Adnan Oktar A9 TV; 7 oktyabr 2014

Sevirsənsə, əvvəlcə Allahı sev, Allahı sevdiyini göstər. Həyatına əks olunsun. Boşyerə “sevirəm” demək olmaz. Səndə coşğulu iman əlaməti olmalıdır. Onda Züleyxanı axtarmağına ehtiyac qalmaz. Allah Züleyxanı sənin yanına göndərər.

Allah şərik qoşanların qəlblərindən sevgini çəkib alır. O qaçır, o qovur, o qaçır o qovur. Halbuki, sevgisini, gözəlliyi birbaşa Allaha yönəltsə, Allaha dua etsə Allah ona nəsib edər.

İnsan sevgisinə aludə olarsansa şirk olar. Allaha olan sevgindən ötrü sevməlisən. Mahnılar belə həmişə ayrılıqla bağlıdır. Allahın təcəllisi olaraq sev. Allahın təcəllisi olaraq sevsən, o cür mahnıya ehtiyac qalmaz. O qədər iztirab çəkməzsən.

Sevmək üçün Allah qorxusu, Allah sevgisi lazımdır. Ət, sümük sevilməz; Allahın təcəllisi sevilər. Əgər ölüb gedəcək, yox olacaq bir varlıq kimi düşünürsənsə, onda nəyini sevməlisən? Əbədi olan sevilər. Əbədi olan Allahdır, Allahın təcəllisi olaraq sevə bilərsən.

Gözəlliyi göstərən Allah, bir görüntü olaraq göstərir. Bütün hamısı Allaha aiddir, sevdirən Allahdır, göstərən də Allahdır. Bütün sevgini Allaha yönəlt. Allahı sevmir amma insanı sevir, ondan sonra da "vay yandım" deyə başlayır.

Sən Allahı sevsən, sevdiyin görüntü də sonsuza qədər yox olmaz. Heç bir varlıq yox olmaz. Mövcud olan bir şey bir dəfə yarandısa, artıq bir daha yox olmaz. Mümkün deyil, texniki baxımdan da mümkün deyil.

Əgər sevgi olmasa, Allah qorxusu olmasa, mərhəmət olmasa, onda 2015-ci ilin dəhşətlərin, ağrıların yaşanacağı bir il olacağı məlum olur. Allah mehdiyyətə tam mənası ilə diqqət çəkincəyə qədər bu hadisələr baş verməyə davam edəcək. İnsanların mehdiyyəti bir qurtuluş olaraq görəcəyi günə qədər bu davam edəcəkdir.

Dünyada həqiqətən vəhşilik və sevgisizlik hakimdir, heyrət ediləcək dərəcədə insanlar bir-birlərini sevmirlər. Bu bəlanı insanları sevənlər, Allahı sevənlər aradan qaldıracaq.

Allahı sevənlər, insanları sevənlər sürətlə bir araya gəlirlər və dünyadakı əsl güclər onsuz da onlardır. Onların bir araya gəlməsi nəticəsində dünyaya sevgi və sülh hakim olacaq.

Sən Qurana tam əməl etsən, Allahı tam sevsən, ürəyini Allaha tam təslim etsən, aşiq olsan, Allah eşqiylə yansan Allah sənə təcəllisini zəbt edər. O təcəlli səndən getməz. Onu səndən alan Allah. O zənn edir ki öz başına qərar aldı, getdi. Sənə gətirən də Allah, aparan də Allah.

Allahdan qorxan çox ağıllı olur, halalda, haramda çox dəqiq olar, bütün hərəkətləri müvazinətli və düzgün olar. Allahdan qorxmasa, Allah uzaq eləsin, onsuz da rəftarlarında dərhal əks olunur. Ağzına gələni deyir, istədiyi kimi hərəkət edir. Müsəlman, Allahdan qorxduğunda hər şeyi seçərək, çox diqqətli və uyğun olan gözəl rəftar göstərir. Eqoistlikdən, xudbinlikdən uzaq olur.

Baxın deyirəm ki, Fransaya böyük müsibətlər üz verəcək. Bəla bütün Avropanı bürüyəcəkdir. Söz eşitmirlər. Allah buranı əyləncə yeri olaraq yaratmadı. Allaha inam çox əhəmiyyətlidir, Allahı sevmək çox əhəmiyyətlidir. Kainat bunun üçün mövcuddur. Sən Allahdan uzaq olsan, Allah rahatlıq verməz.

