Adnan Oktar A9 TV; 25 may 2017

Qazilərimizə də, şəhidlərimizə də gecə-gündüz qibtə edirik. Analarını və atalarını təbrik edirik. Hamısını alnından öpürük. Şəhid ailəsi olmaq çox böyük savabdır. Onları çox yaxşı qorumaq lazımdır. “Ana, bir oğlun var idi, indi bütün məhəllə sənin oğlundur” deməlisən, hər işlərinin ardınca qaçmalısan. O anaya ömür boyu xidmət etsən vətəni, bayrağı, dövləti üçün canını verən o gözəl insanın haqqını ödəyə bilməzsən.

Şəhidlik həm şəhid olana, həm də ailəsinə çox böyük şərəfdir. Nə gözəl mövqedir, cənnət əhli olurlar.

Dünya müvəqqətidir, imtahanı çətindir. Şəhidlərimiz isə necə də gözəl məqama qovuşurlar, onların məqamına qibtə edirik.

Zəlzələlərdə ölənlər şəhid, yaralananlar qazi, itən mallar da sədəqə hökmündədir inşaAllah.

Necə də xoşdur şəhidlərimizə, Allah sevinclərinə sevinc bəxş etsin. Cənnət süfrələrindəki o gözəl söhbətə inşaAllah bizi də dəvət etsinlər.

Millətimizin inancına görə bir insanın Allah dərgahındakı yeri əhəmiyyətlidir. Şəhidlər də Allah dərgahında ən gözəl məqamdadırlar.

Şəhid anasının qış üçün ayaqqabısının olmaması millətimizə təhqirdir. Şəhid ailələrinə kömək etmək və sahib çıxmaq çox əhəmiyyətlidir. Şəhid ailəsinə şəhidlik xəbəri verildiyi dəqiqədən etibarən bütün çatışmazlıqlarının müəyyən edilməsi və ailənin bütün ehtiyaclarının sürətlə ödənilməsi lazımdır.

Şəhidlərin yaşadığı aləmdə həm kədərlənəcək hadisə yoxdur, həm də vücudlarında, ruhlarında kədərlənmə mexanizmi yoxdur, təkcə sevinc var.

Şəhidlik bir həyat aləmidir. Şəhidlərin aləmində təkcə müsbət imtahan var, hər şey müsbətdir. Buna görə də, olduqca rahatdırlar inşaAllah. Dünyada qorxu və narahatlıq var. Lakin şəhidlərin olduğu aləmdə hiss etdikləri duyğu, təkcə sevinc və gözəllikdir. (Ali İmran surəsi, 170-171: Allahın Öz lütfündən onlara bəxş etdikləri ilə sevinc içindədirlər. Arxalarından onlara hələ çatmayanlara müjdələmək istəyirlər ki, onlar üçün heç bir qorxu yoxdur, qəmli də olmayacaqlar. Onlar, Allahdan bir neməti, bir lütfü (bolluğu) və həqiqətən Allahın möminlərin mükafatını puç etmədiyini müjdələyirlər.)

Şəhid ailəsi olmaq çox böyük üstünlük və şərəfdir. Şəhid ailələrinə hər yerdə ən gözəl şəkildə qulluq edilməsi, hörmət görmələri lazımdır.

Axirətə şəhid olaraq getmək ən gözəl şərəfdir, bir müsəlmanın ən çox istəyəcəyi gözəllikdir. Dəliqanlıya yaraşan şəhidlikdir.

Şəhidliyi fəlakət kimi göstərirdilər, hər gün verilişlərdə şəhidliyin nemət və şərəf olduğunu söylədik. Bütün Türkiyədə şəhidlik həsrəti yarandı.

Gözəl imtahanla imtahan olunan insanlara yaxın olmaq ürəkaçan haldır. Şəhid ailələrinə yaxın olmaq, kömək etmək qəlb rahatlığı bəxş edər.

Həm şəhid ailələrinə, həm də qazilərə və ailələrinə çox yaxşı sahib çıxmaq lazımdır. Onlar hər diyarın gözəlliyidir.

Şəhid ailələrini heç boş buraxmamaq lazımdır. Onların evləri bir məscid kimi olmalıdır. Hər gün Allahın yada salındığı, gözəl söhbətlərin edildiyi, təmiz və pak bir yer olmalıdır. Gedənlər evi də gözəl şəkildə təmizləməlidirlər. "Ana biz evi təmizləyək" deməlidirlər. Çirkli qab-qacaq varsa, onları yumalıdırlar. Yemək yoxdursa, yemək bişirməlidirlər.

Şəhid , qazi ailəsindən pul almaqla varlı olmarsan. Onların gəlməyi bərəkət və gözəllikdir. Allah sizdən qəzanı, bəlanı uzaqlaşdırar. Başınıza gələcək bəlanı uzaqlaşdırar. Xəstəxana pulu etdiyiniz şeyləri üstünüzdən qaldırar, inşaAllah.

Qazilərimizə gözəl şəkildə sahib çıxaq. Hər yerdə onlara qazi evləri, qazilər üçün lokallar yaradaq. Şəhid ailələri üçün də həmçinin. Orda gözəl xatirələrini izah etsinlər. Bütün millətimiz də onlara sevgi, hörmət göstərsin.

Hər bir şəhid atası bütün millətimizin atasıdır. Hər kəs onun əmrində olmalıdır.

Şəhid ailələrinə göstərilən şəfqət, sevgi, onlarla əlaqə əxlaqın, imanın gərəyidir, Müsəlmanlığın bir vəzifəsidir.

Şəhid ailəsinin kasıb yaşaması, insanlara möhtac olması çox qürur incidici və çox hörmətsiz olar. Şəhid ailələri öndə olmalı, ilk işə götürülənlər onlar olmalıdır. Onlar rahat olsunlar. Onlar Allah rizası üçün, din üçün, iman üçün, vətən üçün, millət üçün, bayraq üçün, namus üçün, hərşeydən vacib Allah rizası üçün canlarını vermişlər. Torpaq altına girmiş və cənnətə getmişlər. O AİLƏLƏRƏ BAXMAQ NAMUS BORCUDUR. ƏKS DAVRANIŞ GÖSTƏRMƏK NAMUSU ÇİRKLƏNDİRƏR.

İdman bədəni gücləndirər. Gənclərin idmanı sevməsi üçün mütəxəssislər tərəfindən təşviq edilmələri və yetişdirilmələri lazımdır.

Otellərdə, restoranlarda yeməklərin israf edilməməsi üçün hər cür tədbirin alınması vacibdir. İsraf olmasa dünyada kasıb qalmaz.

Allahın təcəllisini gördüyüm dindar, təmiz, səmimi hər qadını Allah sevgisi ilə çox sevərəm.

Müsəlman kilsəyə də gedər, sinaqoqa da gedər, məscidə də gedər. Müsəlman sinaqoq və kilsələri qorumaqla məsuldur. Sinaqoq və kilsələr də Allahın evidir. "Oraya girən kafir olar" şəklindəki batil düşüncə çox yanlışdır, müsəlmanlar Allahın evini qoruyarlar.

Uşağın canını yandırmaqla tərbiyə vermək olmaz. Uşaqla uşaq kimi rəftar etmək əvəzinə məntiqli, ağıllı izahat verilsə uşaq doğrunu qəbul edər. Uşaqlara Allahın qulu, təcəllisi olaraq baxmaq, dəyər verib hörmət göstərmək lazımdır. Uşaq özünə hörmət göstərildiyini görsə öyrədilər.