Adnan Oktar A9 TV; 11 sentyabr 2015

İsrarlı, qərarlı olmaq çox əhəmiyyətlidir. Allahın köməyi ilə bu bəlanın, bəlaların, əzabların bitəcəyinə inanıram. Sevgi dolu, ağıllı insanların fəaliyyətdə olduğunu görürəm. Ən zalım insanı belə razı salmaq olar. Sevgiylə yaxınlaşılacağı, Allah inancıyla yaxınlaşılacağı təqdirdə bunun mümkün olduğunu birlikdə görəcəyik. Hər şey əvvəlki gözəlliyinə qayıdacaq.

Bölgədəki zülmü və yaşanan əzabları sadəcə diplomatiya ilə həll etmək olmaz. Sevgiylə olar. Allah ilə əlaqədə olmaqla olar.

Sevgini verən Allahdır. Bu möcüzə olaraq meydana gəlir. Yəni ehtirası meydana gətirən Allahdır. Azğınlarda və dəlalətə düşənlərdə ehtiras olmur. Bunun üçün çalışırlar, lakin olmur. Nə etsələr də olmur. Filmlərdə bunu canlandırırlar, romanlarda canlandırırlar, lakin faktiki həyatda əsla alınmır. Niyə? Çünki bu iman gətirdikdə yaranan bir möcüzədir. İmanlı kişi və imanlı qadın arasında yaranan bir gözəllikdir.

Sevgi Allahın təməl xüsusiyyətidir, dünyanın mənasıdır. Nifrət çox çətindir, insanı mənəvi və fiziki cəhətdən çökdürər. Cəmiyyəti çökdürər, həyatı çökdürər, iqtisadiyyatı çökdürər. Nifrət çox qorxuncdur.

İsrail səhv edir deyə, sənin də səhv etməyin lazım deyil. Sən ona dostcasına, sevgiylə yaxınlaşsan onun da sənin dostun olduğunu görərsən. Sən sevgiylə yaxınlaş, dostcasına yaxınlaş. Amma bıçaqla yaxınlaşsan, o da sənə tankla yaxınlaşar, tankla yaxınlaşsan bombayla yaxınlaşar. Bunun sonu gəlməz. Amma sevgiylə yaxınlaşsan onun da sənin dostun olduğunu, sevdiyini görərsən. Bu, Quranın bir sirridir.

Sevgi moda halına gətirilməlidir. Yazıçılar buna liderlik etsin ki, sevgini gündəm mövzusuna çevirək. Bu sevgisizlik insanları həlak edər, bu çox qorxunc şeydir. Sevgi sözünü söyləsə, sevgidən danışsa insanlar onun təsiri altında qalarlar.

İnsan sevgiyə dair tək bir cümlə yazdıqda, o onu əsir edər. Yəni yazdığı cümlənin əsiri olar, lakin nifrət yazısı yazdıqca da bu nifrət yazılarının əsiri olur. Həmin hərflər onu hipnoz edir, o küfr dolu sözlər onu hipnoza salır. Halbuki özünə sevgi hipnozu etsə, onun təsiri altında qalacaq. Yazdıqca sevgi onu bürüyəcək.

Bəzi gənclər nə qədər çox dava etsələr, nə qədər söz ilişdirsələr o qədər şəxsiyyətləri artacağını düşünürlər. Sevgini bilməyən insan necə şəxsiyyət sahibi olar? Bir dəfə insan xüsusiyyətini qazanması üçün sevgini bilməlidir. Sevgi yoxsa bitmişdir.

Mənfi olan hər şeyi söyləyir, dərmanını söyləmir. Dərmanı tək sözlə söyləməlidir; sevgi. Hər kəs ağzını sevgi sözünə alışdırsın. Dünyadakı bu xəstəliyin, bu fəlakətin həlli sevgidir.

Aciz və pessimist üslub olmaz. Bir qayda olaraq bundan uzaqlaşmaq lazımdır. Həll yolunu söyləyin. Utanacaq bir şey yoxdur. Xoşunuza gəlməyəcək bir şey də deyil. Sevgi gözəl bir sözdür.

Sevgi dünyanın ən gözəl tərəfidir. Həyatın ən gözəl tərəfidir. Çünki sevgi imanla əlaqəlidir. Allahı sevən, təcəlli olaraq insanları da sevər.