Yenə hadisələr olar, yenə qarşıdurma olar. Bunun sonu gəlməz. Allah sevgisindən qaynaqlanan sevgi olmadıqdan sonra bu bəla hər yeri bürüyər, bu atəş hər yeri bürüyər. Amma qulaq asacaqları gün gələcək. Təxminən 2019-cu ildə diz üstə çökəcəklər. Haqqın, həqiqətin, sevginin doğru olduğunu anlayacaqlar.

Allahdan qorxmayan hər kəs əxlaqsızlıq edəcək deyə bir şey də yoxdur. Amma əxlaqsızlar daim Allahdan qorxmayan insanların arasından çıxmışdır. Bu çox əhəmiyyətlidir. Allahdan qorxan onsuz da edə bilməz, mümkün deyil. Hər bir təcavüz hadisəsini, hər bir əxlaqsız hadisəni daim Allahdan qorxmayan insanların arasından çıxan kimsələr törətmişdir. Bunu bilməlidirlər.

Hər əxlaqsızlıq, hər zülm, hər cinayət Allahdan qorxmayan kəslərin törətdiyi hadisələrdir. Kommunistlər, darvinistlər, materialistlər, yəni Allaha inanmayanlar Allahdan qorxmaz. Onların arasından çıxar. Məsələn, xurafatçılar da Allahdan qorxmadıqları üçün əxlaqsızlıq edirlər.

Əgər biri iman əhlindəndirsə, Allahın diləməsiylə qorxmasın. "Mən varam", "Məni kim yaratdı?" deyirsə, Allahdan qorxacaq gücə sahibdirsə, Allah da iman əhlini yandırmaz. Bu qədərini deyim ki, anlasınlar. Cəhənnəm əhli necə bir məxluqatdır?. Bunu dərk edə bilməzlər. Cəhənnəm əhli ölü olur.

Allah “Qəffar və Rəhim”dir, mərhəmətlidir. Mömin bir insan, Allahdan qorxan bir insan cəhənnəmə girməz. Allahdan qorxan dinin tələblərini onsuz da yerinə yetirər. İkinci bir ehtimal olmaz. Onsuz da onlar mömin olaraq yaradılırlar.

Allah sevgisi olduqda, Allah qorxusu olduqda, Allah eşqi olduqda hər şey gözəl olur. Bütün məsələ Allahı səmimi-qəlbdən sevmək və səmimi-qəlbdən iman etməkdir.

Sən Allahdan qorxmayandan çəkinəcəksən. İmanla, Quranla hərəkət etməyəndən çəkinməlisən. Çünki onun bir qanunu yoxdur. Adamın nə düşünəcəyini bilməzsən. Hər şey edə bilər. Amma möminin qanunu var, qaydalara bağlıdır.

İnsanların bir çoxu dindən uzaq yetişdirilir. Allah sevgisindən, Allah qorxusundan uzaq yetişdirilir. Bir çoxu mərhəmətsiz və qəddardır. Belə bir mühitdə günahsız, mələk kimi uşaqları təkbaşına küçəyə buraxmaq olmaz.

Sevgini istədikdə əvvəlcə Allah sevgisi hədəf alınmalıdır. Allah sevgisi, Allah qorxusu yoxdursa, sevgi də yoxdur.

PKK-nın 40 illik ömrü sona çatdı. Peyğəmbərimiz (s.ə.v) hədislərdə: "Dəccalın ömrü 40 ildir" deyir. Ömrü sona çatdığı üçün, Allah da o qövmün həlak olması barədə hökm verdi. Yəni, o hökmü Xızır (ə.s) verər. Yəni, bilin ki, bir qövmün həlak olması barədə hökm verilməsini Xızır (ə.s) öz boynuna götürmüşdür.

PKK-nın 40 illik ömrüsona çatdı. Bu səbəbdən də, PKK qövmü aradan qaldırılır. Kürd qardaşlarımız əziz və ali olacaq, dəyərləri bilinəcək, xoşbəxt və rahat yaşayacaqlar.