Adnan Oktar A9 TV; 31 yanvar 2017

İnsanı sevgi gözəlləşdirər. Gözəllik, ət və sümüklə olmur.

Hər gün sevgini xatırlatmağımız, şeytanın hər gün etdiyi düşmənçilik hərəkətinə qarşı ən gözəl cavabdır.

Türkiyə olaraq həmişə doğruya təşviq edən mehriban üslub işlətməyimiz lazımdır. Həmişə zidd, tənqid edən üslubla nəticə alınması mümkün olmaz.

Mehdiyyətin sevgi, mərhəmət, gözəllik, yaxşılıq anlayışını dünyaya hakim etmək əhəmiyyətlidir. Mübahisə ilə, dava ilə heç bir məsələ həll edilməz.

Maddiyyata əsaslanan sevgi, sevgi deyil. İnandırıcı deyil. Bir qadın ev, avtomobil üçün sevgisini verirsə bu çox alçaldıcıdır.

Nə dediyini bilməyən, hər şeyə düşmən olan, gözəllikdən zövq ala bilməyən, sevgisiz, mərhəmətsiz, özü pis, həyatı pis olanları səbirlə öyrədəcəyik.

İnsanların arasında çox sayda ruhu olmayan, eynilə insana bənzəyən müəyyən mənada zombi olan varlıqlar var. Allah Quranda bunlara diqqət çəkmişdir. Yalnız nifrətə görə kodlaşdırılmış, sevgi, gözəllik nədir bilməyən, sözdən anlamayan, sanki heyvan kimi yaşayan bu mənəvi ölülər xüsusi yaradılmışdır. Bu zombilərin varlığı möminlərin qorxularının artmasına vəsilə olur. Mömin bunların mövqeyinə düşməkdən çəkinir. Bu dünyanın gözəl cəhətlərindən biridir, möminlərin bu məxluqlarla apardığı elmi mübarizədir.

Bəzi insanların imkanı, pulu, peşəsi hər şeyi var, lakin səmimi sevgini həyatı boyu bir dəfə belə yaşamayıbdır. Buna görə də bizim sevgini yaşadığımızı gördükdə dəlicəsinə həsəd aparırlar. Həsədləri, böyük əzab çəkmələrinə səbəb olur.

İnsanın məqsədi sevgi olmalıdır. Allahı sevməlidir, Allahın yaratdıqlarını sevməlidir. Səmimi sevgi olduqda kin, nifrət, həsəd olmaz. Sevgi bütün problemləri aradan qaldırar.

Hörmət və sevgi bir-birinə bağlı iki möhtəşəm gücdür. Hörmət olmadan sevgi, sevgi olmadan hörmət olmaz.

Səbirli, bağışlayıcı, mərhəmətli, dürüst, gözəl sözlü, təvazökar və fədakar olan sevgini tapar.

İslamı içinə qapalı, ölü, əzab dolu sistem kimi göstərdikləri üçün insanlar İslamdan qaçır. Dəccaliyyətin bu oyununu biz pozduq. Sevgi, əyləncə, gözəllik, dostluq ən gözəl halı ilə İslamda yaşanar.

Dünyada çətinlik var. Çünki eşq və sevgi çətinlik içində yaranır. Eşq və sevgi olmadıqda isə heç nəyin mənası olmur. Dərin sevginin və dərin ehtirasın olması üçün acılar, çətinliklər və əziyyət olmalıdır. İnsan başqa cür dərinlik qazana bilmir.

Quranın hökmü axirətə qədər keçərlidir. Quranın sevgi, şəfqət hökmlərinin ləğv olunduğunu iddia edənlər böyük zülm etmiş olurlar. Bəzi mövhumatçılar Quranda sevgi, şəfqət hökmlərinin ləğv edildiyini söyləyərək musəvilərə və xristianlara şəfqətlə yaxınlaşmağı qadağan edirlər. Quranın heç bir ayəsi ləğv edilməmişdir. Allah Kitab əhlinə şəfqətlə, mərhəmətlə yaxınlaşmağı əmr etmişdir.

Qadın gözəlliyi və sevgisi dünyadakı ən gözəl nemətlərdən biridir. Qadın sevgisinin insanların əlindən alınması böyük mənəvi bəladır.

Heyvanların və uşaqların gözəlliyi, bir-birlərinə duyduqları sevgi cənnətin nümunəsidir.

Yaxşı insanlar da var, lakin pislər həddən artıq çoxdur. Etibarsız, dəyişkən insan həddən artıq çoxdur. Belə bir mühitdə əksər insan sevgini yaşamaq imkanı tapa bilmir.

Ən mühüm məsələ Allahın sevilməsidir. Allah sevgini çox ləzzətli yaratmışdır, bütün gözəlliklər, cənnətdəki bütün nemətlər sevgi üçün yaradılmışdır.

Ehtiras Allahın möminlərə xüsusi verdiyi nemətdir, nurdur. Hörmət olmadan sevgi olmaz. Bir qadının qarşısındakı hörmət göstəriləcək xüsusiyyətlərə sahib deyilsə, o insana hörmət bəsləyə bilmədiyi kimi ehtiras da bəsləyə bilməz.

Eqoizm insan vücudunu çürüdər. Eqoist insan məqbul danışa bilməz, məqbul məntiqi yox olar, sevgi gücünü və dərin düşünməyi itirər.

Sevgi üçün dərin səmimiyyət, dərin Allah qorxusu lazımdır. Allah sevginin şərtlərini Quranda bildirmişdir, bunlar olmadıqda sistem çökər. Sevginin yaranması üçün səmimiyyət olmalıdır, lakin bəzilərinin hər hərəkəti nümayiş olur, əlləri, baxışları, yerimələri nümayişdən ibarət olur. Sistem səmimiyyətsizliyin üzərində qurulduğu üçün ehtiras olmur. Ehtiras xüsusi güc tələb edir, təqlid edilməsi qadını çox qəzəbləndirər.

Sevgisiz, qəzəb dolu, söyüşsüz danışa bilməyən, üfüqləri dar olan insanların təhsili üçün dövlət xüsusi təhsil proqramı icra etməlidir.

Peyğəmbərimiz (s.ə.v) Mehdinin daş ürəkləri almaz edəcəyini bildirmişdir. Mehdi dünyanın sevgi müəllimidir.

İslam müasirlikdir, keyfiyyətdir, sevgidir. Müsəlman baxımlıdır, istədiyi kimi gülər, əylənər, dolu-dolu yaşayar. Əksini söyləyən səhv bilir.

Pişiklər sevgini çox gözəl bilən çox fövqəladə varlıqlardır. İnsanlar pişiklərin şirinliyini və qiymətini hələ yeni-yeni anlayır.