi müdafiə edərlər. Dində təzyiqi qəbul etməzlər. Hər tərəfli mükəmməl insanlardır.

Allah bizim sərbəst olmağımızı, cənnətdəki kimi yaşamağımızı istəyir. Allah ayədə buyurur ki, Allah sizə sıxıntı verib neyləsin? Amma buddist inancında da, köhnə inanclarda da sıxıntı vermək, özünə acı çəkdirmək Allaha yaxınlaşmağın bir yolu hesab edilir.

İslamda qadağalar barmaqla sayılır. Halalları saymağa cəhd etsən ömrün çatmaz. Haramları saymaq isə barmaqla sayılacaq qədərdir. Halalların sayı-hesabı yoxdur.

Bir müddət sonra görəcəksiniz, dünyadakı ana dil türkcə olacaq. Mehdi (ə.s)-ın dili olduğu üçün bütün dünya türkcə öyrənəcək, inşaAllah.

Keyfiyyətli bir insan hər gördüyü yalana diqqət etmədən, araşdırmadan "nə gözəldir" deməməlidir. Heç düşünmədən inanan insanlar, əsasən, keyfiyyətsiz insanlardır.

İlluminati, massonluğun üst təbəqəsi dünya tarixini istiqamətləndirər. Dünya tarixinin keçmişinə, hədislərə, Qurana, Tövrata baxıb tarixi istiqamətləndirərlər.