Adnan Oktar A9 TV; 19 Fevral 2013

Ağılasığmaz bir zülm, şiddət, narahatlıq bütün dünyanı cənginə alıb. İslam Birliyi olsa dünya toy, bayram yerinə çevriləcək. Sənətdə, elmdə, estetikada, gözəllikdə, demokratiyada böyük bir inkişaf, böyük bir intibah baş verəcək.

İslam dünyaya hakim olacaq. İslam hal-hazırda dünyadakı ən gözəl inanc, iman axınıdır. Hər kəsin qəbul edəcəyi, hər kəsin məqbul görəcəyi bir inancdır.

Bütövləşdirici, birləşdirici, Türkiyəni böyüdəcək, İslam Birliyinə faydası olan hər şey qəbulumuzdur. Amma bölünmə, bəlanı axtarmanın bir başqa adıdır.

PKK hərəkətinin Amerika tərəfindən də, Avropa tərəfindən də dəstəklənilməsinin səbəbi cənub-şərqi bir xətt olaraq bağlayıb Türkiyənin, Anadolunun İslam ölkələri və türk dövlətlərlə əlaqəsini kəsməsidir. Mehdiyyətə qarşı təşkil olunmuş hiyləgər, gizli bir işdir.

PKK-nın əsl köklü hədəfi, İslam Birliyini dayandırmaqdır. PKK hərəkəti Mehdiyyəti dayandırma hərəkətidir. Guya öz ağıllarına görə belə bir mənəvi pozğunluğu yaradacaqlar, cənub-şərqi qopardıq, deyəcəklər. Halbuki, nə cənub-şərq, nə Qaradəniz, nə Mərkəzi Anadolu, heç bir yer bölünməyi qəbul etməz. İslam Birliyi xaricində bir yol olmadığı da açıq-aşkardır. Bu vurnuxma boşa çıxacaq.

Arakan üçün Taylanddan mədət ummaqdansa, bir neçə İslam ölkəsi birləşsə problem həll olar.

Dövlət darvinizm-materializmi elmi olaraq tənqid edən təhsil siyasəti yeritməlidir. Gəncliyimizin həyəcanlı idealı, Türk-İslam Birliyi, İslam Birliyi idealı olmalıdır. Məsələn, PKK-nın bir kürd dövləti idealı, Böyük Kürdüstan idealı vardır. Bizim gəncliyimizin də böyük bir ehtiras və həyəcanla Böyük Türk-İslam Birliyi idealı olması lazımdır. Amma sevgi dolu bir ehtirasla olmalıdır.

Həyəcanlı, şövqlü, idealı olan, Türk-İslam Birliyini hədəfə alan bir gənclik yetişməsi üçün bütün Türkiyədə böyük bir ictimai hərəkat başlamalıdır. Başladılsın ki, güclü hücumla PKK fikrini ortadan qaldıra bilək.

Darvinist- materialist təhsilin zarafatı olmaz. Yəni imanlı gənclik qalmaz. İddiası olan insanlar qalmaz. Olsun, Türkiyə qalar, türk torpaqları qalar, hökumət də qalar, amma imanı olan gənclik qalmazsa və ya çox azalsa heç bir şeyin qiyməti qalmaz.

Türk dövlətlərində ittifaqda mehdiyyətin əsas olması lazımdır. Quran ruhunun əsas olması lazımdır. Qurandakı sevgi, şəfqət, mərhəmət, dostluq, yoldaşlıq, sənət və elm anlayışı, estetika anlayışının əsas olması lazımdır. Bunlar əsas olmazsa, birləşməklə heç bir şey olmaz.

Mehdiyyət və İslam Birliyi anlayışı olmadan bir Türk-Birliyi təsirli olmaz. Türk dövlətlərlə ittifaqda Quran ruhu əsas olmalıdır.

Öcalana türk millətinin heç bir fərdi əhəmiyyət verməz. Millətimizin Öcalanı qəbul etməsi kimi bir şeydən bəhs edilə bilməz.