Din sevgidir, rahatlıqdır, gözəllikdir, sevincdir. Allahın nemətlərindən halal yolla ən gözəl şəkildə istifadə edərsən. Sağa dönsən cinayət, sola dönsən cinayət, göyə baxsan cinayət, yerə baxsan cinayət; bu cür din anlayışı olmaz. Bu insanları məhv edər, ruh xəstəsi olarlar, ağılları yox olar. Dini çətinləşdirmək zalımlıqdır. Bilmədən bu zülmü edirlər.

İnsan xəstələnir, dərman qəbul edir və "mən bu xəstəliyi dərmanla sağaldaram" deyir. Bu çox böyük səhvdir. Səmimi şəkildə: "Ey Rəbbim bu dərmanı vəsilə et" deməlisən. Yaxud yaralanır, bir şey olur, antibiotik qəbul edir, "vəssalam, bu sağaldar" deyir. Bu cür olmaz. Sən: "Ey Rəbbim bunu vəsilə et" deməlisən. Əks halda o dərmanı bütləşdirmiş olarsan. Dərmanı yaradan, dərmana o gücü verən Allahdır. Beynində onu sənə göstərən də Allahdır.

Ehtiyac içindəki insan deyildikdə, bir çox adam ilk növbədə həmin insanın çörəyə, yeməyə ehtiyac duyduğunu düşünür. İmana ehtiyacı var, Allah sevgisinə ehtiyacı var. Dua etsən Allah səndən razı qalar. Sevgiyə, dərinliyə ehtiyacın var, Allahı dərindən sevməyə ehtiyacın var.

İnsana bir zərər gəldikdə necə dua edir? Mükəmməl. Allaha necə bağlanır? Mükəmməl. Necə hörmət edir? Mükəmməl. Amma başına bəla gəlmişdir. Bəla gəlmədən motivasiya olmur. Niyə bəlanın gəlməsini gözləyirsən? Həmişə bəlaya düçar olduğun vaxtlardakı kimi olmalısan.

Allah dünyanı nuruyla əhatə etsin. Rəbbimiz "Hadi" ismiylə təcəlli etsin inşaAllah. Dəccalı məhv etsin. Dəccalı pərişan etsin. Dəccaliyyəti yox etsin.

Allah hər yerimizi nurla əhatə etsin. Bizi nurlandırsın. Hidayət versin. Ağlımızı açsın. Şeytanın şərindən qorusun. Pislərdən qorusun. Qəlbimizə əmin-amanlıq duyğusu versin. Bizi zənginləşdirsin. Gücləndirsin. İslamı hakim etsin. Mehdi (ə.s)-ı göstərsin. Mehdisini zahir etsin. Bizi Mehdi (ə.s)-ın, İsa Məsih (ə.s)-ın tələbəsi etsin.

Mömin duanı çox əhəmiyyətli görməlidir, Allahın dəyər vermə səbəbi, möminin Ona dua etməsidir.

Hər yer möcüzə doludur. Mömin, bu möcüzələri yadda saxlaya bilmək üçün, Allaha dua etməlidir. Möcüzələrdəki mükəmməlliyin həyəcanını və şokunu yaşamaq üçün dua etməlidir. Həmçinin bu məlumatın meydana gətirdiyi təqdir hissini Allaha təqdim edə bilməyi Allahdan istəməlidir.

İnsan sanki ülfətin içində üzür. Bu ülfətin aradan qalxması üçün Allaha dua etməlidir. "Ey Rəbbim ağlımı aydınlaşdır, bu möcüzəni görüm. Beynim bunu hazırda mənə, mənim istədiyim kimi hiss etdirmir" deməlidir. Məsələn, yazı var, oxuya bilmir; bunun kimi. Mömin; "bəsirətim açılsın, bu möcüzənin həyəcanını yaşayım, Səni layiqincə təqdir edim ey Rəbbim" deməlidir.

Şok edici, heyrət verici məlumat qarşısında diqqət və təqdir gücünün zəif qalması insan beyninin, ruhunun acizliyidir. Bunu iradə toplaya bilmir. Yoxsa normalda nəfəsi kəsilməli, çox təəccüblənməlidir. Bu acizliyin üstəsindən gəlmək üçün dua edilməlidir.

İndi Cizrədə nə edilməlidir? İgid xalqımız, kürd qardaşlarımız, nurlu qardaşlarımız üçün, evləri olduqca gözəlləşdirib özlərinə hədiyyə edilməlidir. Malı-mülkü yox oldusa, yerinə artığıyla mal-mülk verilməlidir. Yeməyi yoxdursa və ya misal üçün, 10 kilo düyüsü əldən çıxdısa, yerinə 100 kilo düyü alıb torbayla evinə qoyaq. Bərəkəti olar.