Rus Marksist, Leninist, Stalinist “dərin dövləti” və köhnə Marksistlər, köhnə Stalinistlər geniş diametrli PKK-nı dəstəkləyirlər indi. Avropa kommunistləri dəstəkləyir. Amerikada CIA dəstəkləyir, amma türk milləti imanlı olduğu üçün, qoç igid olduğu üçün heç bir şey edə bilmirlər.

Muxtariyyət, federasiya, əyalət sistemi― bunların hamısı mədəni şəkildə bölünmə adlarıdır. Türk əsgərləri bu adlara etiraz etdikləri üçün şəhid oldular. Heç bir şəhid bunu qəbul etməz. Heç bir türk gənci, müsəlman övladı bunu qəbul etməz.

Fikir azadlığına “hə”, təhqirə “yox” deyək. Heç bir türk məhkəməsi kiməsə fikrinə görə cəza vermir. Təhqir, küfrə görə cəza verilər.

İman nuru insanın üstünə çöksə, artıq o zirehdir. Atəşin içinə belə girsə bayramdır. Çünki atəşin içinə nuruyla girər, deşər.

Məscidi-Əqsanı yeddi dövlət gəlsə yıxa bilməz. Məscidi-Əqsanın qədərində elə bir şey yoxdur. Mehdi (ə.s) Məscidi-Əqsada da İsa Məsihlə birlikdə namaz qılacaq. İsa Məsihə imamlıq edəcək. Allahın sözü əsasdır. İsrail ya başqası, heç biri yıxa bilməz.

Millətini sevmək bir əxlaq qaydasıdır, gözəldir. İnsan ailəsini, qardaşlarını, millətini sevər. Amma üstünlük iddia etmək artıq fərqlidir. Təbii ki, insan millətini, ailəsini qoruyacaq, sevəcək, şəfqət bəsləyəcək. Amma "Mənim irqim üstündür", "Ən üstün irq bizik" desə, bu çox anormal bir hərəkət olar.

Müsəlman Allahdan hər şeyin gözəlini, cənnətdə ən yaxşı mövqeyi, Allahın ən çox sevməsini istəyəcək. Biz Allahı lap çox sevəcəyik. İnsanlara sözün ən gözəlini söyləyəcək, ən gözəl paltarlarımızı geyəcək, ən gözəl qoxular üzərimizdə olacaq, ən gözəl söhbətləri edəcəyik. Allaha şükür dinimiz ən gözəl dindir. Ən gözəl texnologiyanı Cənab Allah bizə yaşadır, ən gözəl yardımları edir. Həmişə gözəli istəyəcəyik.

Abdullah Öcalan axırzaman dəccallarından bir dəccaldır. Peyğəmbərimiz (s.ə.v) 30 nəfər dəccal olacaq deyir, o dəccallardan biridir. Mehdi (ə.s) dövründəki dəccallardan biridir.

PKK-nın tərəfdarlarının şövqü, həyəcanı, ideologiyası var. Buna qarşılıq olaraq bizim gəncliyimizin də İslam Birliyi idealı və həyəcanı olmalıdır. Mədəni, sevgi dolu, çox dinamik, ehtiraslı bir gəncliyə ehtiyacımız var.

Dövlətin Darvinizmi tənqid edən siyasət aparması çox əhəmiyyətlidir. Gəncliyimizin Darvinist -materialist yetişdirilməsi PKK-nın lehinə olar.

Dövlətimiz Darvinizmi məhv edən dəlilləri aşkara çıxartsın: paleontologiya muzeyləri açsın, milyonlarla illik qalıqları sərgiləsin, dərs kitablarında tək bir zülalın belə təsadüfən meydana gələ bilməyəcəyini elmi dəlillərlə izah etsin.

Saxta Mehdini tanımağın çox asan bir yolu vardır: Mehdi olduğunu söyləməsi. Çünki əgər bir adam özünün Mehdi olduğunu iddia edirsə o, Mehdi deyil.

Fanatik zehniyyət insanların namaz qılmasını sanki qeyri-mümkün bir şey etmişdir. Allah Quranda dəstəmazı iki sətirdə izah edir, fanatiklər isə 350 səhifədə izah edirlər.